جزاك الله خير ...
انا حابة لو سمحتي لي اكتب قصص تبين فوائد الاذكار في حفظ الاولاد بمشيئة الله..
في احد الايام كنا في اجازة عند اهل زوجي صحيت انا وولدي قبل ابوه ولبسته وجلسنا في غرفة ثانية في الجناح حقنا واصر انه ينزل تحت عند جدته حاولت العبه حتى يصحى ابوه مارضى وجدته كانت مشغوله عندها اخوها وجالسين بالصالة وانا مااقدر انزل لأنه لازم امر بالصالة المهم نزل وطلع الحوش وراح الملحق ماكان فيه احد وكان باب الشارع مو مسكر تمام وفتحه وطلع انا قلبي نغزني دقيت على خالتي سألت عنه قالت مو عندي ودوروا في الملحق والحوش مو موجود صحيت زوجي يدق على اخوه يسأله اذا هو معاه قال لا انا هنا ماعاد قدرت أوقف بس اصيح وابكي وصاراستنفار في البيت والشارع وطلعوا بالسيارة يدورونه لقوه واقف مع رجال عند بيتهم وهو يسأله وين بيتكم والولد مايعرف وصاير احمر من الحر جابوه لي وانا منهاره ويقولي خلاص ياماما لاتبكين انا هنا حمدت الله اني حصنته قبل لا ينزل وحفظه الله الذي لاحافظ غيره .
وقصة ثانية لبنتي كنت عند جارتي وكان عندها مدخل ومليان تحف والاطفال يمرون من عنده ماقربوا منه بس مع انشغالنا بالسوالف راحت بنتي عنده وتلعب فيه وثواني بس الاهو طايح عالارض وبنتي جالسة تحته واتكسرت التحف والارفف وكله قزاز وركضت لبنتي متوقعةجروح وكسور لكن ولله الحمد مافيها ولا شي بس بكت من الروعة وكنت ولله الحمد محصنتها قبل لا أطلع من البيت.
فـــضـــل (اســتـــودعـــتـــكـ الله))!!؟
متابعة النقاش، صفحة 3