طريق الامل ( خبرات متبادلة حول مراكز العقم فى مصر ) الجزء الثامن

اه يا بنتى اسوان دلوقتى حلوة اوى , بس مين اللى يسبنى انزل جوزى مبيحبش انى انزل و اطلع كتير و انا حتتجن خلاص بحب انزل العصرية كده اشم هوا, ياه شكلى حنط من الشباك .
و تعالو بس و اكلة السمك مش رايحة حته ورونى الهمة.

مبروك يا وداع عقبال تحليل الحمل يا رب البوستيف و تكون اخر التحاليل

اولا سلامة ضهرك اوى اوى و ربنا يعفو عنك , انا ضاهرى كان وجنى الاسبوع اللى فات و كانت حاجة صعبة , ربنا يشفينا كلنا .

يا بنتى بقى فهمينى دكتور ايه ؟ انتى مش روحتى لاسماعيل خلاص و لا بتفكرى فى حد تانى ؟؟

ما هو اسماعيل انا رحت له مرة بس مش عارفه ايه نظامه شاطر بالمتابع العادية و الا لا
انتى دكتورك اسمه ايه و فاهم كويس بعلاج التكييس لا قدر الله او لخبطة الهرمونات

توتاااااااااااااااااااااااااااااااا ..................... و سلام كبير اوى لتوتا الجامدة اللى بتشوط الناس يا عم يا عم مكنش باين عليكى الحركات دى باه كشيشتيهم منك , دا احنا لازم نخاف باه .

بصى يا ستى هوا فعلا دا اللى حصل بس انا كنت بمثل و استهبل اصلى مش بعرف ازعق اوى (شفتى هبالة كده) , و لما قاللولى معلش قلتلهم عادى و قعدت اضحك على نفسى ,
المهم خلونى اكلم دكتور مصطفى اللى انا مش عارفة هوا بيعمل ايه بالضبط هناك بس انا كنت بشوفه بيمضى على تحاليل و بيراجع ملفات الحالات , و قاللى انتى مش عاوزة تيجى تعرفى ليه حصل كده و تتكلمى مع الدكتور مش فارق معاكى يعنى قلتلوه لا بس السفر , و بس قاللى خلاص حبقى اعرض الملف على الكتور و اقولك لازم تيجى و لا لا وكلمينى اول يوم فى الدورة .

بعدها بربع ساعة لاقيته بيتكلم بمنتهى الاهتمام و قاللى لا مش ضرورى تيجى و خدى الحبوب من عندك و فيه نظام جديد حتعمليه بس التليفون كان بيقطع , و جوزى جنبى و مش عارفة اتكلم اوى فقلتله طيب و قفلت .

بعدها جوزى قاللى انتى عرفتى حياخد وقت اد ايه قلت لا معرفتش ( لانه مسافر بره مصر الشهر الجاى ) , و اخدت احاول اتكلم تانى و اتصل بيهم الدكتور بيمضى تحاليل ساعة اتنين و انا كل ربع ساعة بتصل لغاية مخلاص قعدو يقولولى و النبى متتصليش تانى انا بجد اللى حنكلمك , وفعلا الدكتور كلمنى و كان مخنوق المرة دى (شكل المرة الاولنية كانت عند دكتور حسام ) و قاللى انا مش كلمتك قلتله عايزة اعرف الوقت قاللى عادى زى المرة اللى فاتت , و سالته ايه النظام الجديد دا قال لوكرين بجرعات مختلفة مش نفس الجرعات اللى خدتيها المرة اللى فاتت و بعدين دى حاجات انتى مش حتفهميها و حتى لو ححكيها مش فى التليفون قلتله طيب شكرا و بس خلاص .