الصاااااااااااااابرة
فيه جزء بشخصيتك عجزت افهمه(حياتك فيها أنصاف حلول,,وفيه عمل مميز انتي تطمحين له ,,
احتمال يكون دكتوراه,,, بتخصص نادر ,, أو مكانة اجتماعية ,,الخ مدري وشو بس شيء عظيم قاعدة تسعين له بشكل جاد حالياً,,
بالوقت الحالي يعني ,,)هذا الجزء ماوضح لي ياليت تعلميني هو صح ولا غلط
انتي انسانه مثقفة ,
احلامك وطموحاتك كثيرة (وعندك شوية تشاؤم )
تحبين السفر,, المغامرات ,, الاكتشاف,,التجريب,,
تحبين تبحثين عن الحقيقة ,,,,,,,و الحقيقة تشدك كثيــــــــــــــــــــــــــــر
ودك تعرفين وش الي صار بالماضي بالضبط ., ماتصدقين الكلام الي يقال ,, وتبين تبحثين بنفسك عن الحقيقة,,
عندك حكمة مخفية تبخلين فيها ماتقولينها لأحد ,, وعندك فكر جميل وحلول لمشاكل كثيرة بس ماقلتيها
تحبين تكتبين خواطر بس ماعمرك سمحتي لأاحد يقراها
تحبين الأشياء المميزة
ماتستسيغين الشيء العادي,,
تحنين على أي إنسان ضعيف ومكلوم وفقير ويتيم (رحومة)
بس ماتحترمين الضعفاء,, ولا تحبين تكونين ضعيفة نهائي,, تموتين كثير على الأقوياء والشخصيات القوية ,, الشجاعة
الباهرة الطاغية ,,تحبين شخص الشخص الي يكون ديناميكي ,, شجاع,, عصبي,, ياخذ حقة ولا أحد ياكل حقة,,
اما الشخص المظلوم المهزوم المسكين هذا ترحمينه بس ماتحبينه نهائي,,
حياتك ترى مافيها ظلم كبير ولا مشاكل كبيرة أو انك قدرتي تتغلبين عليها ,, لأنك مثل ماقلنا ,, تتأقلمين بسرعة وتطلعين حلول بسرعة
ايقاعك بالعمل سريع غريب كيف صرتي صبورة,,
منطقية
ومنطقك ذا جميل ومميز
ناتج عن تأمل وفكر ,, وتحليل وفهم ,,
أنتي من النوع الي........
تدرسين الأمور ,, وتفكرين فيها زين ,,,وتحللينها,,,وتطلعين برأيك الخاص المميز,,
مانتب من الي ياخذون الأفكار الجاهزة
لأ
أنتي تشغلين مخك
ومخك ماشاء الله نشط
وذكي
وذكائك ادهش معلماتك بالابتدائي,
وكنتي تحبين تجاوبين ,, على الأسئلة الصعبة,,
انتي رائعة العبقرية ,, انتي صعب أحد يخدعك
لأنك أذكى من أنك تنخدعين,,
انتي ماتخذين أفكار جاهزة لأ..
ماشاء الله مخك نظيف,,
حياتك,,
فيها تطور ورقي ويمكن انتي الآن تدرسين ويمكن تحضرين دراسات عليا ,,
ولازلت تدرسين.,
او في صدد شيء يرتفع بمستواك ,,ومكانتك الاجتماعية,,
أنتي,
إنسانة طموحة
بمعنى كلمة طموحة,,
ماتحبين الأشياء العادية ,,
تحبين لبسك يكون مميز جداً,,
ممكن مايكون غالي مرة بس أهم شيء ملفت للإنتباه,,
وناعم,,
وأنيق,,
دايم الناس ينبهرون باللي تلبسينه ويسألونك من وين اشتريتيه؟
تحبين ,, الأشياء الثمينة ,, والمجوهرات
لك ذوق وبصمة فنية بكل شيء بحياتك
ديكور لبس أكل,,
كل شيء عندك مميز غير الناس
ماتاكلين الأكل العادي لك أطباقك الخاصة المميزة ويمكن تحبين الأطباق الأوربية أكثر,,
أو الصينية..
شخصيتك لاتنسى,,
من عرفك
مستحيل ينساك
محبوبة
مع أنك
مع انك
علاقاتك محدودة..
موب أي أحد تعطينه وجه,
ولا أي أحد يلفت انتباهك ويشدك,,
تفتقرين شوي للنظام,,
والترتيب,,,
ولو سويتي شغل,, يكون ممتاز ومميز بس لازم يلقون عليك كم غلطة
بسبب ,, أنك ,,
سريعة بالعمل وسريعة الايقاع جداً.. وتكرهين الدقة والتفاصيل ,, والحقانة,,
لو طبختي أحياننا تخرب الطبخة,,
ممكن تغيرين رأيك بسرعة
ممكن تغيرين اتجاهك بسرعة,,
عندك احلام كثيــــــــــــــــــــــــــــــــــــــــــــر
وطموحك ماله نهاية,,,,
بس ياترى هل رتبتي طموحاتك حسب الأهمية,,
رتبيهم ياغالية وامسكيهم واحد موب واحد ولا تشتتين نفسك (وهذي نصيحة مهمة )
عشان ماتلقين نفسك وصلتي لآخر العمر وانتي ماحققتي الي تبين
تركدي شوي ,, عشان ماتغلطين وتخسرين الي تعملينه.,,
انصحك كثير بصلاة الاستخارة قبل ماتبدين بأي شيء عشان مايضيع مجهودك
وحتى لو ماكنتي متردده صلي,,
ربي يبي يساعدك ويصرف عنك الفشل والأعمال الي ممكن ماتنجح,,
انتي أجمل شيء فيك,,
سلامك الداخلي,,
قناعتك,,
شجاعتك وجراءتك,,
قوتك,,
انتي إنسانه قوية ماحد يقدر يحطمك بسهولة قوية قوية قوية ,, حتى لو جاك نقد أو تحطيم
ثقتك بنفسك عالية ,,
نفسك(تعجبك)
ماتح
زوجك له معزة خاصة عندك,,الله يخليكم لبعض,,وأهم شيء بالحياة عندك هو استقرارك مع زوجك
انتي إنسانه مميزة جداً.
سريعة البديهة,, وذهنك نشط ماشاء الله,
لك اهتمام بالتاريخ,,وثقافتك عالية جداً
طموحك كبير,, وعندك أهداف كثيرة بكل المجالات,,
بس بصراحة
ماعندك خطة واضحة للوصول لأهدافك,,
تعشقين الأقوياء وتزدرين الضعفاء,,
التشاؤوم جزء مهم من شخصيتك العاشقة للقوة,,
بس
بس
بس
مانتب يائسة,,, والحمدلله بالعكس متفائلة بداخل نفسك,,, بس أنك من نشاط ذهنك وذكائك ,, كل ماتصورتي نفسك ناجحة ببمجال على طول مخك بدى يرسم صور العراقيل والأشياء الي تصادفك لو نجحتي فيه,,
وبعدين
من كثر اطلاعك وثقافتك وسعة إدراكك
صار عندك خبرة,,
بالأحداث ودورة التاريخ,,
وعشان كذا,, صرتي تتشائمين شوي من بعض الأحداث المستقبلية يمكن الي تخص العالم كلة موب تخصك انتي وبس,,
اما الي تخصك انتي متفائلة بمعظمها لولا خوفك من بعض العراقيل الي حسبتي حسابها,,
الناس,, والغرباء وكل حدث جديد بحياتك,, تتشائمين من الجديد بس الجميل فيك (ثباتك) انتي انسانه ثابته ,,
ثقيلة ,,
صعب شيء يهزك أو يهزمك,,
شخصيتك
ماشاء الله نادر (التماسك الي فيك) متماسكة جداً,,
مافيك تحدي ولا غيرة ولا تحبين المقارنات ولا الحقد,,
بس فيك ,,(إيمان عميق ) وقناعات ,و ومباديء,
مستحيل
تتزلزل,,
يعني شيء انت مقتنعة فيه
ماتغيرينه نهائي,,
ماتناقشين كثير,,
أمك للأسف كانت طاغية ويمكن لها أخطاء,, (لاتغتفر)
وعجزتي تسامحينها عليها حتى احترامك لها ,,كان بالحد الأدنى ,, بقى شوي وتصير مالها اعتبار عندك,,
يبدو انها كانت متسرعة وتقريباً ظالمة ,, وقاسية ,, لاتزعلين من الي سوته كل بنت مرت بشخص عصبي(يا أب ولا أم والأسوأ أخ)
أمك يالصبورة,,
أثرت عليك أعظم أثر,,
طحنتك طحن وكرهتك بالدنيا وانتي الحين تعاملينها بالحسنى من منطلق ديني بس ولا قلبك مايبيها أبد,,
ماشاء الله عليك .,, الله يكملك بعقلك احترميها وهاديها والله يرحم حالها صدقيني الي كانت تسويه يضرها هي اول قبل اي احد ثاني
بس ترى ,, السبب الرئيسي بقوة شخصيتك,, هو حرب
الطفولة والمراهقة مع ماما,,
الحمدلله انت تزوجتي,, واستقليتي وطلعتي عن العاصفة هذيك,,ربي عوض(صبرك خير)ِ
لو انحطيتي بموقف صعب
تعرفين تطلعين الحل بسرعة
لو حصل لك ظروف قاهرة ,, وضغوط ومشاكل (تتماسكين وتقدرين تتأقلمين )
انتي ماعليك خوف ماشاء الله,,
عندك قدرة تتكيفين ,,
ثقيلة مع الناس الاغراب,,
لك معهم مواقف بايخه خلتهم بنظرك (حقيرين)
عندك كمية جيدة من العطاء,, بس موب عطاء بدون حد.....لأ
العطاء عندك بحدود وتحبين نفسك,, وتدللين نفسك
وتهتمين بتوفير وقت لنفسك تمارسين فيه هواياتك وتشترين الي تبين لنفسك ولمن تحبين,,
وهذا شيء خلى شخصيتك متوازنة,, وجميلة ,,
مادمرك نكران الذات ,,
ولا غصت بحلقك التضحية الي ماحد قدرها,,,
رغم انك شوي حساسة بسبب النقد الكثير الي يجيك من كثرة أخطاءك البسيطة الي عمر الناس مانسوا
دايم (متبرعين يذكرونك فيها)
حوموا كبدك صح (حتى انا حوموا كبدي)
فيه شيء زايد ماله داعي بحياتك ودك تتخلصين منه مدري وشو,,
انتي
ياعمري
وياقلبي وياحياتي,, وياعيوني,,
عندك مشاعر واسرار وافكار ,,(مكتومة عن الناس ) ودك تفضفضين ,,
انتي
فعلا فعلا فعلا
مميزة ومالك شبيه
لدرجة اول ماقريت شخصيتك استعصت علي
ياليت تقولين لي وش الصح بتحليل شخصيتك وتشبعين رغبتي لأن تعبت مررررررررررة بتحليلها,,
أ
تعالي (أعلــــــــــمك من أنتي)؟؟؟(االجزء2)
متابعة النقاش، صفحة 10
