شاركي في النقاش

سجلي الدخول لإضافة تعليق.

التعليقات

956
  1. شموخ الفرح
    ||~~{ تسجيل حضور ... نعم الأنيس إذا خلوت كتابُ .......تلهو به إن ملك الأحبابُ لا مفشياً سراً إذا استودعتهُ ....... وتنال منهُ حكمة وصوابُ
    وه بس فديتك على التصميم الخرافي بحق وحقيق وفقتي فيه
    غير الألــــوآن اللي تسلب اللب ماشاء الله عليكِ
    مجرد ردي لكِ حسسني بالأنس الله يوفقك
  2. شموخ الفرح
    بسم الله الرحمن الرحيم ||>{ التفائل في حياتي شمعه لا تنطفي }>|| ياشمعتي لا تنطفي فبدونك سأضيع في متاهات الدروب وساتخبط بعقبات الطريق وأغرق في بحور الحزن والكآآبه إلى أن يصيبني القنوط واليأس وأصبح من القوم الكافرين يا شمعني أ…

    روعة بحق أنها روعة حان للشعلة المستخبية بين جوآنحك أن تسطر بمداد النور
    لو لم تعترفي بأنها أول خآطرة لظننتك محترفة في نثر الخوآطر محبتي ومودتي
  3. @dnya_althok

    مرام 9999
    الله الله ,, وربي أقشعر بدني من هذه الفتاة ,,قوة إرادة ليس لها حدود ,, فعلا ليسوا معاقون إنما معافون ,, في عقولهم وأرواحهم وهممهم ,, قصة رائعة بكل ماتعنيه الكلمة حبيبتي روح الفن ,, aa3_002-2
    واجب التجربه للاسبوعـ الاولـ يوم الثلاثاء 12 / 1 / 1431هـ

    مساء الخير والبركه وسعاده
    وسرور ودهن عود وبخور وكل شي

    غالياتي لي طلب ارجوكم اقرؤو تجربتي لانها والله شخصيه وحابه جد اوصل لكم
    انو احنا سبب تعاسة انفسنا وتشاؤومها رح اسرد القصه بالعامية عشان تكون قريبه من القلب بسم الله
    ..................................................


    درست بالكلية اربع سنين وتخرجت بس تخرجت وانا كارهه الدنيا كلها حتى نفسي تعيسه مكتئبة حزينه ضيقة صدر نكد قهر خوف ضياع الم كل شي اكره احد ينصحني اكره الخروج كل شي كل شي والله حتى الضحك اذا احد ضحك اقول بقلبي من وين جايب وسعة الصدر تعبانه نفسيا وماديا من الكلية ظليت سنة كامله امي تجرني جر عشان اخرج وعلى طول معصبه اضارب مع ذبان خشمي شي مو طبيعي كومة قهر والله وصلت لدرجة اني انكرت الحب اقسم بالله اذا وحده قالت انا احب او شي مسكين حالك البقاء للاقوى مافي شي اسمو حب خلي عنك الكل سار يحاول انو يتجنب يقول قدامي شيء لاني عدوانية بس كانو صحباتي يحبوني هي فتره انا مريت فيها شعور باليأس نتيجة لضغط من الكلية والاهل انا بكلية الاقتصاد قسم الديكور كل شوي يبون شي وساعات المكافأة موجوده ساعات لا اخذ من ابوي يالله مايخلي كلمه انتو ايش فيكم ماسارت هذي مو دراسه انتو بنات ايش فايدتكم وكلام كثير بس كونت مصره اكمل بس هذا الشي والكبت ولد تشاؤوم وقهر وشحنة غضب ماعليكم بالطويلة جا الصيف قررت امي تزور اهلها عاد انا جنيت واااع وين نروح عندهم ملل ضيقة خلق وماادري ايش المهم كلمت امي قولت ماابي اسافر ملل ولابه احد هناك ابيه والدعوه مو المكان البلا من النفس شاينة والله لو رحت باريس ماكن شوفت الوناسه

    فـــــــــقــــــــيل:
    لايعد المرء مسافرا ولو طار مدام يحمل معه نفسه الحزينة المحمله بالهموم الكثار .

    المهم حبايبي روحنا امي قالت تمشين غصب عنك حطيت ببالي انكد عليهم ويردوني وقامت جدتي ترحب وتهلي وانا اللي يشوفني يقول امس متعشية معاها ولاشي غصب ارد والله وبدأت الرحله جدتي سارت مصره تطلعني من اللي انا فيه قالت ايش بلاك ياهوازن يابنتي حرام عليكي تسخطين على ربك يابنتي احمدي الله على النعمه والله ان النعمه زواله يابنتي لاتسوي كذا شوفي فلانه وفلانه وانا ولاشي الا قلت لها مافيني شي ولاتشغلين عمرك وخلي كل واحد بحاله قالت الله يهديك قولت ليه احد قال اني مجنونه قالت هذي دعوه زينة طنشتها ومشيت ويوم ورا يوم وتصر انها تاخذني معاها جدتي

    جدتي يابنات اسمها فاطمة قحاص
    فنانه تراثية ورسامه مبدعه شهد لها تاريخ فرنسا اوربا وكل انحاء العالم والخليج اكتبوا بنات في محرك البحث قوقل فاطمة قحاص وشوفو ايش رح يطلع تخيلو انها سنين قدام عيني حاولت تعلمني وفي كل مرا كونت ارفض بدافع انها مو فنانه وهذي كلها خرابيط وكلام فاضي تخيلوا بالرغم من هذه المعامله ماقالت يأست وهذي وحده ماعندها زوق بالعكس تمسكت بيا اكثر والله وتفائلت رح اتغير بيوم لاني ماكنت كذا هذي صورها وعندي بعد اكثروبعد كانت لي تجربه ايجابية اكثر من جولتي وكانت احلى جوله في معرض جدتي .









    المهم بنات قررت انها تاخذني لبيت صديقتها فلانه عشان ذاك اليوم مجتمعين ينقشون مجلسها قولت مو برايحه ماابي وين انتو والفن وين وعلى فكره الانسان المتشاؤوم كلامه جارح ولايراعي السن وكنت كذا الله لايعيدها من ايام المهم قالت جدتي والله تروحين وانا اوعدك ان ماعجبك المكان ارجعك قولت طيب رحت ويوم دخلت البيت فز قلبي والله ابتسمت صدفه وسلمت على الكل حسيت قلبي تشفق على المكان حسيت بيه براحه والالوان والتجمع والضحك والابتسامه حريم كبار والله عمرهم فوق الـ45 سنه والحياه اتعبتهم زمن صعب واولاد وبيت ومسؤولية لكن الابتسامه والحب الكبير اللي بقلوبهم غير مجرى العمر وخلاهم اصغر من العشرين الامل الروح حسيت اني دخلت قصر بس قصر امل وتفائل وحب والله بنات صعب اوصف الشعور شعوري فضيع تمنيت اعيش بالغرفه طول العمر يالله حسيت اني طولت ماابتسمت ولاضحكت من قلب والله فرق بين ضحك الهم والمصطنع وضحك الحب والامل وجلسنا قالت جدتي ها بتروحين قولت لا قالت طيب وبدأو عملهم والله يابنات صدمت من هول المنظر جدتي كانت ترسم بذنب الماعز اكرمكم الله تشكلو زي الفرشه وترسم قولت ايش تسوين وايش هذا بتخربون الغرفه وش الاسلوب ذا قالت انتي خليكي ورح تشوفين اصريت امنعهم صاحبت البيت قالت خليه وان طلع مو زين انا راضيه انتي ماعليكي قولت كيفكم مادريت اني انا اللي كيفي وغلط وموداريه عن الدنيا وجالسه اقول بقلبي بيفشلون حريم ولاعلم ولاشي كيفهم يرسمون عجب الدنيا اتكلم بيني وبين نفسي وكلو تجهم يعني وفجأه دخلت حرمه ويرحبون فيها ومعاها كيس بيه اكل وقهوه تخيلو بنات ايش زادهم في التجمع حلاوة طحينية وقهوه ويكلونها بمرح وحب ياربي وش هالقلوب يابختهم قولتها بقلبي احنا صحون من باتشي شكولاين الصحن 600 ريال او اكثر وفوق هذا كله مااحد يبي يمد يده ياخذ الكل متعزز وهم من صحن واحد بيدهم ماحد قال قرف آآآآآآآآآآه بديت اتووووه بينهم قالوا تفضلي ترددت وبعدين قررت آكل وانبسطنا وجهزت الادوات وبدأ الشغل وكل وحده تبدأ شغلها جدتي تخطط لهم بالاسود الاساس وهم يعبون الرسم بالالوان وبدأت الاصوات تطلع والضحك والالوان تحاكيهم وجدتي الفرشه واللون كان مثل توأم روحها والله ترسم وتبتسم وتذكرت كونت ارسم واعض شفايفي اخاف اخفق وبدأت اطالعهم واحاسب نفسي التفت جدتي قالت تعالي ساعدينا انتي دارسه الكل قال يالله تعالي فزيت بدون مقدمه وابدأ واعدل واساعد وسرت اتنطط مثل الفراشه ياويلي بنات دمعت عيوني وانا اكتب والله
    نسيت نفسي ودخلت عالمهم خفت اروح البيت ارجع لجوي قولت لا مستحيل سألت جدتي كم يوم رح يتم الشغل قالت لا مطولين فرحت مووووت وصرخت من جد قالت ايوا والله قولت بجي معاكي كل يوم قالت من عيوني سار الكل يقولي يالله انتي اصغر وحده احنا عجايز قربي لينا اللون اعطينا هذا اعطينا هذاك وعلى هذا الحال تنطط الين ماعرفت شي اسمو تعب اتعدمت ملابسي ولا اهتميت كونت بس ابغى اشتغل واضحك وانبسط والله من هذيك اللحظه والثانية الدقيقه قررت انو انبسط حسيت شي بالسعاده جنونية وفي التفائل شعور مو طبيعي انبسط انبسط حيل والله ورجعت البيت وانا اضحك واسولف مع جدتي وقررت بنفسي اني اتطور للافضل قالت جدتي شوفتي الله منعم علينا لكن الشيطان ينسي الانسان انو يقول الحمد الله كل ماتضايقتي صلي ركعتي واقرأي قران والا بذكر الله تطمئن القلوب قولت حاضر حضنتني جدتي هذي بنتي هوازن .....
    ماكنت ابي ابكي لكن دموعي سبقتني وقولت لها انا تعبت من الدنيا الكلية والمصاريف وابوي واتخرجت وين اروح قالت عند الله مايضيع احد تعبك مايضيع طال الزمان والا قصر كلامها صح والله اني في سعاده ويارب لك الحمد والف شكر ياااارب
    ولما رحت انام فكرت ارمي دفاتر الماضي بحب فن الكتابه بجنون بس هجرتو واذا كتبت اكتب قصائد حزينة وعنواين مدري من وين تجيني والله الان مستغربه اعيدو الي طفولتي
    زمن الظلم اهات سجينة ..........الخ
    من كثر مااعيش الدور سرت كئيبة قررت بعد مارجعت اكتب

    ((ابتسامة عجوز... بداية للامل ))

    وفعلا نمت وصحيت وحضرت نفسي وعملت اللي اقدر عليه من حلى البيت ورحت مع جدتي وظليت كل يوم كذا وسرت ابتسم على طول ونسيت الهم والحزن الكل لاحظ حتى صحباتي اتصلت عليهم وارسلت لهم مسجات رميت كل شي فيه حزن حتى الروايات الحزينه وقررت ابدأ مشوار جديد كلو حيويه واول مارجعت مكة رتبت اغراضي وقررت اشتغل واخذ دورات واتعلم لو مافيه دورات فيه النت وسجلت بعالم حواء واليوم شوفو ملفي واصدقائي وساروا صحباتي لاضاقت فيهم الدنيا رجعو ليا لاني مستحيل يمر يوم وانا حزينة صحيح سريعة الغضب بس لا مو على طول وخططت وقررت اتعلم وفعلا انطلقت لدنيا والله اليوم اسجل تفائلي بكل يوم قبل حتى لاتشرق الشمس والف الحمد الله بجد احساس التفائل احساس غير والله يحفظ لي جدتي اللي ساعدتني اكون بهذا المستوى من السعاده.

    طلبتكم بنات ادعولها بالشفاء الان هي تعبانه والله يخفف عنها
    وعن كل مريض والله يأجرهم على صبرهم تركت مهنتها ومابقى لها الا الذكرى بس كانت دايما تقولي الذكرى الحلوه هي اللي تدووووم وفعلا دامت لها احلى ذكرى والله يوفقكم

    اتمنى فعلا تجربتي تفيدكم وتعجبكم سامحوني لو طولت عليكم بس والله لو دخلت لكم بالتفاصيل ماتصدقون اني دنيا الذوق اللي معاكم الان بس انا ابيكم تحبوني مثل ماانا عليه اليوم ياحبايب قلبي اهلي وناسي ودنيتي كلها عالم حواء.
  4. المشاركة المقتبسة غير متاحة.

    ههههه والله أنك جبتيها هذي الكلمة المناسبة قبل قليل قاعدة أنقب لين دخت حسيت أني بمنجم ذهب :p

    لين طحت على وآجبك فعلاً يستحق العناء البحث عن هذه الكنوز التي تثري العقل وتبث الروح مجددا بكل رفاهية

تابعي تجارب أخرى من هذا القسم.