ممكن تساعدوني بترتيب مطبخي

السلام عليكم

بنات محتاجه لمشورتكم بترتيب المطبخ

بالأول هذه هي غرفة المطبخ ... نسيت احط الغساله بالكورنر الى يمين المغسله يعني مقابل باب الحوش



نبدامن الباب الي بداخل الممر ... مفكره أحطي الثلاجه والفريزر( بنفس طريقة الثلاجه ... يعني مب العريض) وبجانبهم دولاب كبير الى تلاقي الكورنر

مثل هذا


وبعدين يجي مطبخ حرف L بالطريقه العاديه وفي نهايته تجي الأفران والغاز بهذه الطريق



وزوجي يقترح علي وضع الأفران بالأول ثم الغاز (طبعا أقصد بالغاز اللي يجي فوق الرخام بس)وبجانبه لسان رخام لوضع الدوات عند الطبخ ... يعني ان يكون اللسان مقابل باب الحوش بالضبط


أما في الجدار الي جاي في منتصف البابين

ان شاء الله أقدر اسوي نفس هالدولاب ويكون شوي كبير لحفظ ادوات الطبخ




وبجانبه أعمل نفس هالجزيره بس بطريق عكسيه


يعني القطعه المستطيله هي المرتفعه وتكون ملاصقه للجدار

فشو رايكم ... هل تحسون المطبخ زحمه وبيكون شكله مب مرتب

ويا ريت تساعدوني باللون ... أنا عجبني ألألمونيوم بلون الخشب بس أحسه غامج ونفسي بلون يفتح النفس

6 تعليق 1,277 مشاهدة

شاركي في النقاش

سجلي الدخول لإضافة تعليق.

التعليقات

5
  1. @tabt_khyra

    أشوف أنك منسقة الموضوع .. مدري ليش أجل الأستشارة
    طيب
    بالنسبة لـ اللون أشوف البني الداكن أنسب شي ..لأنه لون دافيء ويعطي فخامة الخشب الطبيعي
    ومنزل عامر بإذن الله
  2. @dloaah2

    صاحبة الموضوع
    مشكوره يالغلى

    بس ما خاب من استشار ... لأن حاسه أنه رتح يكون غير ملاتب

    وعموما جزاك الله خير
  3. @hms_2

    عليكم السلام والرحمة

    هلا فيك أختي

    ماشاء الله عليك ترتيبك حلو ، لكن ما أنصحك تحطين شيء في الجدار إلي بين البابين ، لآنه مكان مرور وفيه حركة كثير

    شوفي هذا جزء من ملف: المطبخ




    التصميم هذا يناسب مطبخك ، مع زيادة جزيرة متصله أمام الباب المؤدي إلى الحوش

  4. @ghlaalroh

    انا اشوف انا رأي همسة وااايد زين ........

    يعني الجدار حاولي تخلي في لمسة جمالية بدل الكبت لانه بيصير مزحوم ؟؟

    وانا اقول لا اتخلين الثلاجه جنبها الغاز والفرن بل باعدي ما بينهم بحيث يكونون على شكل مثلث زواياه الثلاثه هم : المغسلة , الفرن , الثلاجه ..

    وحاولي تكون الجزيرة صغيرة عشان ما تأخذ مساحه كبيرة وتحطين وياها كرسيين عشان تستفيدي منها ......

    وبيت عامر ان شاء الله .....

    أي صح نسيت تأبط خيرا عضو وليس عضوة ..........خخخخخخخ
  5. @dloaah2

    صاحبة الموضوع
    مشكورات عزيزاتي

    وان شاء الله برجع مع تصميم ثاني

    والأخ تأبط شرا ... اسمحلي لأني متعوده على البنات وما لاحظت العضو

تابعي تجارب أخرى من هذا القسم.