شاركي في النقاش

سجلي الدخول لإضافة تعليق.

التعليقات

3,327
  1. @ashtkt_alyk

    شيمولاتا
    من بالليل محدش دخل منكم عالعموم كل سنة وانتم طيبين انا بعت ايميل للدكتور عادل امبارح اسأله اعمل ايه فى التنشيط وبعتله اخر تحاليلى رد عليا بايميل انهارده قال استمر عالجلوكوفاج شهرين كمان وانزل وزنى اكتر من كده وبعد شهرين ان شاء الله انشط …
    شيمو يا قمر....
    أولا كل سنة و أنتى طيبة يا حبيبتى...و يا رب السنة دي تكون سنة خير عليكى و متخلصش إلا و ابنك فى حضنك يا قلبى....

    بصى جميل أوي إنك محددة هتعملى إيه ...و الحمد لله إن رد الدكتور جه مؤيد للخطة ديه....أنتى كده قدامك 6 شهور على المنظار (يا رب ما تحتاجيله أبدا أبدا)......يبقى نقسمهم كالآتى....أول شهرين نوصل للوزن المثالى.....و الأربع شهور التالية تنشيط جيد.....و إن شاء الله قبل ما يخلصوا الست شهور يكون ربنا أكرمك من واسع فضله.....

    أما بالنسبة لنظامك.....فاحنا مقدرين إنك بتتعبى وشغل فترتين ده شئ صعب أوي......لكن يا قلبى قلة الأكل عمرها ما كانت هى السبيل لفقد الوزن بشكل سليم.....بل إنها ساعات بتكون سبب فى زيادة الوزن...ده بالإضافة لضعف الجسم......

    يبقى يا حبيبتى إحنا محتاجين نمشى على نظام مرتب...و ننفذه بحذافيره...و ممكن ده يساعدك تنزلى ال6 كيلو دول فى أقل من شهر.....و الدايت الكويس هو اللى يخليكى تاكلى أكتر من وجبة فى اليوم علشان جسمك يحرق بشكل كويس....و كمان يا ريت تكتري من السوائل لأنها بتساعد الجسم على الحرق أكتر...و كمان يا ريت دايما تخلى فى شنطتك ثمرة أو اتنين فاكهة من الأصناف المسموحة فى الريجيم علشان لما تجوعى تاكليها......و طبعا ده بجانب الاستمرار على المشى لانه هيحسن صحتك و هيساعد جسمك على النزول بشكل سريع و الاستفادة من الريجيم....

    و لو تحبى...انا هارشحلك أول ريجيم مشيت عليه.....كان جميل و مريح و لما انتظمت عليه أسبوعين مع المشى نزلت 5 كيلو.....عقبالك يا رب كده لما تنزليهم بسرعة و تبدأي بقى تنشيط و نفرح بيكى قريب..

    الأفطار اليومى....واحد من اختيارين...
    1- 3
    ملاعق فول بدون زيت + رغيف سن أو ربع رغيف بلدي + سلطة خضراء بدون طماطم
    2-
    جبنة قريش + رغيف سن أو ربع رغيف بلدي + سلطة خضراء بدون طماطم

    الغذاء اليومى...
    -
    سلطة خضراء بدون فلفل رومى أو بصل أو جزر...أو خضار مسلوق فى ماء...أو خضار مطبوخ نى فى نى بدون شوربة و لا سمن (الأصناف المسموحة فاصوليا- بامية-كوسة)

    -
    صنف واحد لحوم من الاختيارات الآتية:
    لحم ...فراخ...سمكة مشوية...2بيضة مسلوقة...علبة تونة مصفاة من الزيت و مشطوفة بالخل...(ممنوع الكبدة و الجمبريعلى فكرة انا لما كنت بازهق من الاصناف ديه منت باكل كبدة او جمبري بس مسلوقين او مشويين)

    العشاء اليومى..
    صنف واحد فاكهة..و الكمية لا تزيد عن ربع كيلو...(ممنوع المانجو ز التين و العنب و البلح و الموز و المشمش و الكاكا)



    نيجى للحاجات اللى ممكن ناخدها بحرية فى أي وقت فى اليوم لو حسينا بجوع...

    1-
    خس أو خيار بأي كمية و فى اي وقت
    2-
    أي مشروب من المشروبات التالية بشرط استخدام نوع من السكريات البديلة المناسبة للريجيم (على فكرة أفضلهم طعما بالنسبة لى هو الكندريل).....و هذه المشروبات قد تساعد فى الريجيم لان مطلوب اننا ناخد كمية سوائل كبيرة (شاي - قهوة- نسكافيه - كركدية - قرفة - تليو- ينسون - عصير ليمون - سفن أب دايت)

    ملحوظة...يمكن التبديل فى المواعيد بين وجبتى العشاء و الغداء
  2. شيمولاتا
    من بالليل محدش دخل منكم عالعموم كل سنة وانتم طيبين انا بعت ايميل للدكتور عادل امبارح اسأله اعمل ايه فى التنشيط وبعتله اخر تحاليلى رد عليا بايميل انهارده قال استمر عالجلوكوفاج شهرين كمان وانزل وزنى اكتر من كده وبعد شهرين ان شاء الله انشط …
    شيمو يا حبيبتى ربنا يجعل السنة دى ندية عليكى وعلينا ويبلغك مرادك ويقر عينك بالذرية الصالحة ... بالنسبة لنزول الوزن انا رأى انك تروحى لطبيب احسن فى التغذية وهو يكتبلك على ادوية بنفسه علشان تساعد على حرق الدهون ...انا ابن خالتى عنده 10 سنوات وعنده زيادة فى الوزن جامدة والدنه كانت بتوديه جيم كل يوم وبتنظمله اكله ومنعاه من الحلويات وبالرغم من كده مانزلش فى الوزن الا لما راح لدكتور تغذية كاتبلوا على ادوية تمنع امتصاص الدهون وادوية تحرق الدهون وهو نزل لحد دلوقت 15 كيلو وفاضلوا حوالى 7 تانيين ويبقى كويس ...
  3. @am_ayad_2009

    مساء الخير على الحلوين
    ايه الكسل ده ماحدش دخل غير شوشو وشيمو واوكسي
    على العموم كل سنة وانتو طيبين
  4. @am_ayad_2009

    شيمو كويس قوي ان دكتور عادل رد عليكي
    ياريت تسمعي كلامه وتنفذية بالحرف الواحد
    لاه بجد عايز مصلحتنا كلنا
    وان شاء الله متحتاجيش لمنظار
    وبالنسبة لفقدان الوزن طبعا انا اخر واحدة ممكن افيدك في الموضوع ده
    لو انتي عندك طريقة ازود بيها وزني قليلي عليها
    وربنا يكرمه شوشو قالتلك نظام حلو قوي للاكل
    ان شاء الله لو مشيتي عليه حتنزلي الكام كيلو الفاضلين
    شدي حيلك بقي وان شاء الله يحصل حمل قبل ماتنزلي مصر
  5. @dodo_am_gogo

    ازيكم يا بنات و زى ما انا فهمت الحمد لله رب العالمين اشتقت اليك ربنا كرمها الحمد لله رب العالمين

تابعي تجارب أخرى من هذا القسم.