طريق الامل ( خبرات متبادلة حول مراكز العقم فى مصر ) الجزء الثامن

بصى يادانة بالنسبة للجلوكوفاج كتير جدا هنا وفى أى صيدليه انا كنت باخد الأول ميتفورمين بس رجعت للجلوكوفاج تانى وانا كنت بجيبه 500 ودلوقت بجيبه جلوكوفاج 850 وممكن تجيبيه من صيدلية الحرم أو من الصيدلية اللى فى سيتى سنتر ولو عايزانى اجيبهولك من عيونى الاتنين ولو عايزانى ابعتلك رقمى عالخاص معنديش مانع ياستى
بالنسبة للدكاترة ربنا يسامحهم انا جربت اللى جربتيه وجسمى باظ من لغبطة المنشطات وكان فيه دكتورة تابعت معاها كانت كده بردو كل شهر تقولى حمل طيب هضحكك
مرة الدكتورة دى جت فى شهر وقالتلى انتى خلاص لا محتاجه ادوية ولا اى حاجه هتابعلك تبويض وبس وعشت الشهر ده وانا موهومة انى سليمة وفى اخر الشهر الدورة اتأخرت 3 ايام رحتلها كشفت سونار وقالتلى مبروك يا مدام البويضه قدامى مخصبة وانا زى الهبله قلتلها وريهانى هى فين قالتلى قدامى اهه عالسونار بويضة مخصبة والرحم متروس هرمون انا زى العبيطه صدقت وطلبت منى تحاليل دم اعملها المهم روحت البيت وانا ايه بقى طايرة حامل بعد سنتين ونص وجوزى يجرى يجيبلى لبن ولا زم اشرب علشان النونو وانا اقوله زهقانه كده ومش عارفه مالى ومش قادره اقوم _ عشت الدور بجد _ وفى الاخر طلع الصباح اروح اعمل التحاليل دى اطلع مش حامل اساسا كإنك رميتينى من فوق برج دبى ووقعت فى بحيرة خالد الحمد لله ربنا يعيننا بقى

يارب يا كريم يا ارحم الراحمين ترزق اختى المشتاقة لمكة تؤام زى دول كدة يا رب انك سميع الدعاء