زواجـــــــــــــي قـــــــــرب وهذا مهري قولولي شسوي فييه مع نصائح بعد الزواج

متابعة النقاش، صفحة 8

شاركي في النقاش

سجلي الدخول لإضافة تعليق.

التعليقات

98
  1. @lakhbt_yamly

    الشعرررر لا تنقلين همه عااادي الايام الاولى حاولي تجعدينه .. او تعملين له تموج بسيط .. بس اهم شيء ابعدي عن الفرد لانه يعمل تساقط الشعر ..

    وبعدين ابدي باستشوار شعرك لمن تتعودين شوي وكمان استخدمي مكواة السراميك مره تجنن

    وبالتوفيق لك يارب ..

    تقسيم المهر انت اولا استغفري بنية ان الله يبارك فيه .. وتصدقي بنية التوفيق ان شاء الله ..

    وماازيد على كلام الاخوات ..

    الله يوفقك يارب..
  2. @yadnya_yaghrabh

    لاتكثري
    ملابس
    ماتدرين
    يمكن
    تحملي
    والله
    انا حملت بعد4شهور وفيه بعضهامالبستها وجسمي مارجع زي اول وكلهاماركات
    ولاتكثري
    اسمعي
    الكلام
    والله
    يباركلك
    فيه
    وبأسم الله ابدأي
    شي شي
    والاهم

  3. @goan_15

    الف مبروك وان شالله مهرك زين وفيه البركه

    مثل ما قالو لك تصدقي بجزئ بسيط وقسمي المهر

    خلي 2000 ريال للملابس الداخله وخذي نصيحتي الروب حق يوم العرس لا تاخطين غالي بـ 1000 او اكثر

    خذي من الي اسعارهم انسب بين 400 و 600

    والباقي اسعارهم مناسبه من نعومي او لسنزا وتلاقين مرات شغلات حلوه باملحلات الرخيصه مثل ستي ماكس

    وخذي فستانين سهره واحد لصباحيتك حدود 3000 والثاني 2000 اخاف تصير لك مناسبه او استقبال

    3000 قسميها بين مكياج وعطور وان شالله تكفي

    5000 ملابس اخطي لك 2 رسمين من كارن ملن او كوست والباقي لبس عادي من مانجوا وزارا وهالمحلات

    5000 اشتري لك شنطه ماكره وفرصه هلايام كل البوتكيات عندهم خصم و1500 او 2000 جزمه ونتي بكرامه والافضل تكون سوده
    عشان تستغلينها مع اكثر من لبس

    لحد هنا صار 20000 وباقي لك 20000

    5000 خليهم بين المكياج والحلاوه عندك مكياج الملكه والزواج ان شالله يكفون

    اخذي فستان المكله اجار وان ماحصلتي فصلي واحد حدود 4000 مو اكثر

    والعرس احرصي انا الفستان اجار اوفر لك لانه غالي وماراح تستفيدن منه ابد

    وان شالله ربي يطرح البركه في مهرك
  4. شموووخ ياقلبي اقصد لاتندلقين معاه يعني لاتنمسح شخصيتك وتطقينها ضحك وتشيلين الميانة من اول ليلة
    شخصية المرة ياخذها الزوج من اول ليلة يشوفها خلاص تثبت في مخه
    يعني خليك رزة وحياوية وخلي لك شخصية شوي عشان يحترمك
    بعدين اذا شافك طيبة وتضحكين وكل شي عندك عادي
    بياخذ ضوء اخضر يسوي اللي يبي بدون لاتدرين بكل شي وبيسهر وبيسافروبيطلع ومعتمد على انك طيبة ومارح تقولي شي
    ان شاء الله فهمتيني ياقلبي وربي معك ويوفقك
  5. @asmam

    اللله يوفقك ويسعدك ويكتبلك الخير
    اولا: لازم تجيبين ورقه وقلم وتقسمين المهر كامل علشان تترتبين وتعرفين كيف تصرفين
    مثال 10 الاف الذهب يكفي ـ طقم أصفر ناعم اللي يكون تعليقه وخاتم وحلق بألف ريال ومثله بس أبيض هذي ألفين
    وألف خاتمين وألف سوارتين ناعمين ـ بكذا يكون أربعة الاف وستة الاف يكون طقمين كبار شوي واحد أصفر بثلاثه وواحد أبيض بثلاثه
    والذهب هو اللي يبقى لك لاتقللين أقل من كذا ــ الا اذا كنتي بتشترين ألماس فهذا شي ثاني
    وهكذا الملابس عشره الاف ــ مثال الف فستان الزواج اذابتستأجري ـ وثلاثه الاف فستانين او ثلاثه فساتين سهره ـ
    وألفين تايورات فساتين عزايم ـ وألف وخمس ميه ملابس البيت والبيجامات وقمصان النوم ـ وألف وخمس ميه ملابس خروج ـ وألف طقم مناشف وأرواب
    وعشره تقسمينها على باقي الأغراض مثال ألف شنط سفر ـ وألفين مفارش ـ وألفين مكياج ـ وألف ساعه اوساعتين اذا ماراح تشترين غالي ـ وألف أحذيه وألف شنط ولا تكثري الأحذيه والشنط يعني شنطتين سهره وشنطتين لباقي الملابس ـ وألف للعطور ـ وألف للاستشوارات وخرابيط الشعر
    والباقي عشره تقسمينها ــ الكوافيره ليوم الزواج واذا أشياء بتسوينه قبل بالمشاغل واذا بتشترين شنطه ماركه غاليه ولا شي او تكميل الناقص
    اهم شي التقسيم لأنه هو اللي بيريحك
    وبتكفي بالراحه ان شاالله بس اتوكلي على الله

تابعي تجارب أخرى من هذا القسم.