
قبل فترة نزلت موضوع اسأل عن طريقة شوربة العدس
لاني ذقتها بمطعم جهان بجدة
ومت عليها من حلاتها ..
وماقصروا بنات حوا ساعدوني ..
وبعد عدة محاولات وبشهادة اخوي ضبطت شوربة المطعم
بالضبط ... في المذاق ..
لكن اللون ... لا
ما راح اتكلم اكثر .. الصور تشرح لكم
والكمية انا تقريبا احطها بالنظر
نبـــــــــــــــــــدأ..
بصله مقطعه جوانح + بطاطس مقطعه مربعات + جزرة مقطعه مربعات +فلفل حار <حسب الرغبه
+ فلفل رومي مقطع << هذا السر الاول
نحطهم كلهم مة وحدة بقدر الضغط نكون حاطين فيه شوي زيت
ونكشن الخضار مع بعض ونضيف مكعب ماجي

ونكشنهم مع بعض الين تبدا شوي تذبل
نرجع ناخذ كمية العدس (انا حطيت كاس ونص )طبعا مغسول زين
ونحطها على الخضار ونضيف كاسين مويه ونقلبهم سوا

ولا تنسي تضيفي ملعقه كمون ( مطحون او حب عادي ) لان راح نخلطهم بالخلاط بعدين
ولاتنسي تحطي ليمون اسود << يعطيها طعم جنان
انا هالمرة ماحطيته ماكان عندي
المهم لما تبدا تغلي
قفلي عليها قدر الضغط تقريبا 10 دقايق
وشوفي اذا الخضار نضجت اوكى
ما نضجت خليها تطبخ كمان
تابعوني




