شاركي في النقاش

سجلي الدخول لإضافة تعليق.

التعليقات

3,327
  1. @ashtkt_alyk

    ريمو....
    إزيك يا جميل يا للى مبتدخلش غير قرب الفجر دايما علشان محدش يقفشك.....
    عاملة إيه يا حبى....و ألف سلامة على الواد أنوسى اللى مغلبك و مغلبنا معاكى....
    معلش يا ريمو استحمليه يا قلبى ....التسنين بيبقى صعب على الأطفال و بيخليهم رخمين أوي أوي.....
    بس إن شاء الله يعدي على خير و يبقى زي الفل....
    و بالنسبة للخسسان يا قلبى..الحمد لله إن الكيلوات اللى عندك مش كتير..و ممكن فى شهر و لا اتنين تنزليهم كويس....
    أنا عارفة إنك جدعة و إن شاء الله أول ما أنوسى يتحسن شوية ممكن تحطى خطة لنفسك....شوية رياضة على تظبيط الأكل و الأمور هتبقى فل الفل
  2. @ashtkt_alyk

    ربنا يخليكى يا بوبا يا حبيبتى و يسمع منك و يفرحنا بيكى عن قريب بأمر الله...

    و فعلا الحمد لله إن طمطم طمنتنا المرة دي على مشمشة...و عقبال ما الإرجاع يعدي على خير....و غالبا كده هى ممكن ترجعلنا فى ظرف أسبوع أو 10 أيام....يا رب ترجع مجبورة الخاطر......

    و إن شاء الله لما اكلمها تانى هاسلملك عليها و استأذنها فى الرقم و ابعتهولك يا قلبى.....
  3. @boba_boba

    رمـــــال
    اوكستى حبيبتى ان شاء الله هنتكلم كتييييير اوى لحد ما الكلام يزهق مننا بس انتى خلصى شغلاناتك اللى انتى مشغولة لشوشتك فيها ويالا عايزين المعمل بتاعك ياخد الايزو علشان نبارك لكم يا حبيبتى .. وبعدها هيكون الوقت كله بتاعنا وانا ياستى مشغولة ب…
    يارب ياريمو يحفظلك انوس من كل شر ويقر عينك انتى وابوه فيه

    ويارب التسنين يكون سهل عليه انتى بس حاولى تتابعى دكاترة الاطفال فى برامج التليفزيون
    وتشوفى افضل طريقة للتعامل مع السن ده
    بسم الله ماشاء الله انا ليا واحدة صاحبتى هنا فى الكويت اتعرفت عليها من فترة معاها بنوتة زى القمر
    يارب احفظ كل اطفال المسلمين
    المهم هى بتتبع معاها نظام غذائى معين ومواعيد نوم ثابتة وبتقول ان ده خلى البنوتة ماتحسش بالتسنين خالص وماشاء الله الله اكبر مشيت بدرى وفى احسن واتم صحة ربنا يحفظهالها

    انتى حاولى تعملى نظام لانوس وان شاء الله ربنا هيمرر الفترة دى بسلام

    وبالنسبة بقى للمسؤلية فهى اكيد مش سهلة بس احنا بقى امهات جدعان قوى وجامدين قوى
    وهى فترة وهتمر ياقلبى فعيشيها بحلوها و.... وحلوها برضه
    يارب يا انوس تكبر بسرعة وبصحة وسلام واستنى بقى ياريمو الحمل الجاى هتكونى اكيد خدتى خبرة من انوس وده هيكون اسهل عليكى بعون الله ولو محتاجة اى مساعدة ياقمر هنا الفليبينيات كتير قوى اصدرلك واحدة ولا اتنين
    لغاية انوس مايكبر
  4. @ashtkt_alyk

    أوكسى...
    شكلك لسه مشغولة يا حبيبتى......
    قوليلنا طيب آخر ميعاد لبتوع الأيزو ده امتى علشان نعرف هتفضيلنا امتى....
    بجد يا حبيبتى مشاركاتك بتفرق.....
    ربنا يقويكى و يوفقك فى خطوات العملية و يتممهالك على كل خير

تابعي تجارب أخرى من هذا القسم.