شاركي في النقاش

سجلي الدخول لإضافة تعليق.

التعليقات

3,327
  1. @am_marium

    انا عملت اختبار حمل منزلي امبارح ومظهرشي اي حاجه لاشرطه ولا اتنين ما اعرفش فين المشكله في التحليل ولا فيا
  2. @ashtkt_alyk

    boba boba
    صباح الخير عليكو ولو ان الظهر اذن خلاص بس برضه صباح الفل عشان الناس اللى بتصحى متاخر يابنات انا لسة جاية دلوقتى من المستشفى انا كنت قولتلكم انى عملت تحاليل تالت يوم البريود والحمد لله على قد فهمى كده هى تقريبا كويسة بس النسبة بين الFS…
    بص يا عم بوبا......
    الحمد لله إن البرولاكتين و هرمون الغدة و التستوستيرون زي الفل.....
    أما الاستراديول فانا معرفش كتير يا حبيبتى عن النسب اللى المفروض يكون عليها....كل اللى اعرفى إنه المسؤل عن نمو وظائف الاعضاء التناسلية الانثوية والمسؤل أيضآ عن تسهيل عملية الالقاح وعن تحضير الرحم للحمل ....و اللى أعرفه كمان ان نسبته فى النصف الأول من الشهر بتختلف عن النصف التانى ....

    نيجى بقى للأختين الحلوين اللى مغلبينا.....الأول أنا أخدت بالى من تعليقك على كلام أم أنس و أنك قلتى ان ال fsh كان أعلى من كده السنه اللى فاتت....يبقى أولا...فيه تحليل من الاتنين دول غلط...لان ال fsh لازم يعلى مع الوقت...لانه بيعبر عن مخزون البويضات و أكيد كل فترة بيقل شوية و بالتالى الهرمون بيعلى و لو سنه نونو....

    يبقى قدامنا حلين...إما ننتظر و نعيد الهرمونين دول فى مكان تانى نثق فيه أكتر....أو إننا ناخد بيهم و خلاص
    خصوصا اننا لو عدناهم ممكن الارقام تتغير شوية لكن النسبة بينهم متتغيرش كتير...و ديه اللى تهمنا....

    طبعا يا بوبتى احنا متعودين نتكلم مع بعضينا بصراحة...و متفقين إن أول الطرق لحل المشكلة هو اكتشافها و الاعتراف بيها.....يبقى استنادا على التحاليل ديه...نقدر نقول و بوضوح ان للأسف فيه تكيس...طبعا متتخضيش...كل الحكاية إننا هنوسعلك مكان و تيجى تقعدي جنب إخواتك على الدكة.....

    ممكن تلاقى دكاترة كتير يقولك مفيش تكيس و لا حاجة و انتى كده فل الفل....و ده طبعا اعتمادا على نظرية ان النسبة بينا لهرمونين المفروض متزيدش عن واحد إلى واحد......لكن أنا باقولك إن النسبة المفروض تكون 2 إالى واحد يعنى ال FSH يكون الضعف اعتمادا على كلام دكتور عادل اللى انا باتعالج عنده واللى انتى كمان بتتابعى معاه....و الراجل ده بصراحة بالنسبة لى ثقة...و أب تو ديت....يعنى مش هيجيب الكلام ده من بيتهم...أكيد فيه أبحاث جديدة بتقول كده....
  3. @ashtkt_alyk

    بوبا...هاكلمك بقية الخطة حالا.....بس انا قلت ابعت الكلمتين بدل ما اكمل و كله يطير و اقعد اتحسر عليه

    أم مريم....
    بديهى يا قلبى ان التحليل مش يبين حاجة ...لأن لسه أسبوع على الميعاد و حتى لو فيه حمل فنسبة الهرمون مش هتكون وصلت اللحد اللى التحليل يقدر يتعرف عليه....استهدي بالله و لما ييجى ميعاد التحليل ابقى اعمليه فى الدم علشان يبقى قاطع...و ان شاء الله ربنا مش هيضيع تعبك
  4. @am_marium

    اشتقت اليك
    بوبا...هاكلمك بقية الخطة حالا.....بس انا قلت ابعت الكلمتين بدل ما اكمل و كله يطير و اقعد اتحسر عليه أم مريم.... بديهى يا قلبى ان التحليل مش يبين حاجة ...لأن لسه أسبوع على الميعاد و حتى لو فيه حمل فنسبة الهرمون مش هتكون وصلت اللحد اللى ال…
    اللهم امين

تابعي تجارب أخرى من هذا القسم.