ان رفعت الصوت صحت ياويلاه00وان كتمت الصوت آه آه ياويلاه000

الله يساعدك ويفرج همك اختي

إنتي تدرين ليش نفسيتك تعبانه ومو راضيه على العيشة إلي إنتي عايشتها اللحين

لانج قاعده تشووفين غيرج
تشوفين هذا الزوج شلون يعامل زوجته
وتشوفين هذي الزوجه شنو تسووي رومانسيات مع زوجها

وانا اقول لج إذا بتشووفين غيرج بتتعبين وتعبين روحج على الخالي

مو كل شي تسمعينه من حرمه ثانية عن زوجها يكون صحيح

ترى اكثر النسووان وله مابقول اكثرهم اغلبيتهم يتكلمون كلام فاضي إلا زوجي شرا لي وله زوجي فعل لي وهم اززواجهم ولا يدرون عنهم

لان دايم الزوجه تحاول قد ما تقدر انها تخبي عيوووب زوجها وتبين للناس محاسن زوجها

وإذا فيه جلسه للحريم كل حرمه تبي تبين ان زوجها هو الاحسن حتى لو وصل الامر إلى الكذب

فإنتي يا اختي شووفي زوجك
وشوفي نفسك بس
وإذا زوجك فيه عيب ترى اغلب الريايل فيهم عيوووب محد كامل في هالدنيا

ومعرووفين اغلبية الرجاجيل ماهم رووومانسين مثل النساء

الزوجه هي إلي تجدد الحياه الرومانسية بين الزوجين
الزوجه هي إلي تكون رومانسية اكثر من الزوج

إنتي قط مره سمعتي إن زوج سوى ليلة رومانسية

يعني هو إلي حط شموووع وهوو إلي زين البيت هو إلي بخر البيت هو إلي نثر الورود الحمره على السرير او هووو إلي لابس الجلابية الحمره وقاعد وناطر زوجته :22: :23: او من هالشغلات الرومانسية


الزوج يكون مشغوول بمشاكله وشغله بس عكسنا احنا الحريم احنا إلي نبغي الحنان احنا إلي نبغي الحب اكثر من الرجل

وإنتي حاولي إلي تاخذين هالشي منه حتى لو بالقوه :22:

وحتى لو قالج تبين قوولي له إي ما فيها شي إذا المره هي إلي تطلب من زوجها لاهو حرام ولاهو عيب بل بالعكس هذا من حقج

وتدرين والله الرجال يستانس اكثر إذا يشووف زوجته هي إلي تجيه

ولا تخلينا ندخل في السياسة اكثر لا يطردوونا من المنتدى بكبره :22:

:27: شوفي حبيبتي كلام ونة الم صحيح 100% او لا تخربين بيتج بيدك انتي بادري بهذا الشي ما فيها شي شوفي الاجانب اشلون مستانسين بحياتهم الجنسيه الحرمه هي الي تبدي ليش اهنا كله لازم الزوج الي يبدي بلعكس جربي وشوفي اشلون حياتج بتتغير
انه كنت مثلج اغارن بين زوجي ويا زوج صديقتى والله انتي تعبت

خذيها مني نصيحه ترى مو كلنصيحه تاخذينها من المنتدي صحيحه ترى كل واحد وله راى

اصابع يدج مو سوا مثل الريايل كل واحد يختلف عن الثاني كل واحد طاقته تختلف عن الثاني

ان شاء الله فهمتيني وذا عندج اي استفسار انا حاضره :)

صح اختي كلام ونه ترى في نسوان يسون لهم عالم كله خرابيط حق الفشار بس والله اعرف بنات يشلخون عدل عن معاملة ريايلهم لهم ولا تخربين على روحج انتي احسن من ناس وااااااااااايد

حبيبتي اقتحمي المعركة بدل الانتظار وان شاءالله بالانتصار الساحق والله يوفقج