السلام عليكم ورحمه الله وبركاته..
الحمد لله كما ينبغي لجلال وجهه وعظيم سلطانه..
كما وعدتكم قبل كذا اني راح انزل موضوع اعلمكم كيف حملت ,,
وقبل كل شي ادعوا لي ان الله يتمم حملي على خير ويجعله من نصيبي ياارب..
بدايه اول ماتزوجت كانت اموري كلها تمام ودورتي منتظمه وكل شي كان عندي طبيعي لمده 3 شهور
وكنت ما افكر بشي اسمه حمل وكان هذا الشي عادي عندي بصفه اني عروس وباقي بدري ومدري
ايش, الموهم في الثلاث شهور هذي تعبت نفسيا من كثر الاسئله لان حماتي وخالتي تزوجوا معي
وحملوا على طول ماشاء الله وانا لسى ماحملت,كل ماسالني احد اقول لا مافيه, وارجع البيت واجلس
ابكي على احضان زوجي :icon33:, الحمد لله على كل حال, الموهم بعد الثلاث شهور
هذي بدت لخبطه الدوره شهر تجي والشهر اللي بعده تتاخر من اسبوعين لحد 20 يوم واستمريت على
هالحال 6 شهور بدون ما اروح للطبيبه او اتعالج , وكل ماتاخرت افرح احسب اني حامل واسوي تحليل
ويطلع سلبي ,, وعلى طووول دمووع ..:icon33:
وبعدين رحت للطبيبه على اساس اشوف مشكله
الدوره وفي نفس الوقت احس بالام عند الجماع , كشفت علي الدكتوره من تحت قالت لي انتي عندك
قرحه في عنق الرحم متوسطه ولازم تتعالجين منها لانها تمنع الحمل , واعطتني تحاميل وغسول
وحبوب واستمريت عليها الين انتهت وانتظمت الدوره 3 شهور ورجعت لخبطت من جديد واستمريت
بالتطنيش 3 شهور ورحت لطبيبه ثانيه على اساس اني ببدى بدايه صادقه للعلاج, وسوت لي كشف
من تحت اول شي وحطت ايدها على راسها وقالت القرحه عندك غطت على العنق كله من كبرها
وهاوشتني قالت ليش انتي مهمله نفسك كده, وقالت القرحه لازم تنكوي عشان تختفي تماما
العلاجات ماتنفعش , وبعدت ماطهرت من الدوره بيوم رحت سويتها يالله انواع الخوف والعذاب والبكى:44:,
وبعد شهر
تماما رحت عندها وسوت لي تحاليل الهرمونات كامله وطلعت سليمه ولله الحمد بس كان عندي ضعف
بسيط في التبويض واعطتني منظم ومنشط كلوميد وكلوكوفاج واستمريت عليها شهر وسبحان الله
الشهر اللي بعده على طول حملت لاكن الله ما اراد واجهضت في شهر , آآآه انواع الحزن والهم
والدموووع يافرحه ماتمت:icon33:.. لاكن زوجي ماشاء الله عليه كان عادي وكان يصبرني وياخذ بخاطري وان
هذي خيره والخ, وبعد
الاجهاض تلخبطت الدوره ورجعت اتعالج ومنشطات وابر وخرابيط لمده 4 شهور ومانفع معاي ,قالت
الدكتوره امورك تمام انتي وزوجك لاكن لازم تسوين اشعه الصبغه عشان تتاكدين من سلامه الانابيب
وطبعا انا رفضت وتوكلت على الله ومن يتوكل على الله فهو حسبه, وقمت تركت العلاج شهر من عندي
قلت ابرتاح ورجعت لها الشهر اللي بعده طبعا في الفتره هذي اكثرت من قيام الليل والاستغفار والدعاء
في السجود ودعيت من قلبي اني احمل بدون علاجات وتعب وهم , وبعد تركي للعلاج بشهر رجعت له
من جديد قلت لازم اعمل بالاسباب وتوكلت على ربي واستخدمتها من جديد وفي وقت التبويض سوت
لي الدكتور اشعه استغربت من حجم البويضه قالت لي المفروض انها تكون اكبر من كذا مع المنشطات,
وكانت اكبر وحده حجمها 17 وشوي بس قالت يجي منها,حسيت شوي بالتحطيم لانها حجمها
صغير:44:, المهم انا مافقدت الامل في ربي واستمريت
في الدعاء والاستغفار وقيام الليل ودعوات امي الله يحفظها ودعوات الناس في ظهر الغيب
الييييييييييييييين ربي اكرمني تاخرت الدوره يوم واحد بس ورحت طيران سويت تحليل بول وتحليل دم
والحمد لله طلعت
:icon28:حاااااااااااااااااااااااااااااااااااااااا ااااااااااااااامل:icon28::2thmup:
يارب ماتتصورون قد ايش كانت فرحتي وفرحه زوجي وفرحه اهلي , كان عندي احساس اني
حامل ,زوجي من فرحته الابتسامه ماتفارق وجهه طول الوقت ,سجدنا سجود شكر لربي وحمدناه
وشكرنا كثير وبكينا كثير, ربنا كبير قادر ان يجعل العقيم تحمل وتلد وهي عقيم, لايعجزه شي في الارض ولا في السماء,
هذا هو علاج من تتمنى الحمل ( الدعاء - قيام الليل - الاستغفار -الامل بالله وحده دون سواه)
ويارب ترزق كل من تتمنى الحمل يارب وتفرح قلبها عاجلا غير اجل..
اسفه طولت عليكم واتمنى انكم تستفيدون وتفيدون بقصتي , مع دعوات منكم بالغيب ان ربي يرزقني بالطفل السليم يااارب..:)
شاركي في النقاش
سجلي الدخول لإضافة تعليق.
التعليقات
87- الف الف مبروك
الله يتمم لك حملك بخير
ويرزقك الذريه الصالحه
ويقر عينك بيها - الف مبروك ياعمري الله يثبته ان شاء الله ويسهل ولادته ويصلحه ويخليه لك ويرزق كل محروم
- الف مبروك الله يتمم لك على خير
- الله يتمم حملك ويرزقك بالطفل السليم المعااااااااااافى آمين يارب
ويرزق كل من تتمنى من المسلمين - الف الف الف مبررررررررررررررررررررروك
والله يتمملك على خير
مواضيع مشابهة
تابعي تجارب أخرى من هذا القسم.