شاركي في النقاش

سجلي الدخول لإضافة تعليق.

التعليقات

2,084

  1. @rmal_8

    totta_55
    السلام عليكم ورحمة الله وبركاته انا جييييييييت وأسفة جدا جدا من النهاردة لبكرة بس والله غصب عني سافرت الأسبوع اللي فات مع اني بدأت تنشيط بس جوزي اصر اننا نسافر علشان نغير جو ومعرفتش حتى ادخل اقولكم اني مسافرة لأنها جت بسرعة جدا بس الحم…
    طيب انا كنت على وشك ازعل منك بس طالما غيابك كان علشان بتغيرى جو خلاص مش هزعل ولا حاجه يا توتى
    ربنا يفرحك ويسعدك يارب ..
    المهم انتى اخبارك كلها حلوة زيك يا توتى .. وياااارب ان شاء الله التبويض يكون كويس وتلاقى بويضات كويسة وتكون صالحة للإخصاب .. ويارب يطرح البركة فيها كلها يااارب .. وحلو اوى توكلك على الله هو ده المطلوب دلوقتى يا حبيبتى هو احنا لينا مين غير ربنا .. كفى به وكيلا ..
    انتى وحشتينى اوى اوى على فكرة .. بس انا عايزة أسألك سؤال .. ليه انتى دايما على بالى يا توتا .. وكل ما ادعى دعوة تقومى تنطى فيها ومش كده وبس لا وكمان تفضلى تزنى فى دماغى لحد ما الدعوات كلها تبقى ليكى لوحدك ..
    ليه الانانيه دى .. بطلى تيجى على بالى بقه .. خلينى اشوف شغلى مع باقى البنات ياستى :27:
    بالنسبة لسؤالك يا قلبى .. هو دقيق جدا وكل اللى أعرفة ان حقن الفوستيمون والمينوجون هى عبارة عن هرمونين ال اتس واف اس اتش واللى طبعا بتحفز المبيض لإنتاج عدد مناسب من البويضات يعنى منشط زى مانتى عارفة
    لكن ليه الدكتور كتب المرة دى فوستيمون بس .. مش اعرف ويمكن ده بروتوكول جديد فى العلاج يا حبيبتى بيتبعه معاكى دكتور حسام بس حاولى متفكريش كتير فى التفاصيل دى ونسيبها لاصحاب الامر وبردو لو ماما او سارة يفيدونا يكون افضل

  3. @rmal_8

    زينب ابراهيم
    اعزرونى يا بنات على الغيبه اصلى بطلع من الشغل على النادى وبرجع الساعه 10 تقريبا يومين كده ان شاء الله واشتراكى يخلص ومش هاعيده تانى دانا مطحونه كفايه عليه الشغل بحبكو ووحشتونى اوى شوشو يا قمرايه انتى واحشتينى اكتر
    ومالة يا حبيبتى لو كان غيابك علشان مصلحتك مش هنزعل منك .. وطول مانتى مبسوطة احنا كمان مبسوطين
    وربنا يوفقك فى شغلك ويكرمك ياحبيبتى ويرزقك الذرية الصالحة يا قلبى قريبا ..

  4. @rmal_8

    مميزات
    رجعت الجمعة بالليل الملف منور بيكى يا قمر متشكرة اوى على الكلام الجميل اللى انتى قولته على يا عسل لا خلاص باذن الله ما فيش غياب تانى مودى زى الفل الحمد لله اخر شقاوةووصله البوس الكتير وانا كمان وصلنى ايه اخبار انوس حبيب خالتو؟؟؟؟؟ان…
    ربنا يبارك فيكى يا مميزات انتى تستاهلى احسن حاجه فى الدنيا على طيبتك وعلى انك سبب اننا كلنا عرفنا بعضنا ياحبيبتى فى الملف .. ويبارك فى ابنك وزوجك ويحفظهم ياقمر .. انوس بخير الحمدلله ولو ان الامر مايسلمش من المطبات بس اهو ماشية الحمدلله ..

  5. @ashtkt_alyk

    ازيكم يا بنات....
    وزة.
    ....ربنا يقويكى يا حبيبتى و يعطيكى حتى يرضيكى....

    توتا
    ...كويس إنك ظهرتى يا قمر.....و هأقولك إجابة السؤال اللى محيرك ....بعض إبر التنشيط زي المينوجون بيكون فيها هرمونى ال FSH و Lh ...ودول طبعا نفس الهرمونات اللى بتفرزها الغدة النخامية و اللى احنا بناخدها من بره لتحسين التبويض.....لكن الإبر ديه مش بتناسب كل الناس ...لان الناس اللى عندهم LH مرتفع.....مش ناقصين يزودوا الطين بلة و بالتالى مينفعش ياخدوا الهرمون ده فى إبر التنشيط...و بالتالى يناسبهم بس النوع المحتوي على FSH....و ده أصلا الهرمون اللى بيساعد على نمو البويضات....
    و متقلقيش ....تصرفك طبيبك سليم و يستحق التحية عليه....و عايزة أقولك إن الإبر ديه إن شاء الله هيكون ليها نفس التأثير و يمكن أحسن كمان من اللى أخدتيه المرة اللى فاتت....

    و أنا عن نفسى كل الإبر اللى خدتها فى التنشيط كانت فوستيمون....و إن الدكتور من أول مرة أخدت تنشيط فيها قالى إننا بناخد النوع ده علشان طبعا فيه تكيس و ده بيبقى فيه ال LH مرتفع...و بالتالى مينفعش ناخد إلا الحقن اللى بتحتوي على FSH بس.....

    و ربنا يوفقك يا تويتى و يفرح قلبك و يسمعنا عنك كل خير فى أقرب وقت......

تابعي تجارب أخرى من هذا القسم.