بنتي صياحه

مرحبا اختي..
الصراحه صياح الاطفال صج مزعج بس لازم نتحمل ..
بنتي تقريبا نفس حالة بنتك من اول ماانولدت وهي كله صياح..
والحين بتكمل اربع شهور واحسها كل ماكبرت تهدى ويخف الصياح..
لان في نوعية من الاطفال يكون صياحهم على طول وترى هذا شي طبيعي..
وانا انصحك تغيرين لها الحليب لان يمكن ثقيل عليها..ونصيحه ثانيه عليك باللهايه ترى وايد زينه وتهدي البيبي..بنتي مايسكتها غير اللهايه:)
والله يعينك ويعين كل ام بهالدنيا..

بنتي ما تبي اللهايه وش اسوي لها وابي اسكتها كيف ؟؟؟؟؟؟؟؟؟ظظظظ

اختي TurkisH_CoffeE
كم عمر بنتك؟؟
وجربتي نوع واحد من اللهايات ولا كم نوع؟؟
لان لازم تجربين لها لي ماتشوفين وش اللي ارتاحت عليه..انا سويت حق بنتي كذا..
والحين استخدم لها لهاية nuk
جربي وشوفي..

عزيزتي :

الطفل ما يصيح من غير سبب ...وبنتج على ما تقولين انها تصيح من الساعه خمس لين الساعه 11 هذا صياح غير طبيعي يمكن فيها شي الطفل ما يقدر يتكلم يقول هذا يعورني ما عنده الا الصياح هذي طريقته للتعبير عن الألم لازم تودينها عند الدكتور عشان تتطمنين عليها ...
على فكره بنتي كانت مثل بنتج يا نايمه يا اتصيح كنت أقول دلوعه تعلمت على الشيل لكن المسكينه سويت لها تلفزيون وطلع فيها خلع ... حزنتني والله ترى يعورها وأنا ما أدري ....
ما أبي أخرعج لكن انتبهي ..

اشكر اخواتي اسيرة المشاعر وروعه وmeme7 و ام زهير
على ردهن .. ونصايحهن .. وبحاول اسوي للبنت اشعه .. وان شالله تكون بخير