شاركي في النقاش

سجلي الدخول لإضافة تعليق.

التعليقات

2,084
  1. @am_marium

    السلام عليكم ورحمه الله وبركاته وصباح الفل والياسمين وحشتوني قوي علي فكره نتيجه تحليلي بكره باذن الله
  2. @ashtkt_alyk

    دانة....
    صباحك فل يا قمر...
    أيوه كده....هو ده الكلام المظبوط ...ليه نضيع وقت لما احنا ممكن نستغلة أحسن استغلال....
    انا مبسوطة أوي ان الخطة ديه عجبتك...و خصوصا إنها لو مش نفعت أوي فمش هتضر نهائى....
    بالعكس...هنكون حاولنا و خسينا....و مش بعيد ربنا يكرمنا من واسع فضله قبل العملية...
    و لو عايزة تشجيع هتلاقى...و لو كسلتى هتلاقى إرهاب و لا أفظع من كده.....
    يلا شدي حيلك و اعمليلنا توقيع للوزن بتاعك علشان نتابعك يوم بيوم
  3. @ashtkt_alyk

    ام مريم....
    لسه كنت هاسأل عليكى......إن شاء الله خير يا قلبى...و يا رب يا أم مريم تيجى بكره و أنتى جايبالنا معاكى أحلى الأخبار....
    بس أمانة...اول ما تجيبى النتيجة تدخلى تطمنينا عليكى يا قلبى.....
  4. @mikomiko

    ميزو: انا بحس بحركات بس مش كتير اوي كده. انا حكلم بليل الدكتور علشان اغير معاد المرة الجاية و حساله. بس انا فاكرة ان بنت اختي كانت برضه حركتها قليلة و لما دخلت التاسع الدكتور قالها علي موضوع انها تعد الحركات.
    انا جربت افتح الروابط بس مش راضية تتفتح.
    دانة: احنا الاتنين برضه عاجبنا الاسم ده اوي و عاجبني كمان ملك و حبيبة و سلمي بس هما مش عجبينه و هوا عاجبه اسم دينا و سما.
  5. @ashtkt_alyk

    ريمو و ميزو....
    ربنا يجازيكم خير على كلامكم الحلو.....بس فعلا يا ريمو أنا متأكدة من الكلام اللى كتبته 100%....لان زي ما قلتلكم الدكتور هو اللى قالى أول مرة أخدت فيها الحقن ديه إنها هرمون FSH بس من غير LH ....وده الأنسب لينا لان زي مانتى عارفة ال LH كان عالى من غير حاجة......

    و طبعا يا ريمو يا قمر لو واحدة عندها تكيس هيبقى ده الانسب ليها...اما لو واحدة طبيعية....فمش هتفرق انها تاخد النوع ده او غيره...علشان كده كتبلك انتى كمان فوستيمون....و متشغليش الهسهس....ده مش معناه ان عندك حاجة (زي بالظبط كده لو دوا امان للحمل...لازم الحامل تاخده و متاخدش غيره....اما لو واحدة مش حامل خدته فبرده مفيش مشاكل....فخمتو يا قمر....)

    نيجى بقى لميزو القمر....المقال اللى انتى نقلتيه...طبعا ربنا يجازيكى كل خير عليه....لكن لو لاحظتى انه كلام مرسل و حاطط أسامى الأدوية كمثال..لان موضوععه الأساسى هو توضيح عمل إبر التنشيط.....و انا متأكده إن المينوجون فيها الهرمونين لأنى أخدتها مرة قبل كده...و كمان متأكدة ان الفوستيمون فيها FSH بس...لانى أخدتها اكتر من مرة و قريت النشرة بتاعتها بالتفصيل......و هاحطلك دلوقتى رابط فيه تركيبتها...

    أما بالنسبة إنك أخدتى مينوجون....فبالنسبة لمعلوماتنا ان ده مش المفروض يحصل مع مريضة تكيس...لكن ممكن تكون دكتورتك ليها حكمة فى كده.....و الحمد لله ان ربنا سترها و اكرمك و كمل حملك على خير....بس ده ممكن يكون استثناء يا ميزو...و مينفعش نمشى عليه....يعنى مينغعش بناء على اللى حصل معاكى نقول ان الابر ديه مناسبة لمرضى التكيس...لاننا مينفعش نبنى على الاستثناء مش القاعدة.....

تابعي تجارب أخرى من هذا القسم.