توفى....
لا شكر على واجب يا قلبى....
و اسألي براحتك بس يا ريت تحاولى تسيطري على القلق...
تعرفى...انا باقولك كده لانىا ليومين دول زعلانة من نفسى جدا لأنى بقيت قلوقة زيادة عن اللزوم و أقل حاجة تعملى هسهس...
بجد يا توفى ديه حاجة صعبة و سخيفو و المفروض نسيطر عليها علشان منفسدش حياتنا....
نيجى للمهم....بصى يا قمر...لو سألتى أي واحدة هنا تعاملت مع الدكتور عادل....هتعرفى ان أهم ما يميزه ...صراحته المطلقة....يعنى لا بيزوق فى التشخيص و لا فى الكلام...يعنى طالما قالك ان مفيش قلق منه...يبقى فعلا مفيش قلق منه....وواضح من الكلام انه كيس من النوع لبسيط اللى ممكن يروح لوحده مع نزول البريود او بعلاج بسيط....لانه لو كان من النوع اللى مش بيتشال بجراحة كان الدكتور أكيد قالك....يبقى يا قمر بلاش هسهس....
و ثانيا...لو عايزة رأيي...انتى دلوقتى عندك مهلة للعلاج قبل التنشيط...وممكن فعلا زي ما قال الدكتور ان الكيس يروح من نفسه....فانتى دلوقتى ركزي فى فقد الوزن و خدي العلاج...و لما تخلصى المدة و قبل ما تبدأي تنشيط اعملى سونار..و لو الكيس راح لحاله يبقى تبدأي على خير...و لو لا قدر الله لسه بيبقى علاجه بسيط و مبيكملش شهر...و علشان تطمنى ده حصل مع واحدة صاحبتى....ظهر عندها كيسين على المبيض بعد اإجهاض...و أخدت علاج لمدة شهر...و الشهر اللى بعده ربنا أكرمها من عنده و هى دلوقتى فى الشهر الخامس...ربنا يكملها على خير و يفرح قلبك...
و بلاش هسهس...
طريق الامل ( خبرات متبادلة حول مراكز العقم فى مصر ) الجزء التاسع
متابعة النقاش، صفحة 42