شاركي في النقاش

سجلي الدخول لإضافة تعليق.

التعليقات

2,084
  1. د.وداع
    ايه ياريمو مشيتي تاني انتي مسهرة ليه ارق ده ولا فراااااغ هوه انتي بتشتغلي ولا بيتوتي زي حالاتي
    حبيبتى كويس انك لسه هنا مش قمتى والله بكتب لك الرد اهه والموقع تقيييل جدااا ياريت تكونى اونلاين علشان اقوللك كلامى على طول وانا ياستى طبعا من منازلهم انا معايا انس دلوقتى الحمدلله
    بس انا سهرانه مش ارق اللى زيى يتمنوا ساعه نوم بكرة تجربى بأمر الله
    ومن ناحيه الفراغ مش قادرة اوصفلك بقه .. انس مخلى عندى فرااااااااااااااااااااااااغ فظيع .. انا قربت يجيى لى برد من كتير الفراغ يا دوعه مش عارفه املى وقتى ازاى ياناس
    :04:
  2. رمـــــال
    حبيبتى توفى ... بتقولى هتسألى سؤال نونو ... طيب وليه سؤال نونو واحد ..خليهم اتنين اهو يبقوا توأم ياحبيبتى هو حد هيدفع حاجه .. :hahaha: بصى يا قمر انتى مش عندك تكيس شديد ودكتور عادل اكيد مش اداكى حبوب منع الحمل علشان حالتك ماتستدعيش .. ولا…
    وداع حبيبتى .. بصى يا ستى
    قبل ما اتكلم معاكى ياريت نلغى حكاية اصل واحده صاحبتى كانت .. اصل واحده اعرفها حالتها كانت .. لان كل حاله ليها ظروفها بجد .. شيلى من دماغك اى حاجه سمعتيها وركزى مع نفسك يا وداع بلاش تشتيت
    دلوقتى ياحبيبتى كويس جدااا ان الدكتور بعتلك انك هتبدأى تنشيط دلوقتى خلاص ده خبر كويس اوى
    لاننا كنا متفقين اننا هنجرب حظنا مع التنشيط الاول علشان نحدد هل احتمال الالتصاقات ده حقيقى ولا مزيف
    فا دلوقتى هناخد التنشيط على بركة الله من غير قلق ولا خوف
    سؤالك بقه هل مع التنشيط حجم البويضه ممكن يعدى ال 18 او 20 ولا لا ..
    طبعااااااااااااااااااا هيعدى يا حبيبتى وممكن كمان يوصل الحجم ل 25 وهيبقى عادى متخافيش
    وعلشان اطمنك هقوللك يا حبيبتى تجربتى تانى وهعيدها عليكى تانى .. انا كانت مشكلتى كلها فى البروجستيرون يعنى ولا مشاكل هرمونات ولا غيرة واخدت التنشيط وكان حجم البويضات عندى من غير التنشيط زيك تمام 18 و 20 ولما اخدت تنشيط وصل الحجم ل 24 و25 وحملت بالحجم ده بالبويضات دى اقصد بواحده من دول
    وبالنسبه للألم اللى انتى حاسة بيه عادى الالم فى المكان ده وهتحسى بيه اكتر فى وقت التنشيط ووقت التبويض ووقت خروج البويضه يعنى تقريبا طول الشهر بنحس بوجع فى ايام متفرقه من الشهر فا متركزيش اوى معاه ومش هتحسى بيه وانسيه وبلاش تربطية بمسألة الالتصاقات لان زى ما قولنا مش هنركز معاه الا لما نشوف التنشيط اخبارة ايه معانا
    ها عندك سؤال تانى انا سهرانه متخافيش ومعاكى
  3. شيمولاتا
    انا وزنت نفسى انهارده لقتنى 67 بالظبط وانا طولى 161 وماما هتبعتلى اورليستات اجربها لمدة شهر يمكن تعمل حاجه مع اللى بعمله وبعت ايميل لدكتور عادل اسأله عن البارلوديل اخده الشهرين دول ولا لأ ومستنية الرد والحمد لله انا كويسه وبفكر اروح جيم بس…


    شيمو .. سؤال واحد .. هى حماتك اللى (عايرتك) بالموضوع ده ولا جوزك بالظبط ؟
    بصى يا شيمو تصرفك دلوقتى ده معناه ان زوجك كمان موافق على كلام والدته يا حبيبتى بس ده مش حقيقى لكن لو صح ساعتها هقوللك ماشى صح تصرفك وساعتها كمان هقوللك انتى ليه تاعبه نفسك وبتدورى على اطفال منه من الاساس .. بس زوجك اكيد مش كده وصاحبة الغلط فى الاساس هى امه ولانه انسان كويس هينفع يوقفها عند حدها بردو .. بصى حماتك ياستى تقول زى ما هى عايزة والمهم فى القصه دى موقف زوجك .. لان طالما زوجك معاكى كويس وانسان صالح يبقى ليه تعاقبيه بذنب مامته وتحسسية انه مش مسؤل عنك انتى بتصرفك ده بتجرحى رجولتة ..
    انتى فاهمه الكلام اللى انا بقوله يا شيمو
    خلى بالك من النقطة دى علشان متعملش مشكلة بينكوا وتبقى المسألة اتحولت بدل مشكله بينك وبين حماتك بقت بينك وبين زوجك حبيبك .. وزوجك راجل بجد مش هيسيبك تصرفى على علاجك بالساهل كده وهيقف ساكت ويتفرج عليكى طالما هو يقدر يصرف طبعا .. ويمكن يكون سايبك عمالة تحوشى فلوس علشان مش عايز يزعلك لانه مش عارف يراضيكى بعد كلام مامته بس مرتب لما تنزلوا مصر يقوللك لا انا هصرف وساعتها هيبقى فى كلام تانى وهيكون كل التعب اللى انتى فيه والالم النفسى مالهوش معنى ساعتها لان زوجك هيشيلك طبعا فى العلاج ومش ممكن يتخلى عنك ..
    وانتى مفروض عليكى تاخدى الحكاية بشكل غير كده ومتبقيش حساسة اوى مع زوجك بالطريقة دى وتجنبيه بعيد عن المشكلة .. وعايزة اقوللك انك بالشكل ده بتعاقبى نفسك كمان وقبل اى حد على ذنب حماتك .. بترهقى نفسك فى شغل باليل والصبح وعمالة تلفى يمين وشمال يا قلبى وانتى فى الاخر ست مش راجل ..يعنى طاقتك محدودة اكيد
    وياحبيبتى اوعى اوعى تفتكرى ان دى الطريقه اللى بتردى بيها كرامتك قدام حماتك بعد كلامها .. حماتك كانت بتقول الكلام ده لانها عايزاكى تسيبى ابنها لانها شايفه ابنها متمسك بيكى .. وهى فى الاخر بتعمل اى حاجه علشان تبعدك عنه وتشوف له واحده تانيه وانتى بدأتى أولى الخطوات فى تنفيذ خطتها .. بدأتى تفصلى بينك وبينه فى امر جوهري بينك وبينه يا شيمو وبتقولى له انت من سكه وانا من سكه .. انتى لازم تشركية معاكى فى المعاناه النفسيه والمادية علشان يحس بيها انما انتى بتقدمى له البيبى على طبق من فضه انتى اللى تعبتى فى انك بتدورى على العلاج وتعبتى فى تجميع مصاريفه وهو زى الباشا .. طيب ازاى هو يحس بغلاوتة لما ييجى ياحبيبتى ...
    انا مستغربه اوى تفكيرك ياشيمو من يوم ما عرفتك وانا عارفه انك عاقلة مكنتش اعرف انك حساسة اوى كده انتى سبتى نفسك للشيطان لحد ما اقنعك انك بكده بتردى كرامتك وده مش حقيقى واقنعك ان تصرفك ده مع زوجك صح علشان يوقع بينكوا .. لا يا حبيبتى انتى كده بعدتى عن عين الصح يا شيمو ياريت تتفهمى كلامى وتعرفى مغزاة وتعرفى لفين قرارك ده هيوصلك ..
    ربنا يهديلك الحال ..
  4. شيمولاتا
    انا وزنت نفسى انهارده لقتنى 67 بالظبط وانا طولى 161 وماما هتبعتلى اورليستات اجربها لمدة شهر يمكن تعمل حاجه مع اللى بعمله وبعت ايميل لدكتور عادل اسأله عن البارلوديل اخده الشهرين دول ولا لأ ومستنية الرد والحمد لله انا كويسه وبفكر اروح جيم بس…
    فاطمة اتأخرت عليكى فى الرد بس معلش يا قمر بس انا مبسوطة انك بدأتى تتكلمى ايوة كده فضفضى بقه وافتحى الصندوق .. يعنى كان لازم اقول افتح يا سمسم علشان تقولى كل اللى مدايقك ده .. كل ده جواكى وساكتة يا شيخه ارحمى روحك .. والله انتى عايزة الضرب
    بصى تعليقا على مشكلتك دى مش هقوللك ان انتى سبع البرمبة اللى هيعرف يحل مشاكلة فى غمضة عين ولا هقوللك انك مازنجر اللى هيقضى على الاشرار اللى ماليين الدنيا وهيخلص البشر من الناس اللى حكيتى عنهم ..
    بس انتى حاجه تانيه خالص يا طومة.. انتى ياحبيبتى واحده أولا عارفه ربنا وواثقه فيه بإنه مش هيكتب عليكى شئ إلا وفيه خير ليكى .. فا الابتلاء ده(أهل زوجك) أكيييد وراة فرج من عند ربنا ..
    ثانيا .. مش انتى وزوجك متفقين تمشوا اموركم سوا .. خلاص الباقى يخبط راسة فى الحيط
    ثالثا .. انتى عارفه بقه ان دول أكتر ناس ينفع معاهم تنزلى الستاير .. ده الستاير اخترعوها علشان النوع ده من الناس يا امى ..عارفه لو حسوا منك ان اللى بيعملوة فيكى والتسالى اللى بيشتغلوكى بيها جايبه نتيجة وبتحقق لهم هدفهم اللى هو مدايقتك .. هيستمرووووووواااا الى مالا نهاية ...
    لكــــــــــــن .. لو حسوا منك ان كلامهم ليكى مهما كان جارح او مؤلم بيدخل من هنا ويخرج من الناحية التانيه
    وانك اهم حاجه عندك زوجك ورضاة والله هيتخنقوا ويتدايقوا ومرة فى مرة هيزودوا العيار ولما مش هيلاقوا رجا هيطنشوا منك ويدوروا لهم على تسليه تانيه ... دى ناس فاضيه والشيطان مالى دماغهم وده طبيعى جدا وفى زيهم كتير اوى هل هنقعد نفكر فى تصرفاتهم مهما كانت كل شويه .. ولا نقول لنفسنا الباب اللى يجى لك من الريح سدة واستريح وخصوصا .. خصوصا .. انهم خمسه يا امى .. لو رديتى على واحد هتلاقى الباقى بميه كلمه مش هتعرفى تخلصى منهم .. لو خلصتى من واحد هيطلع لك التانى والخ الخ الخ ..
    فاضيه انتى بقى لكل واحد فيهم علشان تردى على تفاهاته اللى زيه ؟؟؟ انتى ترضى لنفسك تنزلى بيها للمستوى ده؟؟؟ وياريتها ترسى على كده .. دول هيستلموكى لما يجننوكى ويخرجوكى عن شعورك وفى مرة هتلاقى روحك اندفعتى وغلطتى وساعتها هتبقى انتى الغلطانة وهتفتحى نار مش هتعرفى تطفيها
    ركزى يا طومى فى حياتك والمهم فى الحكاية كلها هو زوجك وانه يكون حاسس بيكى .. دورى عليه واربطية بيكى بمعاملتك الطيبه ليه وحسن خلقك معاه وعلى قد ما تقدرى مع اهله .. لكن لو فضلتى تردى عليهم هو هيتدايق منك غصب عنه حتى لو متأكد انهم غلطانين .. هيشيل منك فى نفسك من غير ما يبين لك .. لا يا حبيبتى متعمليش فى نفسك كده ..
    بصى الكلام ممكن يبقى سهل كتير اوى عن الفعل .. وكل اللى بقوله لك على قد ما تقدرى اسكتى وحسسيهم بتفاهتهم وعدم اهتمامك بيهم ولو لقيتيهم بيدايقوكى ومش قادرة تسكتى وفاض بيكى يبقى ردى بس بأدب وكونى حذرة علشان مش تقعى فى الغلط ..
    وانتى بردو قصرى معاهم فى العلاقات شويه يا طمطم بلاش الاختلاط الزائد ده لو كان فى يعنى
    خليها فى اضيق الحدود ومتدخليهمش فى حياتك واتفقى مع زوجك على ده

تابعي تجارب أخرى من هذا القسم.