شاركي في النقاش

سجلي الدخول لإضافة تعليق.

التعليقات

2,084
  1. oxygenatom
    ريمو حبيبتى انا مش زعلانة منك تعرفى ليه ... اصل ده العادى بالنسبة ليا من زمان قوى كل ما اتعرف على مجموعة من الناس يفهمونى غلط ويكونوا عنى فكرة غلط الغلط لكن بعد كده بيكتشفوا انى مش زى ما ظنوا فيا ويجوا يقولولى كمان .... آخر حد كلمنى زيك كد…
    وكمان بعتى لى ورد .. والله انتى بنت حلال اوى فعلا .. يابنتى انا بعد الكلام اللى قولته لك ده استاهل صاروخ ارض جو يتبعت لى .. مش ورد .. عموما يا اوكسى ردك ده يأكد لى فكرتى عنك ان انتى انسانة كويسه اوى من جواكى واكيد انتى كمان صريحة وبتحبى اللى يكون دايركت معاكى علشان كده مش اتدايقتى منى .. وفى قناعتى الشخصية ان الانسان ان ماكانش بيفضى اللى جواة اول بأول ويعمل ريفيل كل فتره ويكون صادق مع نفسه ومع غيرة يبقى ما يستاهلش الحياة من اساسة ..
    عارفه يا اوكسى انا بعترف ان الصراحة احيانا كتير بتأذينى وبتغرقنى كتير بس مليش طريق تانى غيرها ومبعرفش ابقى عكس كده وعلى فكرة انتى مش شريرة خالص انتى بس واضحه بزيادة ويمكن ده اللى مخلى الناس بيستغربوكى فى الاول شويه
    لان الصفه دى مفتقدة فى زماننا ده .. ويارب يا اوكسى اسمع عنك كل خير وتتوفقى فى حياتك يااااارب وتحملى الشهر ده
  2. boba boba
    انا جاية ارد عليكى اهوو ياريمو واطمنك على بوبا التحليل ياستى انا والله مش عارفة اعمله امتى او بمعنى ادق مش عاوزة اعرف هو الدكتور اخر مرة كنت عنده كان يوم 9/1 وقالى بعد اسبوعين من انهاردة ولانى عارفة انى لو بصيت فى النتيجة عشان اعرف هيكو…
    بوبا يا قمر ... انا بقوللك مستخبيه لانى بحب اشوفك كلل يوم انتى من الناس العزاز عليا جدااا وبحب تبقى منورة على طول يا حبيبتى ..و برافو عليكى جدا فى الهدوء النفسى اللى معيشه نفسك فيه اليومين دول .. والله عين العقل هو ده المطلوب منك وبعدين انتى بتقولى فيها ده فعلا زوجك ممكن جدا يطلع عنده حق ويبقى هدوئك النفسى سبب فى حملك وده حصل لناس كتيييييييير جدااا ولو سألتى شوشو هتقوللك ان الشهر اللى حملت فيه قبل كده كانت مش بتفكر فى الحمل ساعتها لانها كانت لسه بتتعالج ومش كانت عايزة تحمل وحصل
    وليكى علينا من النهاردة محدش هيفكرك بالتحليل علشان مش نعكر سعادتك برجوعك مصر
    والله مصر هتنور بيكى وياااارب تفضلى مبسوطة على طول وتبقى نفسيتك فوق على طول يااارب
  3. totta_55
    المهم رحت المركز النهاردة كان عندي متابعة فقلت للدكتور علي اللي حصل اضايق جدا وخصوصا بعد ما عمل سونار وقالي البويضات اللي علي المبيض اليمين زي ما هيا مزدتش حجمها فمضطر يديني يوم كمان تنشيط ويخلي الحقنة التفجيرية يوم الأربعاء والحسب البو…
    توتى .. من هنا ورايح مصلحتك فى الاهمية العليا ... واى حاجه تيجى بعدها .. بس ياحبيبتى نخلى بالنا من هنا ورايح علشان انتى بتتعبى فى العملية وبتصرفى كتير يبقى مش بعد كل التعب ده نيجى على حاجه صغيرة ونلخبط فيها .. وبعدين لما حاجه زى دى تحصل تانى تقدرى تعملى اى حجه بحيث تنزلى فى النص وتروحى على اقرب صيدلية تاخديها وترجعى فى السريع حتى لو كانت حجه غير مقبوله محدش هيحاسبك واهو موقف ويعدى محدش هيدقق عليه اوى وهيتنسى لكن معاد حقنتك طبعا مهم .. فاهمانى .. وفى الاول والاخر نصيبنا هنشوفه سواء مشيتى على العلاج او لخبطتى فيه اهو كله مقدر عند ربنا وعسى ان تكرهوا شيئا وهو خير لكم .. وانسى اللى حصل ده ربنا كان كاتب انه يحصل واهو حصل وخلاص وادينا تفاديناه بإنك هتاخدى تنشيط يوم زيادة يعنى متخافيش تتعوض اهوه .. ان شاء الله ربنا هيبارك فى بويضاتك وهيرزقك منهم الذرية الصالحة اللهم أمين ويعدى السحب على خير يارب يا تووووت

تابعي تجارب أخرى من هذا القسم.