**@@ تورتيلا منزلية الصنع ... بحشوة دجاج...يمي يمي @@**

السلام عليكم يا حوائيات
شخباركم ويش مسوين ان شاء الله طيبين
بعد السلام
هذا اني كنت امس خاطري اسوي تورتيلا وقت مالي الا بنات عالم حواء حبيباتي
بس يا فرحة ما تمت الموقع ما رضى يفتح لي ما ادري ليش
وصادتني ضيقة من هالموضوع
فاضطريت اني ادور بالنت على طريقة
وطحت لكم على مقادير لكمية قليلة والنتيجة كانت روعة بصراحة ما توقعتها
وقلت ليش ما أنزلها لكم علشان تستفيدون مثل ما استفدت
على فكرة اني سويت بس 4/3 المقدار
المقادير:
2 ك دقيق * 1م ص باكينغ باودر * 1 م ك سكر * 1 م ك زيت * ماء للعجن
نعجن المكونات مع بعض حتى تتكون عندنا عجينة متماسكة وتترك لترتاح نص ساعة
بعدين نقسمها الى 6 كور وتفرد





وتوضع اما في الة المراصيع او مثل ما بتشوفون في الصور
توضع في المقلاة الساخنة حدا بدون اي زيت ونضغط عليها بقدر ثقيل حتى ما تنتفخ



بعد شوي نقلبها على الوجه الثاني



وتوضع على طول في كيس حتى ما تنشف




نجي للحشوة:
نكون مقطعين صدر دجاجة لمكعبات صغيرة ونتبلها بالاتي:
ملعقة روب + ملعقة صويا صوص + ملعقة صلصة الباربكيو + فلفل اسود + ثوم بودرة واللي عندها طازج تحط

وبعدين نشوح بصل شرائح في الزيت



نضيف الدجاج المتبل ونتركه لتنشيف الماي تبعه




يتبع.......

82 تعليق 9,442 مشاهدة

شاركي في النقاش

سجلي الدخول لإضافة تعليق.

التعليقات

80
  1. @aldr_althmyn_1

    صاحبة الموضوع
    نضيف الفليقلة الخضرة المقطعة شرائح صغيرة



    نضيف الجزر المبروش



    وبجذي تكون الحشوة جاهزة



    نجهز خس شرائح وطماطم



    الحين نمسح الخبز بالمايونيز ونحط حشوة دجاج وسلطة وجبن سلايش ونلفها





    بعد ما نخلص من الحشو نرجعهم للمقلاة ونضغط عليهم لثواني بس ليتسكروا معانا




    وهذي وقت التقديم



    وسلامتكم
    وهالله هالله بالردود اللي تبرد القلب تراني هلكت واني انزل في هالصور

تابعي تجارب أخرى من هذا القسم.