أم مريم ... متزعليش يا حبيبتى ... قدر الله وماشاء فعل
و صدقينى كل شئ بميعاد و آوان ... يمكن الخير مش فى المره ده
وهقولك الحكايه اللى قالهالى زوجى من يومين ...فى واحد صديقه عنده ولد زى
القمر ما شاء الله .. الولد ده حدث له خطأ طبى أثناء الولاده أدى به للإعاقة
... وكل الأطباء قالولهم إنه هيموت فى أى لحظة ... الولد ده بقى عمره 4 سنين
دلوقتى ولا زال حيا .... فتخيلت قد إيه كم المعناه و الألم اللى بتحسى بيهم الأم
ده وهى بتتعلق كل يوم بإبنها وفى نفس الوقت عارفه إن ممكن يموت فى أى
لحظة ( أنا عارفه إن أى حد فينا ممكن يموت فى أى لحظة بس غير لما حد
يقولك الطب بيقول إن إبنك صعب يعيش ) ....و الأم ده أكيد كانت مش عارفه
إيه اللى منتظرها ....علشان كده فى حاجات إحنا بنتمناها بكل جوارحنا لكن .. فى الحقيقة و فى الغيب اللى إحنا لا نعلمه , إن مفيهاش أى خير لينا ويمكن علشان كده ربنا بيبعدها عننا ويمكن الخير يكون فى المره الى بعدها
فمتخفيش يا أم مريم إن شاء الله ربنا هيكرمك ومن وسع بس إثبتى على صبرك ده :26:
طريق الامل ( خبرات متبادلة حول مراكز العقم فى مصر ) الجزء التاسع
متابعة النقاش، صفحة 88