شاركي في النقاش

سجلي الدخول لإضافة تعليق.

التعليقات

2,084
  1. @boba_boba

    فاطمة الزهراء912
    انتى اصلك طيبة يا اوكسى يا بنتى دا انا لو اخدت اللاب توب معايا يقولولى انتى جاية تقعدى معانا ولا تقعدى على اللاب توب انتى هتعمللنة فيها سيدة اعمال وبعدين احطلهم اية يا حبيبتى ماهو لو اتخدرو هينامو عندى هو انا ناقصة يا بنتى متحوليش كل الطرق…
    والله ياطمطم ضحكتينى وانا متضايقة اصلا ربنا يفرح قلبك ياقمر

    انتى عارفة نفس الموقف ده بيحصل معايا بس بقى انا حمايا وحماتى اتوكلوا على الله من زمان يعنى ماشوفتهمش اصلا
    بس ربنا رازقنى باخوات زوج اجارك الله معايا هنا حتى فى الغربة
    و تقريبا مقيمين عندى يعنى ممكن واحد فيهم يجى عندنا يقعد شوية يجيله شغل ينزل يعمله ويرجع لنا تانى
    لا وايه اللى يفرس بقى انهم متخيلين انهم كده بيعملوا معانا اللى مابيتعملش قال ايه بيونسونا
    عشان احنا قاعدين لوحدنا ومانزهقش من الغربة ونفكر نروح
    ده ا نا بيتهيالى لو زهقت وفعلا قررت اطفش من هنا هيبقى بسببهم

    وجوزى طبعا مش عارف يتصرف ازاى يعنى مثلا هيقول لهم ماتجوش ولا قومو امشوا طبعا مايصحش
    لدرجة انى كنت بتحبس فى المطبخ وقت طويل قوى لما بزهق وبمل وكل شوية ادخل واخرج عشان اقدم حاجة وارجع الحبس تانى وفى الاخر بقى قررت اواجه بقيت اقعد معاهم وافضل اتاوب قدامهم
    انا عارفة طبعا انها قلة ذوق جامدة جدا بس يعنى هعمل ايه ما هو يا اعمل كده يا اما هطق اموت

    ومرة واحد فيهم قاعد عندنا ومعاه مراته وعياله وده كان ابن عم زوجى وكان تقريبا كل يوم يجيبهم يفسحهم عندنا ماتقوليش دريم بارك
    فى اليوم ده بقى كنت خلاص هلكانة مش قادرة استقبل حد اصلا وفعلا ما اتكلمتش معاهم ولا كلمة وكنت بتفرج على مسلسل لقيتهم بيقولولى انتى مش بتتكلمى معانا ليه انتى فى حاجة مزعلاكى ولا ايه
    قولتلهم لا بس انا متابعة المسلسل وبعدين احنا قاعدين مع بعض من بدرى وكل يوم بنشوف بعض والكلام خلص يعنى هقول ايه

    انا بصراحة كنت جواية هفطس من الضحك لانى لقيت جوزى اتحرج قوى من كلامى ده ومبقاش عارف يتصرف ازاى
    وحس ان الناس بقى خلاص هتقول عليا مجنونة بسبب اللى بقوله ده رحت على طول لازقة جملة تانية تقريبا رطبت الموقف قولتله يعنى لاجايبين معاكم كوتشينة ولا حاجة نتسلى بيها كله رغى رغى مفيش تغيير
    لقيتهم ضحكوا وقالوا خلاص بكرة نجيب اونو بتعرفى تلعبى اونو
    تنحت وكنت هيغمى عليا قولت ياريتنى مانطقت الجملة الزيادة دى يمكن كانوا حسوا وزعلوا ومشيوا ماجوش تانى
  2. @hya_nnshr_alkhyr

    رمـــــال
    اه فطيرة بالقشطه .. انا بمووت فى القشطه بالمربى وبالعسل يا رورو متهيألى مش هبطلهم ابدا .. لما تعبت وجاتلى المرارة والدكتور منعنى من الدسم خالص اول حاجه فكرت فيها هى القشطه بالمربى .. وكانت اكتر حاجه مقصرة فيا فى الاكل لانى اساسا مش اكولة ,…
    برافو ياريمو أحلى حاجه إن الواحده تحافظ على جمالها ورشاقتها .. وكويس إنك عايزه تخسى على الهادى لأن هو ده الأصح
    وطالما مفيش حاجه مخلياكى مصربعة على الخسسان .. يبقى الموضوع سهل ..
    كل اللى هيبقى مطلوب منك إنك تحاولى تتمشى كل يوم شويه
    وتبطلى عشا أو على الأقل يكون عشا خفيف أو متقليش فى الأكل بعد الساعة 7 مساءا (أى خيار من ال3 يؤدى لنفس الفكره )
    وربنا يقويكى ويوفقك يا جميل
  3. @hya_nnshr_alkhyr

    boba boba
    والله ياطمطم ضحكتينى وانا متضايقة اصلا ربنا يفرح قلبك ياقمر انتى عارفة نفس الموقف ده بيحصل معايا بس بقى انا حمايا وحماتى اتوكلوا على الله من زمان يعنى ماشوفتهمش اصلا بس ربنا رازقنى باخوات زوج اجارك الله معايا هنا حتى فى الغربة و تقريبا…
    ههههههههههه هلكتنى من الضحك يا بوبا
    لأ بجد ههههه حاجه صعبه قوى ...لأ وكله كوم وموضوع الأونو اللى لسه
    هيجيبوه كوم تانى ... بس يا بنتى مش لازم تستحملوا كل ده ..أصل طالما
    الأم و الأب مش موجودين وهيزعلوا خلاص بيبقى الموضوع مختلف

تابعي تجارب أخرى من هذا القسم.