سلامتك من حرقة الدم ياكوكرتى امال انا اعمل ايه يابنتى
عموما انا زى ماقولتلك فى ميدان حولى جنب وزارة الدفاع تعالى قوليلهم بيتك بيتك وهاتى معاكى قوة كمان
والله ياكوكر انا فعلا محجبة وطبعا بضطر البس حجاب وحاجة بكم وطبعا هدوم الاستقبال بتاعتى كلها اتدمرت اصلا لانى بقف بيها فى المطبخ لما بجهزلهم اكل او عصير او اى حاجة
تعرفى انا اخر مازهقت قولتلهم انا نازلة مصر عشان توحشونى طبعا انا بحاول اخلى الكلام ده بهزار عشان خاطر جوزى والحدق يفهم بقى والله انا من ساعة مابدات ارخم والهجوم قل نسبيا ودلوقتى بقى جوزى يقولهم انتو الاول كنتو بتيجو اكتر من كده هو فيه حاجة ولا ايه يعينى هو بيسال عادى هم بداوا يفتكروا انه هو كمان مش عاوزهم
يقولوله اصل احنا مشغولين اصل مش عارفة مين جالنا انهاردة مقدرناش نيجى يعنى حسيتهم بيختلقوا حجج قولت عادى مش مشكلة اهو الهجوم نفع شوية
بس الصراحة انا عارفة هتقولوا عليا انى رخمة واسلوبى ممكن يكون مش مظبوط بس بصراحة انا وازنت بين مصلحتى وبين المجاملات وبدات الهجوم الغلس ده من ساعة ماقررت اعمل المنظار لانى مكانش ينفع يستعمروا بيتى كده وانا تعبانة وكمان مش هسمح لحد يدخل مطبخى يعمل حاجة بحجة انى تعبانة عشان كده بعت جبت ماما تنقذنى شوية ولقيت انى مكنتش هقدر اروح للدكتور ولا انزل كل يوم اخد الحقنة واتابع التبويض الا لو خليتهم يخفوا من عندى
ولو صادف حد جه واحنا نازلين بقول رايحة اخد حقنة للعظام عشان رجلى بتوجعنى من كتر الوقفة
انا فعلا رجلى بتوجعنى وهم عارفين كده بس مش باخد لها علاج فبتحجج بالموضوع ده عشان مايعرفوش بنعمل ايه
فهمتى ياتوتا يعنى محدش مصلحته فوق مصلحتك حتى لو اضطريتى تكونى قليلة ذوق فى بعض الاحيان وانا بعتبرها دفاع مشروع عن حقوقنا
طريق الامل ( خبرات متبادلة حول مراكز العقم فى مصر ) الجزء التاسع
متابعة النقاش، صفحة 95