اريد مساعده

ياليت تضيفيني عندك اختي .. ايميلي بركن مراسلتي بتوقيعي
وباذن الله يصير خيررر

وعليكم السلام ورحمه الله وبركاته

الله يوفقج ويرزقج ويسخر لج عباده الصالحين


اختي ان شاء الله البنات يساعدونج

ولا تنسين الدعاء واذكار الهم والحزن والاستغفار والله يفرجه من عنده


في بنت من بنات حواء الله يجزاها الجنه اسمه اm-ghost رسلت لى طريقه بهارات ان شاء الله تستفيدين منها

وهذي الطريقه عسى الله يفتحلج ابواب الرزق الحلال المبارك من حيث لا تحتسبين





الخلطة يا حلوة هي كالتالي ملاحظة ك=كيلو
ربع ك :هيل
ربع ك :قرنفل
عشرين حبه : ليمون اسود
نصف ك :قرفه
ك : فلفل اسود
نصف ك : كركم
ربع ك : زنجبيل
ربع ك : عروق الهيل ( خولنجان )
12 حبه جوزة الطيب ملاحظة ( انا قريت فتاوي بتحريمها والله اعلم ) تقدرين تستغنين عنها لانه من ترك شيئ لله عوضه الله خراً منه
نصف ك : ثوم مجفف
نصف ك : كمون
2ك : كزبره
ورق غار يعني ممكن ملئ يدك مرتين
ربع ك : حلبه
ربع ك : يانسون
بابريكا ( فلفل احمر بارد ) انا ما حصلته صراح بس اتوقع يعطي نكهه خطير اذا حصلتي حطي كيلو
تقدري تضيفي بصل بودرة اذا حصلتي بس انا ما لقيت في ناس يضيفوا الشيبه بس انا ما تعجبني وتقدري تخليها بهارات حراقه يعني تزيدي فلفل حار مجفف .
الطريقه :
1**اهم شي تنظفيها وانا كانت تاخذ مني ايام على حسب الكميه والفضاوة اذا كان عندي وقت انا كنت انقيها كلها الا كمون اغسله
في منخل عشان ينزل منه كل التراب هو واليانسون لانهم صغار
واحطهم في صينيه كبيره احطهم في الشمس او اشغل عليهم المروحه ( بس الله يعينكم على ريحة البيت ) طبعا كل صنف لحال
2** حمصي كل نوع على حدة انا احمصها في مقالاه عاديه على حسب سعت المقلاه ولما تخلصي حاولي تخلطيها بيدك عشان
تتهوى وما تدخلها رطوبه من الحرارة الا جوزة الطيب (تحذير ريحة البهارات قويه جدا عند التحميص يعني حتى اللي في الشارع راح يشموها واذا عندك احد صدرة تعبان طلعوه من البيت ) وبعدين وديهم المطحنه وعنوانها تقريبا عند كائن بس فين بالضبط ما ادري راح اسئلك زوجي واردلك خبر بعدين .
وبعدها يا حلوة وزعيها في علب انا كنت احطها في علب بلاستيك بيضاء العاديه انا اشتريها من محلات بو ريالين يجي فيها خمسين حبه بغطاها بس اذا حصلتي علب محكمة القفل يكون احسن لاني احس ريحتها تخف مع الوقت
على فكرة المقادير السابقه تعطيك كميه حلوة وانا كنت ابيع العلبه بـ 10ريال واهم شي توديها اماكن تجمع الحريم زي الاسكان مثلا وعاد لا اوصيك بالاسلوب عشان تمشي بضاعتك وانا كنت اقولهم عندي بهارات بيتيه اشتريها وانظفها واحمصها واطحنها بس يشمون كلمت نظافه على طول يشترون منك
على فكرة البهارات الحَب مو غاليه ابدا

الله يوفقك

اسال الله ان يفتح لك ابواب الرزق والبنات مارح يقصرون ..................الماهرات

تسلمين نسختها وابي ان شاء الله اسويها لي لبيتي