شاركي في النقاش

سجلي الدخول لإضافة تعليق.

التعليقات

2,084
  1. ازيك يا بنوتة

    انا كمان مش باكل السبانخ خالص
    و عاوزة الطريقة اللى بتقولى عليها دى

    يمكن ينفع

    ممكن؟
  2. @hya_nnshr_alkhyr

    MIKOMIKO
    انا جوزي مش بياكل سبانخ خالص. طب انتي بتجيبي الوصفات منين؟؟
    بصى يا ميكو ... ماما كانت مش بتحب تخلينا نتعب فى المطبخ .. فإتجوزت و أنا مش بعرف اللحمة بتسلق إزاى
    بالرغم من إنى بحب أتفنن فى الأكل وتزينه لكن مقادير كل اكله هو ده اللى كان ناقصنى ... و الحمد لله
    بقيت أول ما ألقط أى وصفه من أى حد بنفذها وبتكون أحلى من الطريقة الأصليه .. و أذكر أول رمضان عدى عليا و أنا متزوجة قررت أعزم عائلة زوجى كلها فى يوم واحد :cook: وهما كانوا 13 فرد ... و الأكل كان رهيب و الحمد لله وماما يا عينى كانت قلقانة عليا وعايزه هى اللى تعمل الأكل بينى وبينها , علشان فاكره إنى مش هقدر على الموضوع وتعبت يومها جدا لدرجة إنى قمت من الفجر أحضر بس كل التعب راح لما شفت السعادة فى عين زوجى :27:

    المهم كنت باخد وصفات الأكل من ماما أحيانا و من حماة أختى أحيانا أخرى لأنها شاطرة جدا ماشاء الله .. لكن الوصفات ده كان أغلبها للأكل التقليدى

    أما دلوقتى باخد كل وصفاتى من قناة فتافيت ( قناة أكثر من رائع ) وده التردد بتاع القناه 12.341 رأسى / على النايل سات
    وساعات بدمج وصفات تقليدية مع وصفات أوروبية .. تابعيها لمده يوم واحد وهتستفيدى كتير إن شاء الله .. وبالتوفيق يا قمر


  3. @hya_nnshr_alkhyr

    اسم الطبق .. مقبلات يونانية ( سبيناكوبيا )

    نشوح السبانخ العادية ( بعد غسلها جيدا ) أو السبانخ المجمدة ثم نقوم بتصفيتها جيدا من الماء الزائد ( عن طريق مصفاه سلك )
    ثم نضعها فى وعاء ونضيف لها بيضة مخفوقة + زعتر ناشف + ريحان ناشف + ملح + فلفل + جبنة فيتا ) ونهرسهم جيدا مع بعض
    ثم نقوم بإحضار 3 طبقات من الجلاش ونضعهم فوق بعض بعد ما ندهن الزبدة بين كل شريحة و أخرى .... ثم نقوم بقطع طبقات الجلاش بالطول الى 3 شرائح .. ثم نحشى كل شريحة بالخليط كأننا بنحشى سمبوسه بس كبيرة شوية
    ثم نضعهم فى صينية مدهونة وندهن وجه الفطائر بلمسة زبده حتى يحمر وجهها


    ده الوصفة زى ماقالها الشيف .. بس أنا بصراحة لم أستخدم الريحان الناشف لأنه مكنش عندى وحسيت كمان إنه مش هيناسب ذوقنا
    وقللت الزبدة شوية يعنى بدل ما أحط بين ال3 شرائح زبدة حطيت بين شريحتين بس علشان تبقى خفيفة و إستخدمت الفرشاه فى الدهن علشان بتساعد على تقليل الكميه
    وأخر حاجة أضفتها سقيت الفطائر بعد ما وشها إحمر شوية ( بخليط اللبن المضروب فيه بيضة وعليعا فلفل أسود ) طبعا الخليط ده كلنا عارفين إنه بيطرى الجلاش فانا قولت إيه المانع من إستخدامه المره ده كمان
    وبالهنا و الشفاء

تابعي تجارب أخرى من هذا القسم.