شاركي في النقاش

سجلي الدخول لإضافة تعليق.

التعليقات

1,399

  1. @am_ksmt_1

    صاحبة الموضوع
    ♥fraWla♥
    مشكورة ام قسمت انا نفسي اتعلم التريكو لاني ميح ما اعرف شي فيه وان شاء الله بكرة اشتري الاغراض بس ياليت يا استاذتنا تذكري الاغراض اللازمة عشان نشتريها مرة وحدة ولكِ جزيـل الشكر
    حبيبتي اهلا بيكي وحاتنورينا
    خلاص انتي مشاركه
    خدي الشعار وحطيه في توقيعك واقراي الدروس وطبقيها

    تسلمي ياام بكر ونورتي الموضوع والله

    حبيبتي اهلا وسهلا بيكي
    مش عارفه ليه حاسه اني اعرفك بس خايفه اعك هههههه
    وباذن الله تخرجي من الدوره احسن مني كمان
    ياللا حطي الشعار وانضمي لنا

    اهلا وسهلا بيكي ياقمر
    وبجد انا حاسه انك حاتكوني فنانه ومبدعه
    كفايه انك اتحديتي الصعب واستعنتي بالقلم الرصاص ههههه

    اهلا بيكي يانسرينه
    خلاص حطي الشعار في توقيعك واقراي الدروس وطبقيها

    تسلمي ياغرور واهلا وسهلا بيكي

    يسلم لي حماسك ياعسل انتي
    وياللا مستنياكي
    بس حطي الشعار وتابعي معانا


    حبيبتي اهلا بيكي
    شوفي البدايه بتاعه الدوره فيها كل اللي بنحتاجه
    يعني مبدئيا هاتي ابرتين مقاس وسط وخيط ينفع للشغل عليهم ولو ممكن مقص صغير

  2. @am_ksmt_1

    صاحبة الموضوع
    وناخد الطريقتين الاخرتين علشان كده نخلص طرق البدايه
    الطريقه التانيه ودي بافضلها لانها بتدي بدايه مرتبه واسمهاLong-Tail Cast-On
    انتبهي معايا كده شويه
    انتي بتسحبي خيط طويل من الشله علي قد عدد الغرز اللي عايزه تعمليها ويفضل انك تبدئي علي الابرتين جنب بعض وبعد ماتخلصي تسحبي ابره من الابرتين وتسيبي الغرز علي الابره التانيه وبكده الغرز ماتكونش مشدوده قوي
    السؤال ازاي اقدر طول الخيط اللي اسحبه من الشله
    الاجابه سهله
    بتلفي الخيط علي الابر بعدد الغرز اللي عايزه تعمليها وتسيبي طول كمان حوالي 10 سم وبعدين تمسكي الخيط عند نهايه ال10 سم وتفكيه من علي الابروده حايكون طول الخيط اللي حاتسحبيه من الشله
    بتعملي عقده البدايه وكده يكون عندك ناحيتين من الخيط الناحيه اللي متصله بالشله والناحيه السايبه اللي قستيها
    لفي الخيط المتصل بالشله حول الابهام والاخر حول السبابه
    دخلي الابر بين الخيطين اللي علي الابهام واسحبي الخيط الخارجي منهم وبعدين عدي الخيط اللي في الناحيه الداخليه للسبابه فوق الابرتين وعدي الخيط اللي سحبتيه الاول من فوقه وشدي الخيطين مع بعض وكده حاتتكون غرزه
    ودي صور توضيحيه





















    وده فيديو للطريقه دي
    http://www.knittinghelp.com/apps/fla...ayer/play/34/1

  3. @am_ksmt_1

    صاحبة الموضوع
    ودي الطريقه الثالثه
    الطريقه الثالثه اسهل شويه
    شوفوا كده
    الاول بتعملي عقده البدايه مع ترك طول من الخيط زي الطريقه السابقه



    وبعدين بتدخلي الابره اليمني في الغرزه وبتسحبي الخيط عليها مكونه الغرزه الثانيه


    بتحطي الغرزه الثانيه علي الابره وكده كونتي غرزتين
    وبعدين بتدخلي الابره اليمني بين الغرزتين اللي كونتيهم وتسحبي الخيط علي الابره اليمني وكده كونتي الغرزه الثالثه










    والرسم التوضيحى للغرزة هو









    دي الطرق الثلاثه اللي قلت لكم عليهم وفيه كمان طريقه علشان خاطركوا في الفيديو ده هي بطيئه شويه
    http://www.knittinghelp.com/apps/flash/video_player/play/36/1

تابعي تجارب أخرى من هذا القسم.