شاركي في النقاش

سجلي الدخول لإضافة تعليق.

التعليقات

2,084
  1. @ashtkt_alyk

    أوكسى...
    طب الحمد لله يا حبيبى....احنا يهمنا دايما اننا نطمن عليكى...و بأمر الله طول ماحنا سوا هنعدي أي فترة قلق و مشاعر سلبية....
    و احنا الحمد لله مطمنين عليكى و عارفين انك جدعة...و طالما ده تفكير بصوت عالى يبقى و لا يهمك...استنى بس اجيبلك الميكروفون و عيشى حياتك....أهم حاجة تبقى آخر روقان يا جميل.....بس حاسبى لتوصلى لمرحلة أنس....ديه تبقى مشكلة
  2. @ashtkt_alyk

    نادية....
    يا رب يا قلبى نسمع عنك كل خير الشهر ده و تكونى أول حامل فى السنة الجديدة...و من بعدك مشمشة و بوبا و توتا و أوكسى......و كمان شيمو و باقى البنات
  3. @ashtkt_alyk

    شيمو...
    بصى يا قمر....أنا من رايي إنك تبعتى للدكتور عادل تانى ..لانه مش من عادته إنه يهمل رسايل....ففى الغالب الإيميل ممكن ميكونش وصل....لأننا برده قبل ما ناخد دوا ان يكون دكتور وصفهولنا مش واخدينه من نفسنا...حتى لو كان الدوا ده شائع و كل الناس بتاخده...

    و برده هاقولك على اللى كنت باخده كشئ استرشادي مش أكتر.....
    انا كان عندي البرولاكتين 18 و الأقصى 24....بس الدكتور قالى يفضل ننزله شوية و أدانى دوستينكس نصف قرص لمدة أسبوعين....لأن مفعوله أقوي و بينزل الهرمون فى وقت قصير......
    وبعده كنت باخد بارلوديل 2.5 ملجم ...نصف قرص يوميا لحين حدوث الحمل....علشان يحافظ على مستواه ....و غالبا طول المدة مش بيبقى فيه مشكله لانى قعدت آخده 9 شهور متواصلة و مقطعتهوش بس إلا لما حصل الحمل اللى فات...و بعد ما انتهى أخدت دوستينكس تانى لان الهرمون كان على و بعده رجعت استمريت تانى على البارلوديل من شهر 5 اللى فات لحد ما حصل الحمل المرة دي.....

    و أي حاجة أنا تحت أمرك...بس علشان خاطري قبل ما تاخدي حاجة اسألى الدكتور الأول....و ربنا يكرمك و يوفقك يا قلبى و يسمعنا عنك كل خير و ميخلصش التجمع اللى انتى فتحتيه الا لما نسمع خبر حملك
  4. @ashtkt_alyk

    هدي...
    إيه يا بنتى...شفنالك مشاركة و بعدها رجعتى اختفيتى تانى....تعالى يلا طمنينا عليكى و قوليلنا إيه أخبارك

تابعي تجارب أخرى من هذا القسم.