انتى بنت حلال يا شيمو والله انا كمان ملاحظة ده وفعلا امبارح بالليل كتبت مشاركة واترددت انى ابعتها حقيقى .. وكانت على الغايبين وبيتقلوا علينا وكلامى ده مش موجه للبنات اللى بتغيب لظروف فعلية يوم ولا اتنين وترجع تانى لا ده كلام موجه لكل واحده بتغيب وتنسانا ومش بتكترث لاخواتها اللى محتاجين وجودها هنا سواء علشان تفيدها بمعلوماتها او حتى علشان تكون جمبها وتاخد بإيدها لكن بما انكوا كمان انتى وشوشو ملاحظين زيى الغياب ده فا انا مش هتردد فى انى اكتب الكلام وابعته لهم يمكن يشوفوة ... ونص المشاركة كان كالتالى
"على فكرة يا جماعه انا قلبى واكلنى على كل الغايبين اوى ياااريت يردوا علينا ويرجعوا لنا من تانى ..
وبرغم انى قلقانه عليكم الا انى بعتب عليكم وزعلانه منكم .. ومفيش داعى لذكر اسماء لاحسن دول كتير
مش بتكلم على اللى بيغيبوا لظروف بتمنعهم يوم ولا يومين ويرجعوا لنا تانى لانى شخصيا منهم ويمكن على رأسهم .. لكن بتكلم على اللى بييجوا يوم ويمشوا عشرة ... بجد مينفعش الكلام ده يا جماعه يعنى تدخلوا تتابعوا معانا شويه وتربطونا بيكوا ولما نتعود عليكم تمشوا ومنعرفش عنكم حاجه وتقلقونا عليكم .. ينفع كده الكلام ده يعنى .. مش احنا كلنا بنحب بعض زى الاخوات والحب ده بيخلى لينا حقوق على بعض ولا ايه ..
وانتوا حقكوا علينا بتاخدوة لما بتدخلوا وتحسوا بإهتمامنا بيكم وبمشاكلكم ... طيب فين بقه الواجبات اللى عليكم تجاة البنات اللى لسه مستمرين فى الملف .. واللى محتاجينكم همه كمان ومحتاجين وجودكم علشان تردوا عليهم فى الاستفسارات بتاعتهم بردو ...عموما النداء اللى بنده لكم ده مش علشان حاجه غير علشان اقول لكم انى بحبكم ويصعب عليا اشوف منكم التصرف ده لانى بشوف فيه انانيه من ناحيتكم وسامحونى فى الكلمه دى بس ده احساسى وعلشان الحب اللى بيننا فا بصارحكم باللى فى قلبى لان الصديق مرآة صديقه ولا احنا مش اصدقاء ولا ايه "
ومش هكتر فى الكلام بقه يا شيمو علشان محدش يزعل لكن ده مش معناه انى جوايا كتير ...
طريق الامل ( خبرات متبادلة حول مراكز العقم فى مصر ) الجزء التاسع
متابعة النقاش، صفحة 158