قــــالت أوصـفنــي بقــصيدة! قـلت بسم الله عليـــك


قــــالت أوصـفنــي بقــصيدة ! قـلت بسم الله عليـــك
لا تكـونين إنهـبلتـي؟ مـا نقصـني بك هـبــــــال

وين أبلقى لك وصايف بــــــالوصف تركب عليــــك
رمشــك لحـــاله قصيـدة .. حـارسٍ عين وهــــلال

إيه إكتب وكمل ! لا تخاف ومـــــــا عليـــــك
تحسب إني صرت شـــاعــر صــدقت بنت الحـــلال

قالت إكتب بس عجــــــــــل كل ما يطري عليــــك
وجلست قدام عيني .. وشــــالت أطــــراف الجـــلال

قلت ياربي دخـــــــــيلك عــبدك وداخـــل عليـــــك
باقي بعقلي بقايا وصرت أخـــاف من الـخــــــــبال !

قلت أنا أرجوك قومي .. إبعـــــــــــدي يستـــر عليك
صايرٍ مجنون ليـــــــــــــــلى لحالتي أقرب مثــــال

إبعدي عن كل غيري إفهمي شــــــوري عليـــــك
أحلف إن اللي يطيعـــــــــــك بيتربٌط بـــالحبـــــــال

منهو اللي بس يقدر يشعـــــــــر وعينـــه عليـــــك
لو يقاوم سحر عينك .. ما يقاوم هــــــــــــالــــدلال

بوصفك لكــــــــــــن شرطي حطي الغطوة عليك
وبكتب إنه فـيه وحدة مــــــالكة كل الجمـــــــــال


11 تعليق 1,521 مشاهدة

شاركي في النقاش

سجلي الدخول لإضافة تعليق.

التعليقات

11
  1. @mshroaa_maalmh

    روعه
    بس احلى بيت
    بوصفك لكــــــــــــن شرطي حطي الغطوة عليك
    وبكتب إنه فـيه وحدة مــــــالكة كل الجمـــــــــال


    لان فيها اعتراف ان الحجاب يحرس لكل مين حقه
    فزوجته ومحدن يشاركه فجمالها ...

تابعي تجارب أخرى من هذا القسم.