شاركي في النقاش

سجلي الدخول لإضافة تعليق.

التعليقات

2,084
  1. هيا ننشر الخير
    عارفه يا رمال .. إنتى دلوقتى جيبتى أحلى جول ...أنا مش عارفه حسن شحاته تايه عنك فين ! أنا يمكن مش عارفه كانت إيه مشاكل مشمشه لأنى جديدة معاكم ... بس فعلا ربنا لا يضيع أجر من أحسن عملا ربنا يقوينا جميعا ويكرمنا من فضله الواسع
    حسن شحاتة مرة واحدة .. انا كبيرى شحاتة ابو كف .. :hahaha:
    عارفاة ولا لا ... ضحكتينى على فكرة اوى يا رورو .. ربنا ياحبيبتى يسعد قلبك ويبارك فيكى وفى ابنك ويرزقك ياحبيبتى البنوتة اللى نفسك فيها ..
  2. رمـــــال
    حسن شحاتة مرة واحدة .. انا كبيرى شحاتة ابو كف .. :hahaha: عارفاة ولا لا ... ضحكتينى على فكرة اوى يا رورو .. ربنا ياحبيبتى يسعد قلبك ويبارك فيكى وفى ابنك ويرزقك ياحبيبتى البنوتة اللى نفسك فيها ..
    ام اياد .. انا قلقانة عليكى ياريييت يا اوكسى تطمنينا عليها حاولى توصلى لها بالتليفون وطمنينا عليها غايبه كل ده ليه .. ربنا يجيب خير ان شاء الله وتكون غايبة لخير ..

    باقى البنات مستنيينكم تدخلوا تباركوا وتهنوا خلى الفرح يجى ناحيتنا شويه وخلينا ناخد حقنا فيه مش يوم ويعدى لا احنا نعمل فرح تلات ايام .. هو بفلوس يعنى ولا بفلوس .. لما بنزعل بنقلبها ضلمة لحد الضلمة نا تشتكى مننا خلينا نفرح بضمير بقه
  3. إيه ده ماشاء الله
    لولولولولولولولوليييييييييييييييييييي
    المشتاقه حامل
    بسم الله ماشاء الله ربنا يباركلها ويتمملها على خير يارب
    وإشتقت كمان أنا جسمي قشعر وأنا بقرأ الأخبار الحلوه ده
    ياااااااااااااااااااااااه فرحتوني قوي
    بسم الله ماشاء الله
  4. ربنا يكرمكم كلكم على كلامكم الحلو وسؤالكم عليه
    وحشتوني والله بجد
    بس إنتم طبعا عارفين إن بعدي عنكم كان غصب عني

    بصوا بقى أنا عندي أخبار جديده مكنتش عارفه أقولهالكم وأنا في الكويت طبعا إنتم فاكرين إن جهاز اللاب توب بتاعي كان باظ في الفتره الأخيره وكنت بدخل على النت تخاطيف تخاطيف من جهاز زوجي

    المهم الجديد بقى يا حبايبي هو غن زوجي كان بيدرس وإحنا في الكويت وكان عايز يكمل دراسته بره والحمد لله ربنا وفقه وهيكمل دراسه إن شاء الله في كندا
    وده السبب اللي خلانا نسيب الكويت فجأه ونرجع نهائي
    طبعا أنا ولله الحمد كنت بلف حوالين نفسي وأنا بلم الدنيا هناك بالذات في وجود جنة
    لكن الحمد لله كل حاجه تمت بخير وجيت هنا مصر طبعا مكنش معايا جهاز كمبيوتر
    ولا فيش نت كمان
    والحمد لله عملت إشتراك نت وجبت جهاز وبظبطه حاليا علشان أعرف أكلمكم من عليه يا حبايبي
    وزوجي هو كمان جه من الكويت وسافر كندا خلاص
    وأنا وجنة المفروض هنروحله بس اللي معطلنا ورق جنة لسه بعملها شهادة ميلاد وجواز سفر واللذي منه
    إدعولي أخلص الحاجات ده بسرعه علشان أروح لزوجي
    أنا في دوامه بفرش بوضب الشقه هنا في مصر والحاجه اللي إتشحنت من الكويت
    وبلم حاجات وطلبات لسفر كندا وبخلص ورق جنه
    خلالالالالالالالالالالالالالاص بمووووووووووووت

    بس والله في وسط كل ده حسيت إنكم وحشني قوي وبحاول أكون معاكم دايما
    إنتم إخواتي في الله ومقدرش أبعد عنكم ربنا يكرمك يارب

    بس يا حبايبي هيه ده حكايتي اللي بعدتني عنكم
  5. معلش أنا طبعا شايفه ناس جديده وعايزه أرحب بيهم بس مش عارفه
    عموما أهلا بيهم كلهم ناديه ودانا وكل الجداد
    ربنا يرزقكم يا حبايبي بكل ما تتمنوا يارب

    وعيزه اعرف حاجه طبعا أنا مش هعرف أقرأ كل اللي فاتني
    بس عايزه أطمن على
    توتا وبوبا وأوكسي كانوا بيعملو عمليات إيه أخبارهم
    وعلى زينب كمان وأوشي وسارا
    وماما بدأت العمليه الجديده ولا لأ

    بإختصار ياريت كلكم كده تقفوا طابور وتقولولي أخباركم واحده واحده
    ههههههههههه حلوه طابور ده صح

    ربنا يسعدكم كلكم يارب
    مش عارفه ليه حاسه إني مبسوطه قوي ومزقططه بعد ما قرريت خبر المشتاقه وإشتقت
    ياااااااه ياربنا لك الحمد كما ينبغي لجلال وجهك وعظيم سلطانك

تابعي تجارب أخرى من هذا القسم.