برواز جديد ... واليوم التركيز على السنفرة ( الحف )

والله انا في غاية السرور انو فنانة مثلك تستفيد من اعمالي المتواضعة ..اي والله
وبالنسبة للكراكلي التجارب فعلا تفيد
هل تعلمي اني فردت عندي خمس قطع خشب مرة وحدة وسجلت على ظهر كل وحدة تقنية اجربها في الكراكلي ..مرة بالغراء ومرة بالكراكلي ومرة مع تخفيف ومرة مع انتظار للون حتى يجف .. هههههههه صار عندي معرض كراكلي ..لكن بجد استفدت ..بحب اظل ورا الشغلة حتى اتقنها
بالنسبة للورنيش - طبعا مع مراعاة خصوصية كل بلد - احنا عنا الورنيش زي العسل بينباع بعبوات اقل اشي كيلو وتقيل جدا .. ويتخفف بالنفط - يعني الكاز المعالج - ويعطي لمعة قوية جدا لكن رائحتو مزعجة جدا ..ومشكلتو بطول لما ينشف ..بدو يومين لما ينشف على الآخر
اما اللكر ..نفس قوام الورنيش بس لونو اصفى واخف شوي ..وبيتخفف بالتنر ..وما الوش ريحة نفاذة قوية لكن ريحة التنر لما تخلطيه معاه ..ولمعتو اصفى واحلى بس اخف شوي من الورنيش وفي منو انواع اقوى ... والشغل فيه اسلس لانو بسرعة بينشف .... اتوقع انتو الي بتستخدموه هو اللكر مو الورنيش لكن بتقولو عنو ورنيش .. العبوات السبري الي بتستخدم للحفاظ على السطح النهائي واعطاء اللمعة برضو هي لكر مخفف بالتنر مو ونيش ..
طبعا انا بقول هذا عندنا في الاردن ما بعرف كيف عندكم
الله يسلمك ويجزيك كل خير عردودك الحلوة

والله لا من وراك ولا اشي ..هذا بعض قليييييييييييل مما عندك يا استاذتنا الغالية ... انا بستنا تطلي من بين الركام .. وهلا عرفت انك مشغولة بالاكاديمية ..ربي يباركلك في وقتك يارب
الله يسعدك زي ما اسعدتيني بردك
اللحمد لله عجبك وهذا اسعدني والله وهي غيرت اللون البني الي اخدت في وكالة ههههههههه
صدقيني بهاب الالوان كتير .. لكن هيني شوي شوي بتحرك ..
والله انا ارجو اني اقدر انزل اعمال ..المشكلة الوقت الضيق وهلا اتنشطت علشان عطلة ما بين الفصلين زي ما حكيت في الموضوع
ومشكلة اخرى انو خلص تقريبا الداون لوند المسموح الي ..ان شاء الله الاقي موقع تحميل يريح شوي .. ونقدر نتواصل دايما بالاعمال
لكن انت انت الي لازم تطلي اطلالاتك الحلوة الي بننتظرها والله بشغف ..
الله يجزيك كل خير ويزيدك علم وفضل ..

شكرا كتير لردك والله يعطيك العافيه يارب والله الواحد يحق لو يرتاح شوي
الحياه مرهقه الله يعين يارب تفضل هدا الموقع بيحمل اكتر من صورة مريح والله

http://center.jeddahbikers.com/

مشكور وجزاك الله خيرا
فنانة مرة وحدة ههههههههه كثير والله انا يادوب على قدي ماشاء الله عليك انت الي فنان
والان فهمت الفرق اذن استعمل اللكر افضل من الورنيش لان الورنيش فعلا بيطول كثير لحتى ينشف
طبعا انا متاكدة لما اروح اشتري لكر راح يكون الجواب (هاااااااا مافهمت )على ماالاقيه يمكن تصيبني جلطة
الله يستر بس لكن احاول يارب الاقيه
ومشكور مرة ثانية اخي

الله يعطيك العافية