الله يوفقكم ساعدوني بكتابة رسالة عتاب لوحده زوجها مسافر ولاهو سائل عنها وعن عيالها؟؟؟

السلام عليكم ورحمة الله وبركاته

طالبه الفزعه والمساعدة منكم يا بنات حواء من بعد الله سبحانه وتعالى
وحده من المعارف طالبه مني أكتب لها رساله لزوجها المسافروأنا الصراحه
إنحرجت منها ما أدري وش أقولها لأنها الصراحه ما تعرف تعبر بنفسها
قلت بقولكم عشان إيش تبي تكتب له رساله على الأقل لأجل تساعدوني
في بداية الرساله وأنا أكملها لها بنفسي مختصر قصتها هو :
زوجها متزوج عليها وحده أجنبية من إحدى الدول العربية وكل كم شهر يروح لها
ويجلس عندها شهر لا يكلمها ولا يعبرها هي وعيالها ولا حتى برساله والحين هو
مسافر لعند الثانيه وقبل فترة تعبت ومرضت وهو طبعا"كالعاده لا كلمهم ولا عبرهم
وتحاملت على نفسها وكلمته تطمن عليه وقالت له عن تعبها المهم لها حوالي أسبوع
أو أكثر من يوم تكلمه وما رد لها المكالمه عشان يتطمن عليها ولا سأل عن العيال
خصوصا" إنهم قربت إختباراتهم النهائية وحز بخاطرها هالشي وإنجرحت منه
وبكت من قهرها ليش يسوي فيها كذا وليش هانت عليه العشره ؟؟؟؟؟
الله يخليكم يا بنات ساعدوني على كتابة الرساله لها لعل وعسى رب يهديه
ويحن قلبه عليها وعلى عيالها ويرجع لهم من عند زوجته الأجنبيه اللي
بسببها الله يهديه نساها ونسى عشرة 25 سنه بسببها ؟؟؟؟؟
الله يعافيكم الرساله تبيها اليوم ضروري إذا تقدرون تساعدوني فيها
ومشكورين مقدما"ورزقكم الله من حيث لا تحتسبون

4 تعليق 3,254 مشاهدة

شاركي في النقاش

سجلي الدخول لإضافة تعليق.

التعليقات

4
  1. @kaaadh_fok_roshm

    حبيبتي اكتبي في قوقل رسائل عتاب وشوفي الي يناسب وضعها وعدليه وزيدي عليه
    ياليت اقدر اكتب لها وحتى لو جلست احاااول يبيلي وقت طويل
  2. @am_lol_2

    خلاص لاترجع ترانا سلينا ماكنت
    اصدق في يوم انساك خل الذي غير حنانك
    علينا يعطيك من قلبه ربع اللي عطيتك
  3. @algryh_5

    صاحبة الموضوع
    الله يخليكم ويبارك فيكم ولا يحرمكم الأجر إن شاء الله
    ومشكورين جدا"على المرور جعله الله في ميزان حسناتكم
    إن شاء الله ومعليش أسفه أعذروني توي أقدرأرد عليكم
    لأن ظروفي ما تسمح لي كل يوم أتواجد بالمنتدى

تابعي تجارب أخرى من هذا القسم.