هاذا ماقالته ابنت اختي

الله يهديها والافضل تقولي لامها إذا كانت متفهمه وعلاقتها زينه مع بنتها علشان تتدارك الامر...وأنتي لاتتركينها أبدا خليك دايم معاها لين تعدي المشكله وفهميها أن الرجال هذا قاعد يخدعها وهي بعد ماترضى إذا تزوجت إن زوجها يخونها ويكلم وحده ثانيه.....ودوري على السبب الي خلاها تكلم الرجال.يمكن حاسه بفراغ عاطفي

نصيحه نصيحه نصيحه استري عليها استري عليها الله يسترك دنيا وآخره .. الله يسترك استري عليها

انتي ماتدرين عن البنت وظروفها واحوالها ادري انه اللي سوته غلط .. انا رايي من راي الاخت اللي اقتبست

ردها .. قولي لها انتي ترضين احد يكلم ابوك ؟؟ وامك ماتدري ..

ترضين حرمه تخرب بيتكم وتسوي علاقه مع ابوك .. اكيد بتقول لاااا

قولي لها انا خايفه عليك تخربين بيته وزوجته تقرا محادثتك انتي وياه وتدعي عليك بالسرطان والا بالمرض

والا بالحادث والا والا والا ( خوفيها من هالناحيه ) وقولي ربي بيستجيب دعواتها لانها مظلومه ...

وانتي ظالمه .. لانك داخله في شي ماهو لك وبتخربين ( بيت عامر ) والرجال اللي انتي تكلمينه لو تكبر

بنته مايرضى انها تكلم .. وحتى لويشك بنسبة 1 % انه اخته تكلم ماراح يرضى ابد ..

لانهم كذااااااااااابين لعاااااااااااااابين .. ومافيه رجال صادق يسوي ( الغلط ويلعب مع بنت صغيره ) ..

قولي لها حرام تخيلي شكل زوجته متعذبه وتبكي وماتدري شفيه زوجها متغير عليها ومايعطيها حقوقها ولايجلس

معها .. قولي لها حطي نفسك مكان ( زوجته ) ترضين زوجك يخونك !! اكيد بتقول لك لا

واذا قالت انا احبه واحس بالامان معه .. قولي لها ( الشيطان يزين لكم الحرااااام عشان تستمرون فيه ) ,, والا الحقيقه مافيه مثل لذة الحلال ابد ..

المهم انتي ناقشيها لين تقتنع ... وخليها تخبرك بكل شي .. وشوفي هل العلاقه مقتصره على المسن وبس

والا بعد مكالمات تلفون ...

وشوفي وين تعرفت عليه بأي منتدى والا بأي داهيه ..

المهم اذا عرفتي كل شي .. واقتنعت ان اللي تسويه غلط ...

قولي خلاص مالك الا تحذفينه من المسنجر .. وانتي بنفسك ( ياخالتها ) غيري الرقم السري عشان ماتفتحه

مره ثانيه ..

وبرضو الرقم ان كان بالجوال وغيري شريحها .. وبرضو بالمنتدى غيري رقمها السري ..

وقولي لها هالمره هذي عذرتك ووضحت لك الغلط .. لكن لو شفت منك غلط مره ثانيه او ( حسيت مجرد

احساس ) انك تكلمين او لك علاقه بأحد فأنا بخبر امك وبنبهها عليك ...

وبعدين ذكريها بأنه ( من ترك شيئا لله عوضه الله خيرا منه ) وقولي لها انا على ثقه انه لو تركتي طريق الحرام

عشان الله .. فالله بيرزقك ( زوج وفي ) لآخر العمر ومايخونك لانك ماخنتي الله وتركتي الغلط عشانه ...


الله يصلح حالها وحال بنات وعيال المسلمين ..

الله يعين

لازم امها تعرف وسكوتك عليها اكبر خيانة لاختك
اعرف المراهقات حتى لو حلفت لك انها تابت انتي بعيدة عنها واهلها الى الان واثقين فيها
ويمكن تسوي بلاوي من وراهم
حرام عليك امها لازم تعرف وترى العلاقات اللي كذا مصيرها تنكشف في يوم من الايام
وراح تعرف اختك انك كنتي عارفة ولا قلتيلها ويمكن تحقد عليك العمر كله وتعتبرك متواطئة مع بنتها

نصيحة لك ما فيه احرص من الام ولا تاخذك العاطفة وتقولين ابستر اساسا تبليغك لامها مو فضح لها
انتي ما بلغتي وحدة غريبة بتفضح سرها هذي امها ويمكن تكون فرصة تراجع نفسها فيها وتشوف
اش اللي خلى بنتها تغلط وتتعلق بواحد وتسوي علاقة
انصحك بلغي اختك وطلعي نفسك من الموضوع وحاولي تتقربين من بنت اختك وتحتوينها انتي وامها

الله يهديها ويصلحها ويهدي بنات المسلمين اجمعين

الله يهديها
علمي امها في اسرع وقت والله يلعب عليها