لحقوا على صديقتي ارجوكم قصتها تقطع القلب

مشكلة صديقتي مع زوجها مشكله كبيره

هي ساكنه في عمارة والدها يعني مستاجره الدور السفلى وهم في الدور العلوي

المشكلة في زوجها اللي يكره اهلها بجنون

وطول الوقت وهو مسمم جسمها باالكلام الشين عن اهلها

وهو يبي يتحكم حتى بفلوسها هي موظفه وهو يصر ان بطاقة الصراف تكون معاه

وهي اللي تدفع الايجار علشان بيت اهلها مافيه الا امها الكبيره باالسن وابوها طريح الفراش وهي

وحيدتهم والعائل الوحيد لهم بعد الله


المهم زوجها مايرضى يسحب لها الايجار من رصيدها الا بطلوع الروح

ويقول خلي ابوك يتصل فيني ويطلب الايجار ويترجاني وانا اعطيه

المشكله ان اهلها حالاتهم صعبه وهي متحمله كل المصاريف

وهو حضرته مايدفع شي علشان خاطر اهلها

تحلف وتقولي انها ماتقدر تشتري شي براتبها لانه مايرضى يصرفلها

ومعاه بطاقتها وحتى لو صرف لها مبلغ من المال يجننها وين وديتيه

وش اشتريتي فيه

وهي صابره علشان ماينقلها في شقه بعيد عن امها وابوها الكبار في السن

اللي حالتهم تقطع القلب

وصابره علشان عيالها المساكين وش تسوي دايما يهددها بالطلاق وانه راح ياخذهم منها ويجننها على شوفتهم اذا اعترضت او قالت من حقي

تكون بطاقة الصراف حقتي معي


والله انها تعبانه نفسيا الحين ابوها مريض وامها مريضه مره وتبي توديهم

المستشفى وماعندها فلوس توديهم لانه حالف مايسحبلها قرش

من رصيدها حسد في اهلها

ارجوكم هي صديقة عمري وتعز علي اكثر من اختي


ارجوكم احد يدلها وش تسوي مع هااالوحش

31 تعليق 2,850 مشاهدة

شاركي في النقاش

سجلي الدخول لإضافة تعليق.

التعليقات

28
  1. @am_hbyby_2

    حسبي الله وهو نعم الوكيل
    شو قلبه هالرجال يعني اهلها شمسوين فيه والله حرام
    المفروض ما تعطيه بطاقتها حقت الصراف
    وهي ملزمة بالصرف على اهلها مادام ما عندهم عائل
    بعد ما ربوها وتعبوا عليها لازم احين تعيلهم
    خلها تكلمه بهدوء وتنصحه ما يخاف الله ما يخاف الدنيا تدور عليه ومثل ما سوى لوالديها يجون عياله يسون فيه كذا
    والله الظلم شين وعلى ناس كبار ما يخاف الله يبلاه بصحته ما يخاف من عقوبة الله
    خلها تنصحها بهدوء وقوة
    واذا ما نفع تدخل احد من الاهل يكون له هيبه يوقفه عند حده
    ليه هو ما عنده راتب ؟ ما له شغل براتبها هذا حرااااااااااام والله؟
    خلها تتصرف بسرعة خصوصا انها محتجة المال حك المستشفى
    والله يعينها ويفرجها لها من اوسع ابوابه
  2. @marya_9

    صاحبة الموضوع
    ام حبيبي

    مشكوره والله على الرد

    اهلها طيبين باالمره ابوها رجال كريم وحبوب بس المرض شين

    كان عنده محلات تجاريه بس بعد مامرض وطاح على الفراش

    تجارته تاثرت ويااحرام افتقر الرجال وقفل المحلات

    وامها طيبه وحنونه وتحب زوج بنتها كثير

    بس للاسف هو غيره وحسد في اهلها

    يكره لهم الخير

    وهو شاف نفسه بعد مامرض ابوها ومرضت امها

    ورغم انه ساكن معهم في نفس البنايه بس مقاطعهم

    حتى العيد مايجيهم

    وهي تعبانه نفسيا والحين تقله بس اسحب فلوس الايجار لاهلي علشان العلاج

    مهو راضي ومشترط ابوها يتصل عليه ويترجاه انه يدفع له الايجار

    وهي ماتبي تهين ابوها بعد هاالعمر

    وهو موظف وراتبه كبير

    بس ياحرام ماسكها من اليد اللي توجعها يقولها لو ماخليتي بطاقة الصراف

    معي راح ننقل من الشقة وهي ماتقدر تنقل علشان ابوها المريض وامها اللي تعبانه حيييييل

    ودايما يهددها باالطلاق ويقول والله غير اطلقك واحرق قلبك على عيالك

    وهي ماتقدر توسط احد يكلمه والله لو سوت كذا غير يجن جنونه

    ويقلب عاليها واطيها


    الله يجزاكم خير ابي حلول الله يحفظكم تراها في كرب عظيم

    ارجوكم
  3. @othab

    الله يفرج همها وكربها

    انصحيها اختي بالدعاء في جوف الليل
    فالدعاء من تجارب الكثير يفعل مانعجز فعله في سنوات
    اوصيها بالدعاء ثم الدعاء

    وياليتها تتواصل مع محامي ناصح تستشيره
    أو قاضي تشوف كيف الحل حتى تشوف الخيارات الي أمامها
    وتلجأ لحل

    زوجها باين مصاب بالنرجسية وعنده مرض نفسي
    الله يقيها شره
  4. لا حول ولا قوة إلا بالله

    الله يعينها ويصبرها عليه ومأجورة إن شاء الله

    والله فيه ناس ما يرحمون ابدا وزوجها منزوع الرحمه الله يهديه

    المهم اختي خليها تدعي وتصبر واذا قنعته بكلامها ودموعها يمكن يحن قلبه

تابعي تجارب أخرى من هذا القسم.