شاركي في النقاش

سجلي الدخول لإضافة تعليق.

التعليقات

2,084
  1. أم أياد ليه بتقولي ان نفس شعورك انتى كمان متأخره من زمان ؟

    شيمولاتا انتى واضح انك زي حالاتى في قله العزيمة في تخيف الوزن ويمكن من الاحساس بالملل واوقات الشعولا باليأس وخصوصا ايام الدوره بيخلينى اتجنن على الشكولاته ( دا غير انى مدمنه اساسا ) بس بحاول اخفف منها على قد مأقدر

    انا كمان بعيد عن ابوظبي ب 20 دقيقه تقريبا في حته اسمها مصفح التجاريه تعرفي احنا كنا هنيجي نسكن في دبي لان اسعار الشقق رخصت هناك بعد الازمه الاقتصاديه بس جوزى استبعد المسافه علشان شغله كمان مش عارفه ليه بحب ابوظبي اكتر يمكن علشان بقالى 4 سنين فيها وتعودت عليها
  2. @ashtkt_alyk

    مصرية...
    لا شكر على واجب يا قمر....
    بس الأول مش عايزين اكتئاب و لا يأس....ده رزق و بيد الله وحده و احنا ما علينا إلا السعى....
    و بلاش كمان كلامك انتى و ام إياد عن ظلم الزوج....لان لو أخدنا من حديث الرسول عليه الصلاة و السلام....ان خير متاع الدنيا الزوجة الصالحة....
    مش دايما يا حبيبتى الأطفال بيكونوا هم الرابط الوحيد بين الزوجين...وياما سمعنا عن حالات انفصال (بعد الشر عنكم) و بيكون فيه أطفال....بالله عليكم ابعدوا الشيطان و اطردوا الافكار ديه من دماغكم...

    أما بقى بالنسبة للسيدوفاج ...فهأقولك الكلام اللى قالهولى دكتوري و اللى باعتبره مصدري الأول فى كل معلومة موثوق فيها...ان الدوا دوا منوقفوش فى أي حال من الأحوال....لأا وقت الدورة و لا وقت عملية و لا وقت تبويض و لا حتى لما يحصل حمل....يبقى تصرف دكتورك ده مكنش تمام....

    و كمان فقد الوزن اهميته فىا لحالة ديه قد تكون أكبر من العلاج.....يبقى يا قمر يلا نبتدي من النهاردة و نخس للوزن المثالى و نرجع ناخد الدوا تانى (و على فكرة مش هتفرق قبل الأكل ولا بعده) لان فى النشرة مكتوب بعد الأكل لكا الدكتور كان بيقولى نخليه قبل الأكل علشان يسد النفس شوية ...لكن انا عمري ما قدرت آخده قبل الأكل....و كمان أوعى تعمدي عليه فى التخسيس لانه ممكن ينزل الوزن مع ناس....ومع ناس تانية ميقومش إلا بدوره الطبى....وانا واحدة من الناس لما اخدته و معملتش دايت مخستش ولا جرام....ويا ريت تروحى لحد متخصص فى التغذية لان ممكن الانظمة العادية و تقليل الاكل اللى بنعمله فى البيت ميجيبش نتيجة و نلاقى فى الآخر اننا ضيعنا وقت و بس....

    و يلا شدي حيلك وقوليلنا نويتى على إيه
  3. @mnosh_thyad

    فاطمة الزهراء912
    قال تعالى:{وبشّر الصّابرين* الّذين إذا أصابتهم مصيبة قالوا انا لله و انا إليه راجعون* أولئك عليهم صلوات من رّبهم ورحمة وأولئك هم المهتدون*}.
    بنات الحمد لله انا دلوقتى اقدر اتواصل يوميا انا حجزت فى المركز المصرى يوم 9/2 بس هاجل الميعاد لفرح بنت خالتى ادعولى
  4. @ashtkt_alyk

    شيمو...
    ضحكتينى و الله.....بس حاسبى للبوليس ييجى يقبض علينا كلنا و تبقى حوسة.....
    المهم يا قمراية....بالنسبة لموضوع إنك تجيبى من الآخر و تعملى المنظار....فانا هاقولك رأيي....انا لو مكانك كان ممكن أفكر فى كده علشان أستبعد أي سبب و علشان مابقاش عمالة آخد تنشيط شهر ورا شهر ويكون فيه حاجة مستخبيه أنا معرفهاش....لكن برده كنت هافكر فى حاجة تانية يا قمر.....لو كان الاجراء اللى هاعمله علشان أقصر الطريق سهل و بسيط و مش مكلف مكنتش هاتردد....لكن احنا بنتكلم فى منظار...يعنى سفر و تكلفة و عملية....فبالتالى الأمر يستحق مننا محاولة و لا اتنين قبله......

    يبقى يا قمر انتى كده كده كنتى هتنزلى مصر على الصيف...مش كده؟.....يبقى نستغل الوقت من هنا للصيف فى اننا نخس شوية كمان و ناخد شهرين و لا تلاتة تنشيط.....وان شاء الله ربنا يكرم من عنده.....و لو لا قدر الله محصلش يبقى نتوكل على الله فى خطوة المنظار.....ماشى يا قمر....

    أنا بقى بالنسبة للبارلوديل و خطة التنشيط.....فانتى يا قلبى كده خطواتك زي الفل...فعلا يا ريت تعرفى من الدكتور و تمشى على الخطوات اللى هيقولهالك فى الكام شهر دول.....و بالنسبة للاتصال بيه....فحاولى انتى تكلميه بنفسك و تستفسري منه على كل اللى انتى عايزاه....ولو تعذر الأمر ده...فزي ما قلتى نوفى موجودة و فيها الخير و البركة....وكده كده كلنا تحت أمرك....بس اهم حاجة لما توكلى حد يسأل بالنيابة عنك يكون حد واحد بس علشان برده منزهقش الدكتور و ميلاقيش 100 واحد بيسألوا عن نفس الحاجة.....
  5. @am_ayad_2009

    مصرية انا بقالي 5 سنين وداخلة في السادسة محصلش حمل ولا مرة
    بس متفائلة الايام دى وحاسة ان فرج ربنا قرب

تابعي تجارب أخرى من هذا القسم.