تفائلة: تحليل البروجسترن ده يبقي هرمون الاتبويض و بيتعمل في اليوم 21 او 22 من الدورة. ام اياد: ربنا يخليكي, و عقبال ماتجيبلنا احلي توائم. انا مشكلتي الفرة ديه في النزول بس تعب زوجي. فان شاء الله يقوم بالسلامة و اقدر انزل الجمعة ديه.
شيمو... انا جيتلك يا قمر و هاقولك كل حاجة.. بصى يا جميل...زي ما قلتلك...أي دكتور كويس مش هيبدأ إلا بجرعة بسيطة....لحد ما يشوف الاستجابة عاملة إزاي و بناء عليها إما يثبت الجرعة او يزودها او فى حالات بسيطة يقللها... المهم واضح ان الجرعة ديه هى اللى دكتور عادل بيبدأ بيها مع مرضاه...بس أنا من الأول كتبلى على أربع حقن و لما اخدتها اول مرة رحت للمتابعة فى اليوم ال12 و كانت الاستجابة كويسة....لكن طبعا مش شرط يحصل حمل من أول مرة...فالدكتور قالى لو البريود جت نعيد نفس التنشيط تانى....و لما عدته الشهر اللى بعدها ورحنا للمتابعة فى اليوم 12 ..كانت الاستجابة أسوأ بكتير من المرة الأولى ..وعلشان كده كتبلى على أربع حقن كمان آخدهم اتنين فى نفس اليوم و 2 اليوم اللى بعده....و برده كل مرة كان بيبقى فيه احتمالين اما يحصل حمل و نبقى عارفين هنعمل ايه...او ميحصلش و ساعتها نكرر الجرعة الاخيرة تانى بس ساعتها هآخد ال8 حقن كالآتى....حقنتين فى اليوم بدءا من اليوم الخامس لليوم التامن و نروح المتابعة فى اليوم ال 10 او 11 او 12...وكانت البويضات معقولة لكن كتبلنا على حقنة كمان فى نفس اليوم.... بصى يا شيمو ده اللى حصل معايا بالظبط....بس يا ريت تسمعى منى الكلمتين دول....ممكن يا قلبى ناخد دوا كحة من دماغنا....و لا ناخد دوا للبرولاكتين.....لكن التنشيط بالذات يا قلبى لازم ليه متابعة طبية دقيقة....وزي ما قلتلك الدكتور مهما كانت شطارته مش هيقدر ينجم استجابة الجسم ده هتكون ازاي....لان الاستجابة بتختلف من جسم لجسم...وحتى لنفس الشخص بتختلف من شهر لشهر....يعنى لازم يبدأ بجرعة بسيطة و يتابعها ...و يزود سنه سنه لو دعت الضرورة....و لازم هو برده اللى يحدد ميعاد الإبرة التفجيرية......سواء عمل السونار بنفسه أو عملتى السونار بره و بلغتيه بالتقرير.....أهم حاجة...ان التنشيط يكون تحت إشراف طبى...سواء فى تحديد الجرعات و تحديد تقف امتى و تزيد امتى ...فاهمانى يا شيمو... يبقى احنا دلوقتى ناخد الجرعة اللى اتكتبتلنا و نعمل السونار فى الميعاد اللى الدكتور طلبه و نبلغه بنتيجته....و بناء عليه نشوف هيقولنا إيه و يكتبلنا الابرة التفجيرية امتى.....و منفكرش فى أبعد كده دلوقتى..و لو عايزة تسألى ابقى اسالى الدكتور ساعتها....لو لا قدر الله محصلش حمل إيه الجرعة اللى آخدها الشهر اللى بعده.....و ان شاء الله ربنا يكرمك الشهر ده.... بس المهم تانى يا شيمو...إوعى تاخدي تنشيط من نفسك أبدا أبدا ابدا...
صحيح يا شيمو....حقنة الفوستيمون ب 55 جنيه....و يا ريت تدوري عليها كويس عندك لانها المفروض تتحفظ فى الثلاجة.....و لو زنقت و هتجيبيها من مصر تنبهى على اللى جايبها انه يحطها فى Ice box.....المهم يحافظ عليها باردة لحد ما توصلك
أوكسى...الحمد لله إنك طمنتينا عليكى....و خلص يا بنتى احنا دخلنا فى الجد...ابعدي الشيطان عن دماغك....و للأسف سؤالك مش هاقدر افيدك فيه......ان شاء الله توتا او طمطم او اي حد عمل العملية يدخل و يفيدك يا قمر...