شاركي في النقاش

سجلي الدخول لإضافة تعليق.

التعليقات

2,084
  1. @ashtkt_alyk

    هى الأفكار تومام التومام يا جميل...
    بس المشكلة ان الكلام ده لو اتنفذ هياخدله حوالى عشرتاشر صفحة من الملف الجديد....
    عموما مش مشكلة....
    انا معاكى فى كل ده...
    بالنسبة لرقم واحد ...انا موافقة..بس كلنا نراجع القائمة...واللى ليها تعليق سلبى على حد فيها نشيله....لاننا هنكتب فوق ان دول مش كل الموجودين فى مصر لكن دول اللى اتعاملنا معاهم و شايفين انهم ال Top....و ماعدا ذلك منعرفش عنه حاجة...علشان اللى يدخل جديد ميقعدش يسال....لو لقى الاسم اللى هو عايزة فى القائمة يبقى يسألنا عليه ول ومش لقاه يبقى محدش فينا جربه...

    و بالنسبة لرقم 2...فأنا موافقة...وأتمنى إننا زي ما هنكلف روحنا و نكتب قصتنا...ان اللى يدخل عندنا يكلف روحة ويقرا قبل ما يسألنا....و يا ريت لو نوحد صيغة...علشان الكلام ميبقاش مرسل و ميلخبطش....يعنى نعملها فى صورة نقاط...زي استطلاعات الرأي كده...مثلا...
    مدة الزواج.....
    مدة التأخر....
    سبب التأخر...
    العلاجات....وهكذا

    أما بالنسبة لرقم 3 ديه هتبقى صعبة أوي....وخصوصا ان دايما وجهة نظري ان اللى عايز معلومة لازم يتعب و يدور عليها.....لان اللى عايز يعرف بيعرف يوصل...لكن اللى هتسقيه المعلومة بالمعلقة مش هيعرف قيمتها...

    أنا رأيي إننا بدل رقم 3..ممكن نعمل حاجتين....نكتب خلاصة النقاشات....يعنى مثلا بالنسبة للسيدوفاج....يكفى نكتب الخلاصة...
    1- مش بيقلل معدل السكر فى الدم عن الطبيعى
    2- لازم يستمر عليه طول الوقت و لا يقطع حتى لو حدث حمل
    3-......

    وهكذا...واللى عايز يعرف بقية المعلومة يبقى يتعب حبة نونو و يدور عليها فى الأجزاء اللى فاتت لحد ما يلاقيها....وكفاية اوي نحط روابط لكل الأجزاء اللى فاتت....و نقول للى عايز معلومة يدخل على الأجزاء و يكتب كلمة بحث.....
  2. @am_marium

    وانتن اكتر يا ام اياد ربنا يعلم اني بحبكن جميعا في الله وما بحسشي براحه الا معكن
  3. @ashtkt_alyk

    أودي...
    فكرتك تمام....انا كتبت كلامى قبل ما أقرا مشاركتك...

    أم مريم...
    نورتى يا حبيبتى.....بس متغيبيش عننا تانى....و طمنينا اخبارك إيه و ناوية على إيه الفترة الجاية...

    وداع...
    عاملة إيه يا قمر
  4. @ashtkt_alyk

    باقى دلوقتى يا نوفى...حد يعملنا صيغة السى فى.....و يا ريت لو أودي تعملها لانها حطت نقط كتير كويسة...

    و يا ريت كمان لو حد يجيب الروابط بتاعة الاجزاء اللى فاتت....

    و لو حد كمان يحدد إيه الموضوعات اللى دارت حواليها النقاشات زي مثلا (الحقن المجهري-التكيس- السيدوفاج-التنشيط-التحاليل)

    و أنا بالنسبة لى اللى هتكلفونى بيه هاعمله...

تابعي تجارب أخرى من هذا القسم.