شاركي في النقاش

سجلي الدخول لإضافة تعليق.

التعليقات

2,084
  1. مميزات
    ربنا ييسرلك الحال يا قمرة برافو عليكى انك ابتديتى تنزلى وزنك لانى زيادة الوزن مع التكيس بتزيد البله اكتر لانى مريض التكيس بيكون جسمه فى هرمون الاستروجين زائد وكمان هرمونات الذكورة والوزن الزائد بيكون دهون حول المبيض والهون من طبيعتها بتزود…
    مميزات حبيبه قلبي ميرسي على ردك بس بجد انا اتصدمت لانى أكدت على الدكتور وقالي انه مش بيمنع الحمل والمشكله انى هنا مقدرش اجيب اى دوا بدون روشته دكتور مفيش غير انى اخد دوفاستون لانى اعتقد عندى منه كميه علشان متدخلش في دوامه البريود وتأخيرها
  2. @mmyzat

    مصرية رقيقة
    مميزات حبيبه قلبي ميرسي على ردك بس بجد انا اتصدمت لانى أكدت على الدكتور وقالي انه مش بيمنع الحمل والمشكله انى هنا مقدرش اجيب اى دوا بدون روشته دكتور مفيش غير انى اخد دوفاستون لانى اعتقد عندى منه كميه علشان متدخلش في دوامه البريود وتأخيرها
    مش عارفة انتى ممكن تاخديه ولا لا انا مش جربته ممكن البنات تفيدك
  3. @neevooo

    مصرية رقيقة
    نيفووو بجد مانع للحمل الدوا ده بس مكتوب عليه غير مناسب لمنع الحمل والدكتور كمان قالي انه مش بيمنع الحمل انا كنت بقول كويس يمكن تيجي كده وأحمل من غير حاجه الله يخليكي يانيفو انتى متأكده ؟؟ لو بجد كده هوقفه فورا انا عايزه اسيب نفسي بطبيعت…
    بصي يا كوتي
    معلش استحمليني و هحكيلك حكايتي
    انا عمري 37 سنة و متجوزة من 5 سنين
    البيريود بتاعتي عمرها ما كنت منتظمة و اما روحت لدكتور زمان قبل الجواز قالي انت طبيعتك كدة 000يعني ايه ؟
    يعني في ناس تبويضها بيكون كل كذا شهر
    طبعا الكلام دة غلط لكن الجهل بالشيء بيخلي الواحد يصدق الكلام اللي بيتقاله و خصوصا لو كان من دكتور كبير
    المهم اتجوزت و محصلش حمل روحت لدكتورة و الدكتورة دي انا تابعت معاها سنتين كاملين جاني فيهم نزيف 5 مرات منهم مرة استمر 80 يوم
    و العلاج الوحيد اللي كانت بتكتبه هو السيكلوبروجينوفا و كانت دايما تاكد على ان يحدث علاقة حميمة في اخر قرصين من الني و اول قرصين من الابيض او العكس الحقيقة مش فاكرة
    المهم اما كنت بشكي من النزيف المتكرر كانت بتقولي دي بيريود بس طويلة شوية
    شكيت ( بس كان متاخر للاسف )
    روحت لدكتور تاني كان هيخنقني و على الرغم ان الدكتورة في مدينة نصر و هو كان في المهندسين الا انه ذكرها بالاسم و قالي انها وقفت نشاط المبيضين تماما بالدوا دة و بدل ما كان عندي خلل و ضعف في التبويض اصبح عندي انعدام تبويض تام
    و اتبع معايا خطة تانية خالص في العلاج للاسف برضو كانت كلها منشطات و المنشطات حبيبة التكيس اللدودة
    بيتغذى عليها و هو كان بيديني اقصى درجات التنشيط اللي ممكن تتخيليها
    و النتيجة نزيف و عمليتين لوقفه و برضو توقف المبيضين تماما و الدكتور دة استمريت معاه سنتين برضو
    و اخيرا روحت لدكتور عادل ربنا يبارك فيه
    قالي كلمتين علاجك سيدوفج 850 مرتين في اليوم و تنزلي وزنك قبل كدة مفيش حاجة ممكن تساعدك
    و انا خارجة من عنده سالته ارجع لحضرتك امتى قالي بالنص متجيش الا اما تخسي
    الكلام دة كان من 7 شهور و قدرت انزل من وزني 7 كيلو لكن مش كفاية و مستمرة على العلاج لحد دلوقتي بس الدايت نشاطه واقف لاني اتعرضت لاكتر من ازمة صحية لخبطت كل حاجة
    و مع استمراري على السيدوفاج عرفت لاول مرة في حياتي يعني ايه بيريود منتظمة
    و من غير تدخلات هورمونية و لا منشطات
    عشان كدة بأكد عليكي خلي السيدوفاج صديقك الصدوق و اوعي تبطليه مهما حصل
    دي كل حكايتي يا حبيبتي عشان تبقي عارفة ردودي عليكي اساسها ايه بالظبط
    و دة اللي خلاني قلتلك خدي راي دكتور تاني لاني خفت عليكي و لاني بدعي ربنا ان محدش في الدنيا يمر بلحظة الم من اللي مريت بيها
    و الحمد لله ان مميزات قالتلك نفس الكلام
    اسفة طولت عليكي
  4. نيفو حبيبتى ميرسي على التوضيح وسامحينى في كتر اسئلتى بس تعرفي انا كنت حاطه في بطنى بطيخه صيفي وشاريا منه كميه تكفينى طول قعدتى هنا على مأنزل ومخطرش في بالى ابدا انه كده عموما انا بعت للدكتور عادل اسئله جزاكى الله خير على الايميل ولما يرد عليا ان شاء الله هقولك عموما انا خلاص اخدته الشهر ده ومخلصاه من اسبوع تقريبا يعنى في انتظار الدوره .

تابعي تجارب أخرى من هذا القسم.