
السلام عليكم و رحمة الله و بركاته ...
مساااكم الله بالخير ... عزيزاتي ... إعلومكم ؟؟؟ و شخبار التنظيف وياكم ؟؟؟ ورانا ورانا ,,, أدري و أنا مثلكم ...
اللي خلاني أنزل هالموضوع ... العفسة اللي لقيتها في مطبخي اليوم يوم نشيت ....
المطبخ آيم آإد ع قولة خواتنا الشاميات ... فوق حدر .... و قلت ما بدهاش لازم نعلن الحرب و حملة النظافة ...
قبل ما نبدا ... ((( القانون اليديد )))) التذكير بذكر الله سبحانه ...
يلا يا حلوات نردد .... ما شاء الله لا حول و لا قوة إلا بالله ...
ما شاء الله لا حول و لا قوة إلا بالله ...
نشيت على الحلوين اللي يتريوني ( ينتظروني ) من البارحة ...

عفسة ما بعدها عفسة ...
ما عندي واحد اثنين .... شمرت عن إيدي و هاتي غسيل

و شطفتهم و عالسلة ينشفون ...
و شفتي في دربي هالمسكين يترجى ... بعدني من فترة فاركتنه بس اللي يعينه هو المكروف دووووم لحجمه الحلو .... هو حد قاله ينقز فالمحل و يترقص يغريني عشان آخذه .... كيفه يتحمل ألحين !!!! ههههههههه
قبل ...

و طبعا المساعد جف الأبيض ويا الليفة ..
و بعد ...

و هذه وحدة ثانية ..بعد الشور ..

و هذا القدر الثاني ...
قبل ...

و هذا بعد الشور ...

إنزين خلصنا من الوعيان .... انتقلت إلى الميكرويف البارحة كنت ساخنة فيه عيش ... و شكله اليوم غمضني و بديت الشغل فيه ...
قبل ..

طلعت الصحن و غسلته بفيري ..

بنات راجعة مع التكملة رجاء لا حد يرد ... بحمل الصور و راجعة ......











