ابغى اعرف رد كلمة كثر الله خير ك.. انحرج مع ضيوفي

مأجورين .........الله يأجرنا وياجرك

كثر الله خيركم ........صحه وعافيه

قره عينك ....قرك الله بالقران وطاعه الرحمن

انا كذا ماخذتها قاعدة...
كل عام وانتوا بخير>>>>وانتو بخير..
كثرالله خيرك>>>وخيرك
وحشتيني>>>وانتي اكثر...

ومررررررررة صااار موقف محرررررررررج..
كانت امي مريضة..وجو عندنا ضيوف"خوال امي"
المهم يوم جو بيطلعون..قالوا..ماتشوف شر الوالدة.... الله يشافيها..
ويجيهم ذاك الرد مني>>>>ويشافيكم!!!!!
وهم اصلا مافيهم الا العافية...بعدي نضحكوا وقالوا مع السلامه,,,درو ان ماعندي سالفة..

هههههههههههههههههههههههههههههه

ذكرتيني باخويه ..كان متنوم بالمستشفى

وفي نفس الوقت مات عمي....فالناس اللي راحوا يزورون اخويه


يقولون له ماتشوف شر.....يقولهم الشر مايجيكم <<< الحمدلله عدت على خيرر





وتجيك الطامة الثانية......يقولون له احسن الله عزاك في عمك


يقولهم

7
7
7
7
7
7
7
منا ومنكــــــم :hahaha:

اعتقد بعض الردود تختلف من منطقة لمنطقة ومن قبيله لقبيله

كثر الله خيرك <<<وخيرك

وحشتيني <<< وأنتي أكثر

الله يحييك<<<الله يبقيك

ما تشوف شر<<الشر ما يجيك

والنعم << والنعم بحالك أو ما عليك زود

لما تروحين احد ويجيب لك البخور .. قلي له طاب طيبك وعاش حبيبك ..
لما احد يشوفك ويقلك عاش من شافك ..... قلي ..تعيش ايامك واعوامك ..
لما احد يشوفك كاشخه ولابسة .. ويقلك وش هالحلاوة ... انتبهي لا تقلين .. عيونك الحلوة ... لان دكتورة في تطوير الذات تقول جملة (( عيونك الحلوة )) تقلل من مقدار الشخص الممدوح ,, انتبهي ... قولي .. هذا من لطفك .. او ..هذا من ذوقك ... يعني افتخري بنفسك ..
لما تعزمين احد على العشا .. احتمال يقلك .. سفرة دايمه .. قولي عوافي .. ..
ولما انتي تزعزمين خليك لبقة .. ولا تقلين سفرة دايمه ... قولي.. اللهم بارك لهم فيما رزقتهم ,,واغفر لهم وارحمهم ..
او تقلين .. الهم اطعم من اطعمني .. واسقي من سقاني ..
ولو تذكرت شي .. لي رجعه ..