شاركي في النقاش

سجلي الدخول لإضافة تعليق.

التعليقات

1,399
  1. @am_ksmt_1

    صاحبة الموضوع
    حبيبتي احب اتغير وكل البنات( ده يعتبر من ضمن الدروس يااموله)
    بخصوص طلبك عن كيفيه التعرف علي الغرزه العدل والغرزه المقلوب والتفرقه بينهم
    شوفي


    بصي هنا دي الغرزه العدل وبتتسمي خلفيه علشان بتيجي من خلف الغرزه الجديده
    يعني لما تشوفي فروع الغرزه اللي باللون الاحمر
    شوفي بقي فروعها حاتلاقي اللي انا مشاوره عليهم دي الغرزه في السطر السابق وجينا عملنا الغرزه اللي بالرمادي وكده الغرزه الاولي جت من خلف الغرزه الجديده وده باين في الخيط اللي في الوسط (العلامه الوسطي)
    وشكل الغرزه بيكون زي الv كده


    وبرضه انا حاطه علامات علي فروع الغرزه ولاحظي الجزء اللي في الوسط مختفي وراء الغرزه الجديده
    بالنسبه للمقلوب بيحصل العكس
    الخيط اللي في الوسط بييجي امام الغرزه الجديده

    اللي واخد اشارات باللون الاحمر ده الغرزه المقلوب واللي اشاراته بالازرق ده الغرزه العدل

    شوفي بقي شكلهم في القطعه او النسيج


    برضه اللي اشاراته بالاحمر او بالفوشيا ده المقلوب واللي مشاوره عليه بالازرق ده العدل
    وكده حاتلاقي المقلوب شكل العدسه او بارز شويه عن النسيج
    والعدل شكل الv ونسيجه مستوي مع القطعه
    وياريت بقي تتخيلي في الصوره اللي قبل الاخيره انك بتبصي للقطعه من الجهه الاخري
    حاتشوفي في الغرزه العدل اللي قدامنا علي اليسار
    لو بصيتي عليها من الخلف حاتلاقي الخيط الاوسط جاي من امام الغرزه الجديده وكده العدل من الامام حايكون من الخلف مقلوب
    والعكس صحيح بالنسبه للغرزه اللي جهه اليمين (المقلوب من الامام) لوبصيتي عليها من الخلف حاتشوفي الخيط الاوسط جاي من خلف الغرزه الجديده
    وكده يكون المقلوب من الامام ----------- اييييه
    لو تطبقي بقي حايثبت اكتر
    ومعلش اعذروني حااستأذن لبعض اشغالي وارجع ارد علي بقيه الغاليات
  2. @ahb_atghyr

    فهمتك ياالغالية ربي يسعدك سامحينا تعبناكي
    بس بقي التطبيق الله يعين مدري الا وحدة منهم خخخخخخخخخخخخخخ
  3. @am_ksmt_1

    صاحبة الموضوع
    madyh11
    هاد تطبيقي يا ابلة ام قسمت هي 10 او اكتر وحدة عدلة و وحدة مقلوبة مشكورة يا ابلة ام قسمت
    الشكر لله ياقمر
    انتي عملتي في الاول مقلوب او عدل علي طول
    وبعدين سطر عدل وسطر مقلوب مش كده ؟؟؟
    تسلم ايديكي ياغاليه بس ياريت تاخدي بالك من امام الشغل وخلف الشغل
    هي مش حاتفرق معاكي الا في نقطتين
    الاولي ان البدايه بتكون مرتبه اكتر
    والثانيه بتقدري تميزي بسهوله ترتيب السطور ومش حايحصل لك لخبطه
  4. @am_ksmt_1

    صاحبة الموضوع
    وعلي فكره
    شغلك حلو خصوصا الصوره الثانيه الملونه شكلها اظبط من الاولي ماشاء الله

تابعي تجارب أخرى من هذا القسم.