حبيبتي هذا ابليس يوس وس لك بهالافكار عشان تضيعين دينك ودنياك
لاتستسلمين لهذي الافكار ..وتعوذي من الشيطان ..واذا مرت ع بالك هالفكره قومي توضي وصلي ركعتين لله
وقولي لاابليس ميخالف راضيه ايه راضيه اجلس بدون زواج بس مااعصي ربي ..
ياعمري انتي هذي ارزاق من رب العباد مكتوبه لنا وحنا ببطون امهاتنا ..ورزقك بتاخذينه ان شالله
ووش يدريك يمكن يطلع بختك افضل من بخت صاحباتك وقرايبك وتاخذين احسن رجال بالدنيا
مو شرط كل وحده متزوجه وعندها عيال تكون سعيده ..
ادخلي قسم (الحياة الاسريه ) بهالمنتدى وشوفي مشاكل المتزوجات كيف
ساعتها بتكرهين فكرة الزواج ..وادخلي موقع بلقيس وشوفي هناك الحريم كيف ..اللي صارت تعالج عند طبيب نفسي واللي جتها الامراض وكلها بسبب مشاكل الزواج..
صحيح مو كل الرجال زي بعض .. ولاكل اللي متزوجات مو مبسوطات بزواجهم ..بس انا عن تجربه اقولك حياة المتزوجه اصعب من حياة البنت ...لان هنا مشاكل وهنا مشاكل ..بس دايم مشاكل المتزوجه اصعب واكبر من مشاكل البنت اللي في بيت اهلها..
وماتدرين يالغاليه كل تاخيره وفيها خيره ..((وعسى ان تكرهو شيئاً وهو خيراً لكم وعسى ان تحبو شيئاً وهو شراً لكم))
المهم قومي الليل وصلي وادعي وتصدقي كثير ..
ودايم قولي (اللهم اني اسألك بكل اسم هو لك ان ترزقني زوجا غنيا عفيفا تقيا صالحا حنوناطيبا تقر به عيني ويصلح به شئني عاجلا غير آجل ولاتكلني الى نفسي طرفة عين ولااقل من ذالك ..ولاتشمت بي عدواً ولاحاسداً يارب العالمين )))
الله يرزقك ياكريم وكل بنات المسلمين :)
وش رايكم اكلم شباب ؟؟؟
متابعة النقاش، صفحة 10