شاركي في النقاش

سجلي الدخول لإضافة تعليق.

التعليقات

2,084
  1. totta_55
    انا أسفة اني هضيقكم بس غصب عني ومش عارفة والله اكلم أقول ايه اللهم أجرني في مصيبتي وأخلف لي خيرا منها الحمد لله علي كل حال أنا طلع في دماغي أعمل تحليل دم النهاردة وطلع نيجاتيف والحمد لله ، النهاردة اليوم العاشر من نقل الأجنة . اللهم…
    توتا انتى بتقولى ايه .... لاحول ولا قوة الا بالله انا لله وانا اليه راجعون اجرنى فى مصيبتى واخلف لى خيرا منها ... انتى مش معاد تحليلك لسه اخر الاسبودع ... عملتيه بدرى قوى كده ...اصبرى طيب ياحبيبتى لحد ما تكملى الاسبوع ده وعيدية تانى .. طيب انتى كلمتى دكتور حسام؟؟؟؟
    انا متلخبطة والله وربنا يعلم مش عارفه اصدق التحليل ولا لا ومش عارفة اقوللك ايه يا حبيبتى ده احنا كلللنا دعينالك كتير اوى ... توتا انتى خرجتى ولا لسه هنا ؟
  2. الهدى والنور
    توتا مين اللى قال انه خلاص لا يا قمر اليوم العاشر فى بنات بيحللوا فيه دم و ما بيطلع و حللى باليوم اللى الدكتور قالك عليه ال 14 صح؟ ما تستعجليش و تضايقى نفسك و اكيد ان شاء الله حامل توتا هاسالك سوال مع انه مش وقته انتى عملتى تلقيح صناعى قب…
    معلش يابنات لما دخلت اول مرة مقدرتش اكلم حد غير توتا لان الخبر خضنى جدا .. ربنا يارب يخلف ظنها وتطلع حامل ياارب ..
    نادية ..
    ربنا معاكى يا حبيبتى ويوفقك وابقى قولى لنا نتيجة التحليل ايه اللى عملتية والدكتور علق عليه قال ايه ..
    ربنا يكتب لك الحمل يارب الشهر ده .
    الهدى والنور ..
    شكرا ياهدهود على سؤالك عنى وعن انس .. الحمدلله كلنا بخير المهم انتى ظهرك احسن دلوقتى
    شوشو .. عاملة ايه طمنينى عليكوا انتوا التلاته ياحبيبتى
    نيفو ..
    انتى كمان عاملة ايه انا شفت توقيعك ولاقيتك سجلتى نفسك فى الإشراف .. ربنا يعينك يارب ويكرمك ويجازيكى كل الخير يا حبيبتى ويرزقك الذرية الصالحة اللهم آمين ..
    ماما ..
    الف مبروك على اللاب توب الجديد .. ويارب يا حبيبتى يوم الخميس لما تعملى التحليل تكون النتيجة كويسه علشان تطمنى وقلبك يرتاح ويارب يكتب لك الحمل يارب الشهر دة انتى واوكسى
    اوكســتى ..
    مش هقولك غير ربنا معاكى ويرزقك يارب الحمل السليم الشهر ده بس طمنينا عليكى لو سمحتى

    يابنات كلنا ندعى لتوتا ربنا يكرمها بالحمل ويكون التحليل مش صحيح .. ولو صحيح ربنا يصبرها ويأجرها ويعوضها خير
  3. د.وداع
    السلام عليكن ازيك ياهدي طااااال الغيالب لييييييييييييه؟ كنتي فين واخبارك ايه؟ رمال ازيك انا باخد نولفادكس 3 مرات لمدة 5 ايام من تاني يوم الدورة وبعديه مونيجون يوم ويوم بس ايه رايك ابادا متابعة من امتي؟
    وداع ازيك يا حبيبتى عاملة ايه ... بصى اولا واخيرا شوفى الدكتور هيقوللك تروحى امتى وروحى لانه هو اكيد ادرى مننا ياقمر .. لكن لو سألتينى هقوللك انى افضل اروح فى اليوم ال 11 .. ليه .. علشان اتابع التبويض من اوله ولانى مش عارفه نظام تبويضى فى شهر التنشيط هيبقى شكله ايه وكمان لان التنشيط بيخلى المبايض تشتغل على طول والبويضات بتكبر فى اول ايام التبويض بسرعة وده فى الاعم الاغلب بس مش بالضرورة يحصل لك ده لكن انا بقوللك على اللى حصلى شخصيا وعلى اللى اعرفه ..
    فا انتى خليكى فى السيف روحى بالكتير اليوم ال 11 شوفى ايه الاخبار فى السونار لو لقيتى ان فى بويضات كويسه ومستعده تكبر يبقى انتى مسكتي الخيط من اوله وهتتابعى لحد ما الدكتور يحدد لك معاد الابرة التفجيرية ..
    ولو لقيتى لسه البويضات صغيرة مفيش مشاكل هيبقى طبيعى جدا ومتقلقيش ادينا جينا شوفناها وماخسرناش حاجه بس عملنا احتياطاتنا وهنقدر على اساس كده نحدد اليوم التالى للسونار هل هيبقى تانى يوم ولا اللى وراه وكله طبعا هيبقى بمشورة الطبيب يا حبيبتى ..
  4. مميزات
    ريمو وحشتينى ا وى بحاول اتصل بيكى مش عارفة
    مميزات .. سامحينى يا حبيبتى والله انا مش فى البيت بقالى كام يوم كل يوم تقريبا بنزل علشان مامتى تعبانه وبنروح نكشف ونعمل تحاليل واشعه وخلافة علشان كده انا فعلا مكنتش مركزة خالص بس انا اللى هحاول اوصل لك بقه لانك واحشانى جدا ولانى مقصرة فى حقك .. وربنا يكرمك يااااارب يا ميزو على سؤالك عليا وعلى كل بنت هنا .. ربنا يجعله فى ميزان حسناتك ويبارك لك فى احمد يارب .. وربنا يكرمك كمان على مجهودك فى موضوع التنظيم بتاع الملف فعلا انتى جمعتى المعلومات المهمه اللى مفروض تتحط فى السى فى وياريت كل البنات يملوها ويبعتوها لنوفى
    وياريت يا ميزو ما تتقطعيش عننا بقه بجد وجودك فى الملف حلو كده وكلنا مبسوطين بيكى معانا
  5. رمـــــال
    مميزات .. سامحينى يا حبيبتى والله انا مش فى البيت بقالى كام يوم كل يوم تقريبا بنزل علشان مامتى تعبانه وبنروح نكشف ونعمل تحاليل واشعه وخلافة علشان كده انا فعلا مكنتش مركزة خالص بس انا اللى هحاول اوصل لك بقه لانك واحشانى جدا ولانى مقصرة فى ح…
    ام اياد ... انتى فين انا قلقانة عليكى .. انتى غايبه ليه ياحبيبتى عننا بس .. ياترى ايه واخدك مننا يارب يكون خير بس اهم حاجه .. يارييت تطمنينى عليكى انا مش هقدر اتقل على اوكسى واقوللها تسألنا عليكى لانها اليومين دول على اخرها وفى دوامه ربنا يعينها يارب عليها .. اظهرى بقه وطمنينى

تابعي تجارب أخرى من هذا القسم.