شاركي في النقاش

سجلي الدخول لإضافة تعليق.

التعليقات

2,084
  1. @ashtkt_alyk

    لا يا توتا... اوعى توقفى الدوا يا قلبى....
    وبعدين هاقولك حاجة...انتى شكلك عملتى تحليل دم عادي...
    والتحاليل العادية ديه ساعات بتبقى محتاجة نسبة معينة للهرمون علشان تظهر بوزيتيف...
    و الوقت ده بدري اوي يا قلبى....
    يمكن لو كنتى عملتيه رقمى كنا قلنا النتيجة محسومة..
    انا مش باقولك اتعشمى و لا اتعلقى بأوهام..
    لكن يا توتا مازال الاحتمال قائم...و علشان خاطري استمري على الدوا و اسمعى كلامنا و كلام جوزك و اعملى تحليل رقمى كمان كام يوم و ان شاء الله ربنا هيجبر خاطرك...

    و عايزة اقولك حاجة...انا كنت قريت مرة فى منتدي تانى واحدة عملت تحليل رقمى قبل البريود بمدة....يعنى تقريبا زي حالاتك كده..وكان الهرمون عندها 2 (يعنى و لا اي تحليل دم عادي ممكن يقول ان ده حمل) وعادته بعد يومين لقته 16 و بعدها بكام يوم لحد ما بقى فوق 100 و ساعتها اتأكدت من الحمل...

    و كمان حاجة...انا المرة اللى فاتت لما رحت اعمل تحليل دم عادي..الدكتور اللى فى المعمل مرضيش يعملهولى الا لما عرف ان البريود متأخرة 4 ايام....اعتقد مكانوش هيرضوا لو كان قبل ميعاد البريود...

    اصبري يا توتا لحد ما نتأكد قبل ما توقفى أي دوا و لا تاخدي اي إجراء...اتفقنا...
  2. @mama1983_1

    توتا شوفي التحليل العادي بتاع الدم بيكون في حد معين لازم يوصله الهرمون عشان يقرء الحمل انت لو مستعجله كده عملتي تحليل عادي ليه كان تعملي رقمي ده هو الي حيقطع الشك باليقين دلوقتي تصبري لحد ما موعيدك في المركز تيجي وتروحي تعملي التحليل وانا ما اقدرش اقولك اهدي ولا بلاش قلق وحزن انا عارفه قد ايه الموضوع ده صعب بس يا توتا لازم نفتكر دايما ان الحمل بيد الله وانك حتى لو عملتي ايه لو ربنا ما كتبش مش حيحصل وانك لو ما عملتيش اي سعي للموضوع وربنا كتب حمل حيحصل وما تيأسي الي حيحصل ده في مصلحتك اكيد وربنا هو الي بعرف الخير فين بس احنا نصبر

تابعي تجارب أخرى من هذا القسم.