شاركي في النقاش

سجلي الدخول لإضافة تعليق.

التعليقات

2,084
  1. @mama1983_1

    اديكوا مثل على ان الحمل ده حاجه رباني مالهاش دعوه بمرضك ايه وعمرك ايه اثنين بعرفهم وحده هرمونها الfsh18 وعمرها 26 بس والثانيه عمرها 37 وهرمون الfsh 70وراحوا عملوا اطفال انابيب طبعا لو عرضا الحالتين غلى طبيب متخصص في اطفال الانابيب وقلنالوا اختار حيختار الاولى لان عمرها صغير وهرمون الfshعندها اقل وبالتالي مخزون البويضات وجودتها احسن تخيلوا بقى ايه الي حص الاثنين عمليتهم فشلت البنت الاولى الدكاتره كانو متفائلين قوي لكن اول عمليه ما طلعتش ولا بويضه وكانهم كانوا بيحقنوها بميه مش حقن منشطه عملت عمليه بعد الاولى على طول وطلعت يدوب بويضتان لكن الاجنه كانت سيئه جدا وما انقسمتش وما رجعوش الاجنه
    البنت الثانيه الاكبر عمرا والي هرمونها ضرب ال70 برضوا عمليتها فشلت بس بعد ما طلعت بويضتان وانقسموا ورجعت جنينين كويسين لحد ما يعني حالتها احسن بكثير من الاولى الي الدكاتره قالوا ان نسبه الحمل عندها اعلى
    المفاجاءة ان الاثين حملوا طبيعي الشهر الي بعده لكن البنت الصغيره في لاالسن سقطت البيبي في الاسبوع السابع من الحمل وما شفتش النبض والست الكبيره لحد دلوقتي حامل والبيبي ما شاء الله نبضه عال العال والحمل ماشي تمام التمام ربنا يحفظهولها مع ان اي دكتور راحت له قال لها مستحيل مستحيل مستحيل انتي كبيره وهرمونك عالي ولا يمكن يحصل حمل ولازم تستعملي بويضات متبرع بيها
    شفتوا الحمل ده رزق من ربنا امته يحصل وازاي ده ربنا بس بيحدده واحنا ما نقدرش نعمل اي حاجه غير اننا نسعى وندعي ونتوكل ومتى ربنا يشاء حيكون ولو طلعنا السما ونزلنا الارض وعملنا الي ما يتعملش لو الاوان ما جاش يبقى مش حنحمل
  2. ماما كلامك كله صح و القصة بجد رائعة و ربنا يارب يرزقك بالحمل السليم و تبشرينا
    باقول لك جنين الانتظار عندهم كم ساعه لانى مش قادرة اقعد مدة طويله و سمعت انه بال 7 ساعات
    و هل اول مرة باقابل د حسام؟
  3. @mama1983_1

    انا اسهل لي ارد عليكي في العام يا هدى دكتور حسام فعلا كان مسافر من يوم الاحد وقال لي حيرجع بعد يومان والانتظار طويل جدا عنده انا اول مره رحت انتظرت من 8 صباح ودخلت له 3 بس الحكايه ده بتختلف ممكن تنظري 3 ساعات وممكن 4 وممكن اكثر او اقل حسب الزحمه في المركز

تابعي تجارب أخرى من هذا القسم.