السلام عليكم ورحمة الله وبركاته
حبيباتي كيف حالكم .. عساكم كلكم بخير
مالكم بالطووويلة ..
انا عندي اخووو بنزوووجه وللحين مادورنا
بس لو ماحصلنا عروسه راح نآخذ اخت زوجي
المهم انا الآن جالسة استخير ربي على اخت
زوجي انها تكون زوجة صالحة لاخوي او لا
لأن امي
مثلي خايفة تقول نآخذها وتنقلب ضدك وتصيرين
عدوتها وانتي نيتك طيبة امي مره متخوفه
وللحين مترددة
المشكلة يابنات استخرت وماحسيت بشي ابددددددددد
كررت مره وثنين وثلاث ابددددد مااحس بشي
لا ضيقة ولا براحة عادي الوضع :44: وماادري
وش معناه .. اكيد بتقولون انتي وش دخلك
تستخيرين مو انتي بتتزوجين .. ادري بس
لانها اخت زوجي واخااااااااف من المشاااااااكل
اخر شي تجي برااااااسي ويصيرون يكرهوني
اهل زوجي بعد المحبه :44: عشان كذا انا
استخير .... يابنات تكفووون افيدوني استخارتي
صح ولا غلط وياليت تفيدوني
(اضافة لموضوعي)
بنات المشكلة زوجي لو ما آخذناها بيزعل
ويتغير علي يقول وش فيها عيب اختي
انا قلتله اخاف من المشاكل قال لو الناس
زيكم محد تزوج وقالها بصريح العبارة
لو مااصار نصيب راح اخذ موقف منكم
وراح يبان معدنكم وتصير علاقته بآهلي
مجامله وراح يتغير علي
وقال ماراح نآخذ اختك كمان
والله نفسيتي تعبت مررره كل
مافتحنا الموضوع نتهاوش ويجلس ايام
مايكلمني )
والله احس بالقهر
غير كذا اخته اكبر من اخوي بسنة ونص
وعني انا ماشفت منها الا كل خير
دفعت نص دين زوجي ودفعت حق ولادتي
وتوريني ملابسها وقبل مايجي رمضان
تعطينا مقاضي حق رمضان
اهلي خايفين تنقلب وتصير مغرورة
وغير كذا خالاتي يسبون فيها وبأمها يقولون
مصايب وكل ماتزور امي اهلها
يسبون خالاتي بآخت زوجي وامه
يقولون كبيرة ومو حلوة ومصيبة وداهية
زي امها وقوية
حتى صارو يهددونا اننا لو اخذنها مايحضرون
الزواج انا قلت لامي حرام يقطعون رزقها
ياويلهم من ربي المشكلة ان خالاتي
ماتزوجو الا واعمارهم 35 وحالتهم حالة وجمالهم
عادي واقل من عادي ومو متوفقين بزواجاتهم ووحدة
منهم حاسده وحقودة حتى انا كانت حاسدتني
وماتبغاني اوافق على زوجي تقول الله يعينك ام
زوجك راح تعذبك بحياتك
لدرجة قالو خالاتي ولدكم يصبر ويفطر على
بصلة الي هي اخت زوجي
وربي حرام وش ذنبها يوم تآخر زواجها
انا الحمدلله نيتي صافية مع ربي ومع الناس
عشان كذا ربي يعطيني دايم على قد نيتي
بالله وش اسوي فيهم
يارب يارب يارب تفرجها علي
يارب تيسر اموري
يارب رحمتك
الله يستر عليكم
يارب ويزوجكم والمتزوجة يسخر لها زوجهاا
ومايشوف احلى منهااا انتظركم
شاركي في النقاش
سجلي الدخول لإضافة تعليق.
التعليقات
84- الاقارب عقااااااارب ....لو بعيييده افضل..اشتري راحة راسك....
- الله يعطيك الف عافية
- لا تستعجلين سبحان الله تجي هي تيسير من ربي ان كان فيها خير وان كان فيها شر سبحان الله ماتيسر كذا من ربي
يعني مو لازم تحسين بشي ياحلوه
الله يكتب لكم الي فيه خير يارب
بس انا اقول تريضي لاتستعجلين - ..,
المشآكل شر لابد منه ..
أخذتو بعيده ولا أخت زوجك ..
يمكن أخت زوجك قدام عينك .. وعرفتي طبعهآ ..
احسن من انكم تاخذون وحده تاخذ ولدكم وتشقيكم ..
انتي احسني النيه ..
الله يكفيك شر من فيه شر ..
ولله يوفقه أن شآء الله ويرزقه الزوجه الصالحه عاجل غير اجل .. - الله يعطيكم العافية
انا عندي اهل مرره متشائمين ويخافون من المشاكل
مواضيع مشابهة
تابعي تجارب أخرى من هذا القسم.