][][§¤°^°¤§][][ نلتقـــــي لنرتقـــــــي....حياكم الله يابنات قطر3 ][][§¤°^°¤§][][

أختي أم ياسمينا ....

موضوعج جدا رائع ..

اذا على الخبز اللبناني حنا دايم نثلجه على طول بدون اي كلام في الفريزر واذا بغينا شي نطلع جم قرص ونسخنه في الفرن بالقصدير وما قد قطيت شي من الخبز اللبناني
أما الخبز الإيراني فطبعا لازم تاخذيه فرش اذا بتعشين على باجله ولا نخي ولا جبن وخلافه أما اذا يبس فأثلج لو قرصين وما نشتري اكثر من ريالين ثلاث ( خبز ايراني ) واذا احتجت المثلج اطلعه مره وحده ولا عاد اثلجه واستخدم عموما المثلج في طبق المنسف الأردني اللذيذ لأنه يتشرب باللجميد فما يحتاج يكون فرش ( طازج)..

الروتي السلايس والرولز اشتري منهم كل واحد كيستين فقط لا غير واللي يخلص ارد اشتري منه عقب ثلاث ايام وان كثر اربعه لأن ما شالله اللي عندنا إكيلة الله يحفظهم ...بهالطريقة انا مايكون عندي شي زايد
والعيش لا يمكن يزيد عندنا ابدا وهذا بفضل الله سبحانه والتشديد على الشغالات...تحددين الكمية اللي تناسب الأهل كلهم وكل شغاله تعرف هي شقد بتاكل واللي يزيد الفلبينيات يحبون يتعشون عليه وهم متعودين على هالش من زمان عندنا ...أما اذا زاد شي وحتما لا بد يزيد في العزايم انطرش حق امام مسيدنا ولانطرشه حق دريولية جيراننا..

وعسى الله يوفقج للخير دامج اتحرين الخوف من رب العالمين
جزاج الله خير اختي ام ياسمينا

انا ضيوفي قبل لا يجون اكون مبرزة دلال القهوة والشاي والغناج والفناييل وكل شي واذا بقدم عصاير الكوكتيل اكون ملونة الكلاصات الخاصة بالكوكتيل قبل بفترة وغاطتهم بالسكر الملون وخبرج باقي التزيين... واذا شربوا شاهييهم وتقهووا اقوم اطس شوي واسوي كوكتيل سريع مع الثلج واقدمه..

اكون مسوية مثلا اصابع الملكة بجبنة الفيلادلفيا واسوي منها اكياس واسكرهم عدل واثلجهم لفترة طويلة حتى..واذا عند التقديم افتح جيس واحد واخليه يحتر شوي وعقب اقليهم قبل لا يجون وقبل التقديم اخلي الشغالة مثلا تشربهم بالشيرة والزعفران...وممكن تسوين عجينة تارت وتثلجينها في الفريزر وعجينة التمر وممكن تسوين رولات البسكوت مع الشكولاته والناريل وتقصينهم دوائر
طبعا هذا كله للحالات الطارئة مب للعزايم المخطط لها من قبل...يعني يفرق اذا سويتي سويتات مطبوخه عن شي للتقديم السريع للضيوف المفاجئين
واذا طولوا عندج واستحيتي وما سويتي حسابج لعشاهم اما انج تتصلين لأقرب مطعم هههههههههههههههه أو تقلين اقراص الفلافل ( العجينه تسوينها وتثلجينها بعد ) وبرجر او كبة حاشيتها ومثلجتها من قبل مع شوربة الخمس دقائق بالكريمة والخضار ... وتخلين الشغاله تسوي جبس وطحينية وسلطة سريعه بالتونة وعصاير هذا في حالة الزيارات المفاجئه
اما عند العزايم الكبيرة فما شالله عليج اكيد عندج خلفيه كبيرة عن هالشي لأنه بيكون شي مدروس ومخطط له


يعني معظم الأكلات المريحة تكون مثلجة ( وتبيض الويه )


واذا تذكرنا شي بنكتبه ان شالله

مشكورين يابنات....الله يعطيكم العافيه وبصراحة في افكار حلوة اعجبتني وبجرب اثلج الخبزز هالمرة.....تصدقون مرة كنت مع الخدامه اشتري في الجمعيه والا حطيت خبز وروتي وتمت تضحك اقول لها شفيج قالت مدام انتوا اصلا ماتاكلون الخبز ليش تشترين الاثنين قلت لها صح خلاص باخذ روتي بس والله حتى الروتي انتهى واحنا ماكلنا منه شي......بس مثل ماقلتوا لين رحت بيت بروحي اكيد الاكل كله بيناكل.....وبصراحة افكاركم حلوة للاكل المتبقي وحتى لاستقبال الضيوف عندكم شغلات حلوة ان شاء الله الكل يستفيد منها