شاركي في النقاش

سجلي الدخول لإضافة تعليق.

التعليقات

2,084
  1. رمـــــال
    طيب يا ودعة ابقى طمنينى عليكى طيب يا قمر ... وربنا يكتب لك الحمل يااااارب الشهر ده يا وداع ويرزقك الذرية الصالحة يا حبيبتى .. وربنا يكرمك على سؤالك على ماما ادعى لها يا وداع كل ما تفتكريها
    ام انس ...
    شكرا يا حبيبتى لسؤالك على ماما ربنا يجازيكى خير يارب ويكرمك بالذرية الصالحة
    ام اياد ..
    والله انتى وحشتينا جدااااااااااااااااااااا وياريت تكون المشكله ف الانترنت زى اوكسى ما قالت
    اوكســــــى ..
    كنت محضرة لك كلام كتير اوى بس راح كله منى .. بصى انا عجبنى الكوبلية الاخير فى كلامك اللى قولتى فيه
    ".... انا لقيت انى الخص واركز فى جرع الدوا اللى بتتكتب علشان ميحصلش عك زى ما شفتم .... وربنا معانا يمكن تكون آخرتها خير "
    ان شاء الله اخرتها خير والله يا اوكسى توكلى على الله وركزى فى اللى عليكى وربنا يعمل اللى فيه الخير هى كلها اسباب والله ربنا يكرمك يارب
    بوبا ..
    ها قربتى تيجى مصر .. ربنا يجيبك بالسلامة يا حبيبتى
    نادية ..
    بصى يا حبيبتى للريفرانس بتاع المعمل لانى حاسه ان رقم 3594 غريب عليا شويه فا انتى شوفى الريفرانس وكمان اسالى الدكتور الا ان كنتى تقصدى 35.94 ... انا مش عايزة افتى واقوللك معلوماتى بس اللى اعرفه انه التحليل ده علشان نتأكد من أن البويضه فيها نواة مش مجرد كيس فاضي لا دى بويضه بنواة ولما بيوصل التحليل ده للنسبه المطلوبة على اساسه بنوقف حقن الديكابيل ..
    سارة ..

    ربنا يكرمك على سؤالك على ماما يا حبيبتى ويقومك بألف سلامة انا مبسوطة انك رجعتى تتحركى من البيت شويه لان القعدة فى البيت رخمة اوى لحد كان نشيط زيك ... بس خلى بالك من صحتك اهم حاجه وخدى الفيتامينات اوعى اوعى تقصرى فيها ياحبيبتى
    ماما ..
    ربنا يكرمك يا مامتى يوم الخميس انا كمان مستنياه زيك علشان اطمن عليكى واهه معاكى اللاب توب ملكيش حجه يا قمر تطمنينا عليكى
    باقى البنات سلامى للجميع
  2. totta_55
    السلام عليكم ورحمة الله وبركاته انا طبعا مقدرة مشاعركم جدا وانكم مش عايزيين تصدقو زيي بالضبط وجوزي كمان قالي لازم نعيده كمان كام يوم ، بس انا بصراحة مش عايزة اضحك علي نفسي وأعشم نفسي بحاجة واضحة وضوح الشمس انا عارفة ان التحليل الدم بيب…
    توتا .. ربنا يارب يخلف ظنك وتبقى حامل بس اصبرى لاخر الاسبوع ياحبيبتى .. وابقى قولى لنا المركز قاللك ايه لما يردوا عليكى يا حبيبتى
  3. الهدى والنور
    ريمو الف سلامة على مامتك يارب ربنا يديها الصحة نيفو يويو بخير الحمد لله ربنا يخليكى شوشو الحمد لله ظهرى لسه الالم مستمر مش عاوزة اروح للدكتور لانه كل مرة بيقولى نفس الكلام مفيش جديد توتا استحلفك بالله كملى المثبت يا بنتى المنتدى م…
    ربنا يكرمك يا هدى على سؤالك ..والف سلامة على ظهرك يا حبيبتى ربنا يشفيكى ويعافيكى يارب ويبارك فى صحتك اللهم آمين ..
  4. يا توتا أنا أختي عملت تحليل حمل عادي لما البريوت إتأخرت ومطلعتش حامل وقامت إشتغلت وعاشت حياتها وبعدها بكام يوم لما البريوت مجاتش برده عادت التحليل تاني وطلعت حامل ولله الحمد

    وبعدين أعرف واحده تانيه كانت عامله حقن مجهري عملت التحليل برده بدري وطلع مش حامل وقفت الأدويه من دماغها وعاشت حياتها اللي حصل إنها نزل عليها دم ولما عادت التحليل طلعت حامل وفقدت الحمل للأسف بسبب توقيف الأدويه

    اللي أقصده توكلي على الله وكملي أدويتك وسيبي النتيجه لله ومش هتخسري حاجه بجملة التعب يا توتا
    كمان أربع ايام مش مشكله
    وإن شاء الله بإذن الله هتطلعي حامل بإذن الله
  5. الهدى والنور
    ريمو الف سلامة على مامتك يارب ربنا يديها الصحة نيفو يويو بخير الحمد لله ربنا يخليكى شوشو الحمد لله ظهرى لسه الالم مستمر مش عاوزة اروح للدكتور لانه كل مرة بيقولى نفس الكلام مفيش جديد توتا استحلفك بالله كملى المثبت يا بنتى المنتدى م…
    الهدى و النور


    انا بعمل تلقيح صناعى ان شاء الله اليوم الاتنين ادعلى يا رب انا و كل المسلمين اجمعين

تابعي تجارب أخرى من هذا القسم.