ملف استشارة مطبخية مصرية عربية 3

عجبتني اوي التورتات ديه لمناسبة النجاح ان شاء الله ام كريم تعمل واحده منهم :39:((انا بنكشك:35: يا ام كريم ))

ألف مليييييييييييييييييييييون مبروك يا أبله دينا لسلمي ويارب دايما تفرحي بيها

أبلة دبنا مبروك لسلمى وعقبال ما نفرح بخطوبتها :27:

أم كريم تسلم ايديك على المعجنات ومنتظرين الباقي

يا بنات عملت امبارح حاجه حلوة اخترعتها كده مع ان اكيد فى ناس تعرفها بس انا عملتها من دماغي
جبت كوبايتين دقيق بسبوسة وقلبتهم تقليبتين فى حلة على النار من غير ولا نقطة زيت ولا زبدة وبعدين حطيت عليها كوباية سكر وقلبت تانى وبعدين فضيت عليها باكويين كريم كراميل بودرة ومن غير السكر بتاعه طبعا وقعدت اقلب لغاية ما اتحمص تحميص خفيف حطيتلها كوبايتين لبن وقلبت ولو احتاج ممكن تزودى لبن لغاية ما يبقى قوامه اتخن من السريلاك شوية او زى قوام البسبوسة قبل ما تدخليها الفرن
حطيتها فى طبق غويط وساويتها بالمعلقة وعلى الوش مكسرات ولفيتها كويس ودخلتها التلاجة
لما بردت خالص كان طعمها حلو قوى وتجديد غير الحلويات التقليدية اللى نعرفها ولا بيتحط عليها شربات ولا كريمة ولا حاجة عشان انا عارفة ان بنات الملف كلهم متبعين ريجيم قاسي

نورا -- جميله اوي الحلويات ديه تسلم ايديك

مني ام روان -- يا جميل انتي بتسألي علي الخلاطات انا عندي مولينكس وجميل جدا بس مش اعرف سعره لان ماما جايبهولي في جهازي بس المهم في كارفور عروض اجهزة حلوة والموقع اللي بتحطه روشانا اللي اسمه لقطة كويس قوي ان شاء الله تلاقي اللي انتي عايزة

ام كريم --- مش محتاجة اقولك الحاجات الجميله اللي انتي عامله حلوة اد ايه تسلم ايديك ويارب دايما تعملي حاجات حلوة كده