شاركي في النقاش

سجلي الدخول لإضافة تعليق.

التعليقات

2,084
  1. @ashtkt_alyk

    صباح الفل عليكم يا بنات...

    حلوة أوي سهرة إمبارح ديه يا ولاد...بجد فكرتونى باللذي مضى.....بس أختكم كانت بتاكل رز و فته كمان مع الملايكة و كنت فاكرة كمان النهار قرب يطلع.....بينى وبينكم انا فى السرير من الساعة 9.....

    المهم...يا رب يا نادية ربنا يجعل تعبك فى ميزان حسناتك و نفرح بيكى كلنا عن قريب......

    هدي...ربنا يوفقك فى التلقيح...بس لو عايزة رأيي طالما الدكتور كتبلك سيدوفاج (و ده سواء اعترف بوجود تكيس أو لا) فحاولى مش توقفيه.....حتى بعد ما تخلصى تفاصيل العملية.....أنا شخصيا لحد دلوقتى باخده.....

    وداع...فعلا زي ما قالتلك ريمو...انا مرة كنت قريت ان المنشطات بتعمل نوع من الاكتئاب...بس مش عايزين نستسلمله علشان انتى ست العارفين ...الحالة النفسية ممكن تبوظ النتيجة....
    نيفو ورمال....وحشنى السهر معاكم يا مجرمين....
  2. @ashtkt_alyk

    دانة و ميكو...صباح الفل...

    دانة...الرسايل عندي شغالة تمام....بس انتى اتاكدي هل المشكلة من عندك انتى و لا ايه...عموما هابعتلك الايميل و ابعتى عليه اللى انتى عايزاه
  3. @ashtkt_alyk

    ماما...
    انا شفت كلامك امبارح يا حبيبتى....
    إسألى الدكتور يا ماما و أكيد فيه وسيلة لتخفيف الألم و مش هتأثر على التبويض بأمر الله....و اللى أعرفه أساسا ان المسكنات ممكن فعلا بعد فترة تؤثر على التبويض...بس ده للى بياخدها بشكل مستمر...يعنى بيبقى تأثير تراكمى.....مش من مرة واحدة .....

    نيجى للمهم...إيه يا قمر ...مش عايزين خوف...إحنا عارفين إننا هنمشى سكة متعبة...و لإنه على أد غلاوة الحلم على اد التعب اللى هنتعبه...و إن شاء الله ربنا هيعوضنا عن التعب ده كل خير.....
    توكلى على الله يا حبيبتى و اعملى كل الى يطلب منك وسيبى الباقى على ربنا...واعلمى ان كل اللى ربنا بيعمله خير.....لو حطيتى الجملة ديه فى راسك دايما...عمرك ما هتخافى و لا هتتضايقى من أي حاجة بتحصل.....وربنا يوفقك و يريح قلبك
  4. @ashtkt_alyk

    شيمو...
    ازيك يا قطة....
    ده احنا ما صدقنا النفساوية تتعدل ...تقوم الست حماتك المصون تيجى و تبوظها....
    ما علينا...بصى يا شيمو...هأقولك زي ما باقول لأنس...عايزاكى وحش (طبعا مش أقصد تفترسى حد)
    لا الوحش اللى بجد هو اللى ميسمحش لحد يدوس له على طرف من غير ما يغلط فى حد...
    طبعا حماتك لازم يكون ليها احترامها لانها والدة جوزك اللى بتحبيه و بيحبك و شايلك على راسه من فوق....
    و طبعا لازم تراعيها و تكرميها....لكن مش مسموح لها بأي شكل من الأشكال انها تدخل فى حياتكم و لا تفاصيلكم....
    يبقى من قبل ما تيجى...اولا...تقوي علاقتك بزوجك جدا و تكونوا سمن على عسل...
    ولو قدرتى تفهميه ان الكلام فى التفاصيل اللى بينكم بيجرحك و لو يقدر يوقفه بزوق يعمل كده يكون تمام....
    و انتى من جانبك...لو هى فتحت اي حوار ملوش لازمة...حاولى تنهى الحوار بزوق...بانك تغيري موضوع الحديث...
    او تستأذنى و تسيبيهم بشياكة.....
    و الأهم من ده كله يا حبيبتى انك حتى لو هى قالت اي كلام سخيف....متحطيش فى دماغك و لا تزعلى لان الحقيقة انك مع جوزك و هو بيحبك و انك ملزمة منه و ان اي ابتلاء بتمروا بيه هو ابتلاء ليكم انتم الاتنين......و لو حد شايف غير كده تبقى مشكلته هو....

    و أخيرا...حطى فى دماغك دايما ان الحما عمرها ما هتحب مراة ابنها زي بنتها....كفاية احساسها طول الوقت انها اخدته منها...

    يبقى يا اما توقفيها عند حدها بشياكة...او تتجاهلى كلامها نهائيا.....و يا رب يا شيمو يعمي عنيها عنكم و تكون زيارتها خفيفة
  5. @ashtkt_alyk

    فيه حاجة كمان ممكن نزودها يا نوفى...
    و هى مواقع مفيدة....وديه مواقع موثوق فيها ....و ممكن اي حد عايز يعرف معلومة يرجع ليهم .....لان زي مانتوا عافين...مش كل المواقع اللى بتطلع لنا فى السيرش بتكون موثوق فيها و فيها معلومات محترمة....و انا شخصيا بارجع للمواقع ديه لما باكون محتاجة معلومة

    و منها..
    موقع الدكتور نجيب ليوس (على فكرة الموقع ده تحفة و المعلومات فيه متكاملة وواضحة بشكل ممتاز)
    http://www.layyous.com/a-index.htm

    موقع الدكتور عادل فاروق (الموقع ده تحت ال***** لكن حتى الآن فيه معلومات قيمة )
    http://www.adelfarouk.net/arabic_vr/news.html

    موقع طبيبى
    http://tabeebe.com/inf/articles.php?action=listarticles&id=6

    إسلام أون لاين...شرح مبسط بالصور لمراحل الحمل
    http://www.islamonline.net/Arabic/Multimedia/Library/science/2008/04/haml/01.shtml

    موقع طبيب دوت كوم
    http://www.6abib.com/

    صفحة فرعية من طبيب دوت كوم تتحدث عن الهرمونات التناسلية و معدلاتها الطبيعية...(و يمكن عمل بحث باسم كل هرمون لعرض كل المعلومات عنه
    http://www.6abib.com/lab/alb-1.htm

    موقع متخصص فى معلات الهرمونات (الموقع ده ممتاز فعلا و دقيق جدا)
    http://www.fertilityplus.org/faq/hormonelevels.html

تابعي تجارب أخرى من هذا القسم.